عزيزي المشرف العام............
مدرستك متعددة المهام متنوعة المشارب شاملة في كل فن ومذهب
هنا أجدك معلما مربيا ناقد حكيم ملهم
ووجدت هنا للشعر رسالة وتوجه
لك الشكر على كل ما قرأته هنا وغيره
ولك تحيتي

صح لسانك أبو عبدالله قصيدة جامعه
ولكن الا ترى بأنه في هذا الوقت تغيرت مفاهيم كثيره
فبدأ الناس يتجهون الى الماديات أكثر أي تفكير وقتي آني فقط
بدلا من التركيز على المستقبل البعيد
أتمنى أن يعي هذا الجيل ماتعنيه أيها الشاعر الملهم
شكرا لك على رائعتك ... أخوك سناعيس

اضحك مع الطائر المهاجر(بالصوت)
 

هذا السيناريو الضاحك وضعته على ما اعتقد في منتصف 2002 ، ونشر لأول مره في بوابة العرب
وتلاقفته الأيدي لتنقله من مكان إلى مكان ، حتى هذه اللحظه..
يتفق شاعر وشاعره على الزواج وأن لايتكلما في ليلة
الدخلة إلا شعرا ، وبالفعل يبدأ التنفيذ ،
[rams]http://fatahilah.com/up/Zfaf.mp3[/rams]
فهاهو العريس يدخل على صالة النسا، فيبدأ بالسلام
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
مرحبا ضيفاتنا فالفــرح نوّر=ياهلا ويامسهلا بالحاضراتي
ارقصن غنن ولا بي منكن اكثر=انقضن سمر الجدايل مايلاتي
الفرح بوجودكن يزهـا ويفخر=دامه الله نعمةٍ يالغاليــاتي[/poem]
ثم يتجه لزوجته ، فيحييها ، وتقبس الحرب الشعرية بينهما :
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الفرح فرحين وانتي الفرح الأكبر=ياهـلا بك ياعروسي يا مناتي
قبلة الترحيب ، هاتي الخد الايسر=الشنب يخدش خدود مـوّرداتي
ربي جمّعنا ، وقـول الله أكـبر=شاعرٍمع شاعرة باحلى غناتي[/poem]
الشاعره
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياهـلا بك واحترم نفسك تـوّدر= وانثبر ساكت ولا تشوف البنـاتي
فـارغ قلبك مثـل ذيبٍ تحـدّر=يلغف الخرفان في صمت وسكاتي
لا تفكر يعرفـن بالشعر الاحمـر=ما يبن شعرك ، بنات عاقــلاتي[/poem]
الشاعر
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شينها من ليـلة يالوجه الاقشر=اعقلي يابنت ، خوف من الشماتي
اضحكي قدامهن لو ضحكٍ اصفر=ولا تفردّنا تشوفي الطايلاتـــي[/poem]
الشاعره
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
وين عقلك بالشعر راح وتنكـر=وين كلمة حب ، وين المفرداتـي
تحسبن العرس يالانثى المذكـر=مثل شعرك هرج ، صف القافياتي
العرس تدخل بقبرك قبل تقبـر=ما مضى تنساه تصبح كالرفـاتي
المــره بالعنـق والاولاد تكبـر=والعـوافي تعقبك في كل آتــي[/poem]
الشاعر
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شـوفي اللي لابسه فستانٍ اخضر= كنها لولب برقص المبدعاتي
وشـوفي امك كنها كيس مخصّـر = وفرقي بين العجايز والبناتي
وشوفي المزيون راع الشعر الاشقر= واهني الرجل في ريم الفلاتي[/poem]
الشاعره
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لعنبو اصلك ترى لـو ما تـدّبر= وتستحي يالشين تقعد في ثباتي
لاصفقك كفين ، اعذر من قد انذر= واتركك وحدك وهج بلا عباتي
منت رجّـال ولكن ثـورٍ ازعـر=لا حيا لا سمت من كل الجهاتي
هيّـا قم قامت عصبك ولا تأخر= ناويه أعطيك درس في الصفاتي[/poem]
الشاعر
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ماني قايم روحي لوحدك فانااخبر= خايفً منك تجيبـي لي حمـاتي
واندبغ منها وانا مسكين مقدر = انتظر ضرب العصامن الطاغياتي
[/poem]
الشاعره
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شخّص ببشتك وراسك فوق اكثر =ودنق عيونك ، ومشيك في ثباتي
ولا مسكت ايـدي تبسّم لا تنثـر = ومن قرب حولك تردد ياحيـاتي[/poem]
الشاعر
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
من سمع هرجك يقول ولا تحذّر =ظبي شارد ما خذه ضب نبـاتي
جعل منتي ذيك أم الطرف الاخضر = لا .. وتتشرط علي وجه الدباتي[/poem]
الشاعره
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شف ترى مابي مشاكل لا تجبّر= خلنا نمرح قبل وقت الفواتـي
هـدّني الارهاق ما احتاج اكثر= والصبح بدري يهجدوني خواتي[/poem]
الشاعر
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
مايصير اللي تقولي وانتي اخبر= ما انـام إلا بحـل الواجبـاتي
وش تقول امي إذا الواجب تأخر=ويش ااقول لهم.. تلحفت بعباتي![/poem]
الشاعره
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لا تطوّلها ترى من اعـذر انذر=.وش دخلهم في زواج الشاعراتي
وان رفضت ارميك مثل القطو الاغبر=واقفل الغرفه واريّح في سباتي[/poem]
ادرك الشاعر انه لن يستطيع حل الواجبات بهذه الطريقة ، ففكر بحيلة
الشاعر
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الفجـر أذن وقـــال الله أكبر=واجب نصلي ونرجع للمباتي
رايح اصلي عسى الرحمن يستر=ما حّدٍ يسأل واصير لهم حكاتي
وكان انا ما جيت من امرٍ مقدّر=اعرفي إني مت لا تنسي وصاتي
من تزوج شاعره لابـد يخسر = من البدايه ما يطول الطايلاتي[/poem]
فأدركت الشاعرة وهي العروس ان خروج عريسها في حد ذاته عيب عليها
فما بالك لو لا قدر الله حصل له مكروه ، فبدأت بالتراجع
الشاعره
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
كيف تتركني ونا بهالحال مقدر=اترك الغرفه ولو سبع خطواتي
خلنا نصلي سوى بالخير تؤجر=واسمع القرآن منّك والعظاتي
كودي اشفى من صداع بي تسمر= ويرجهن البال بعده والصلاتي[/poem]
اذاً نجحت حيلة الشاعر ، فقرر التمهيد لحل الواجبات ، مستفيدا من شكواها من الصداع :
الشاعر
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الصداع امره سهل خليني انظر=دلكة باليّد في بعض الجهاتي
مسحة في الجيد يبرق مثل مرمر= ولمسة للصدر تبعث للحياتي
ويتغذي الراس من عرق تعثر=وتشعرين براحةٍ بعد العناتي[/poem]


