منتديات الفطاحله - يازمان الفساد اللي ظهر وانتشر

[poem=font=",5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يازمان الفساد اللي ظهر وانتشر= وانتج اوضاع زادت في المواطن هموم
المواطن يعاني ما لقى له ظهر= يالله اني دخيلك من ردي العلوم
نصفنا في اجار وربعنا افتقر= وربع متخم ولاهو داريٍ بالرسوم
بين كهرب ومويه الظهر انكسر = والغلا بالمعيشه محدثٍ للسقوم
والبطاله تزايد فوق اثنى عشر= لكل ميه من السكان لوهم قروم
والمشافي اذا لك واسطه بالشهر= او بعد عام واكثر مثل باقي العموم
ينفعك وافدٍ من الهند والا مصر= شان موعدك يقرب بين ليله ويوم
وكل مشفى خصوصي مناظر للدلر= همه الجيب ماهو في مريضه رحوم
والدوا لو تكلم قال تاخذ حذر= دام سعره تضاعف مثل سعر اللحوم
والمدارس بعضها ما بني له مقر = كل عام اجار ومن دخلها مغموم
والتلاميذ يحشى مخهم كالكفر = بكل ما هو قشورمنتجه للرخوم
بعضهم للتطرف مال يومه كبر= برمجوه الاعادي لغم وقت اللزوم
والشوارع تعاني من مطب وحفر = داخل الحي ماهو عند بعض التخوم
والحصاني تزايد والتسلق كثر= كل واحد وهمه كيف نهبه يدوم
مظهر للولاء وفي فعاله ضرر = وفي نفاقه وضوح لو وصل للغيوم
في فساد يعرفه من فقد للبصر= والرقابه قليله او تقل وسط نوم
كل يوم نقول انا خبار البشر= والحقيقه بأنا عايشين بحلوم
الخلايق تقدم ووضعنا انحدر = دام كلٍ اناني للمكاسب يروم
ذا يتاجر بدينه وذا بنهب تجر = وذا عميلٍ وخاين لو يحب الخشوم
والاجانب تظلل تحت منهو ستر = تحول اموال ضخمه بعضها للخصوم
والمخدر يهرب بين بر وبحر= وش يهم اي تاجر لو يبيع السموم
البلى كل ساسه من فساد انتشر = من مواطن ووافد خلف ستر الرخوم
لكن اللي اعرفه من بعدله بهر= والي الامر معروف بقو العزوم
لو درى بالفساد ولو وصله الخبر= كان يقضي عليه ونرتقي للنجوم[/poem]