وينجح الشاعر في النهاية في اقناع زوجته بحل الواجبات

حبيت شايب ..ليه(بالصوت)
 

[rams]http://www.fatahilah.com/up/7baitshayb.mp3[/rams]

[poem=font="Simplified Arabic,6,darkred,bold,normal" bkcolor="transparent" bkimage="http://www.fatahilah.com/images/toolbox/backgrounds/24.gif" border="none,4," type=2 line=0 align=center use=ex num="0,black"]
حبيت شايب لا تقـولون لي ليـه = لقيت عنده ما أبي العزّ والجاه
حصّلت كل الحبّ من قلب يعطيـه = هو حبّي الاول ولاخر وانا افداه
قرب على التسعين لا شي يشكيـه = سلفه يـدّق بلا اشتراكٍ وتحمـاه
مهمـا طلبته قـال حاضر ولبّيـه = يركض على شاني ولا همّه شراه
لـو هو لبن عصفور لابـدّ لاقيه = يفـرح اذا من قلت يارب تجزاه
وان ضاق صدري بان حزنه بعينيه = ورحت اتمشى فيالبساتين وايّـاه
يجمع لي أجمل ورد من نقوة ايديه = والشوك عن دربي يشيله بيمنـاه
واذا رجعنـا البيت فالأنس يحييه= شال الهجيني والرقص دوم يهواه
وان كان ابي "ديسكو" فلا هوب خافيه= "البريك داون" يضبطه ما تعنّاه
يا بنت خـوذي شـايبٍ لا تعـدّيه = خـاتم بيدّك والمخـاليق تخشاه
وش لك بورعٍ تايـهٍ في مفـاليه = اما سهر والا دشــاره وبلـواه
والا فقيـرٍ راتبـك ما يخـلّيـه = والا غني والبخـل دوم بخطـاه
والا مطـوع وحــدةٍ ما تكفيّـه = ولو هي وحيده تنتهي من سواياه
قضبة عمى يا ويل من طاح بيديه= فسيـارته من كثر كـرفه تشكّاه
ولا تاخذي شاعرترى العشق يغريه = يا سـرع ما يقلب لحبٍ تحـرّاه
ولا تقبـلي راعي "تداول" وتشريه = فكـره مع الاسهم عشيقٍ وليلاه
فالشـايب اللي كبر جـدّك تمنّيـه = لـو قدّر الله مات فالورث ذكراه
من بعـدها تشرين زوجٍ وتغنيـه = دام الشباب اليـوم فقره توطّـاه
ويصير لك ظـلٍ وطفلٍ تربّيـه = برويتبٍ مثل الموظف ولا احلاه[/poem]

شاب يحث على الزواج من العجايز(بالصوت)
 

[rams]http://www.fatahilah.com/up/shabw3jooz.mp3[/rams]
[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
غزالٍ أمس مرتني ومعها شايبٍ مطيور = احسبه زوجها واثره ولدها ناوش الستين
رجلها مات من مدّه وهي ما جا عليها الدور = تركها الموت لي فتنه وانا داخل على العشرين
قمر يوضي بليل العشق يسحرني ونا المسحور= جمال الله في ارضه بقايا الورد في الخدين
تفاهمنـا وحبّينـا بحبٍ واضحٍ كالنور = إذا من قلت ياروحي تجاوب يانظير العين
وإذا من قلت يابنيّه تقول الهرج ذا لبزور = انا الخبره بهالدنيا وحكيك ماصخٍ يالشين
نبي نعرس ولا وافق ولدها جعلها الدافور = يقول انتَ على مطمع تبي امّي يابو وجهين
واراد الله تجوزنا بحكم الشرع بعد شهور = وقضينا صيفنا كله مابين جنيف او برلين
ولكن للأسف ماتت وولدها اقشرٍ ممرور = ابي حقّي ولا اعطاني سوى مليون او اثنين
بنيت قصير في جدّه واخذت بنيّة من الحور = ندعّي للعجيّز ما لحقنا اقساط والاّ دين
شباب اليوم يا العاطل تفهم فكرتي والشور= ترى الثروات موجوده ولا تحتاج للتخمين
عجايز يفرحن بك لا بغيت العرس دون مهور= يبن باقي العمر يمضي مع اللي يفهم التلحين
وخلك ذيب يالفاهم ترى الله ما ومر بالجور = كفايه في السنه ثنتين ولكن عدن السبعين
تبي لك في الشتا سمرا وهجها كنّه التنور= وتبي لك وحدةٍ بيضا لعز الصيف وانت ذهين
تودع في نهاية فصل ولا انتَ بالدفن مجبور= وتستقبل بداية فصل وتقبض كاش من بابين
ولا بنتٍ على كبـدك غثيثه ناشبه بالزور = تموت انتَ وهي حيّه وبعدك تاخذ الرجلين[/poem]

الرجل لامن وصل ستين عام (بالصوت)
 

[rams]http://www.fatahilah.com/up/60%20old.mp3[/rams]
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
الرجل لا من وصل ستين عام = ابتدا يطلب مثل موتر قديم
لا يغرك با"لبدي" لو هو تمام = البلاوي داخله شيٍّ عظيم
لو كشح بالنور في وسط الظلام= كهربه متلامسٍ ماهو سليم
ولو مشى بك خطوتينٍ للأمام = لاتوهق .. ما يوصّل للنسيم
المكينه كل مافيها عدام= وحنّة الدفرنس تسمع بالنظيم
لو تصلح ما تصلح بانتظام= دربه التشليح مع باق الرميم
فالدخاتر لو بهم بعض افتهام= البعض عينه على قرش السقيم
بين متسعود ووافد ما ينام= يلتغف ينهب مدامه في نعيم
وبين الاصلي من رقى فوق السنام= دون علم ولو زعم إنّه عليم
من قشور الغرب جمّع بالختام= والشهاده بالهدايا والبريم
شيوله شغال بياع الكلام = والجشع طبعه ولا له من غريم
وان خطا مسموح مايلقى ملام= فالوزاره كلهم ربع ونديم
عنصرية طب في قل اهتمام= والقدر شماعة اهمال الغشيم
فالضماير غارقه وسط الحرام= ما تفكر في حساب ولا جحيم
الرجل لامن دخل سن الصرام= لايحرك ساكنٍ يبدا الصريم
يجتنب ما لذ من شرب وطعام= فالمضره وارده باكل الدسيم
والمطامر يتركه وسط الزحام= يحتفظ بالجهد حتى في الحريم
ينشغل بالفكر يكتب للأنام= عن فوايد من تجارب في الصميم
والمواعظ في عدال الإلتزام= فالتزمت بالضرر نار الهشيم
يقتنع بالرزق يحيا في سلام= مع جميع الناس مايكسب خصيم[/poem]

من وصل سبعين لازال متعافي (بالصوت)
 

[rams]http://www.fatahilah.com/up/70old.mp3[/rams]
[poem=font="Simplified Arabic,5,purple,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
من وصل سبعين لا زال متعافي= يحمد اللي بالعوافي متّعه
خذ نصيبه كاملٍ والحق وافي = وما يجي بعده رجاحه تخدعه
البعض لو شايبٍ فيه ارتجافي= لاتكلم بالحكي ما اشجعه
كل هرجه عن ثقيلات الردافي= يومه يطامر ولاحدٍ يمنعه
ولا حضر مثله تشوف الإنعطافي= انقلب ينصح وكلٍ يلذعه
ولا سمع صوت الجميلات النحافي= ذاب كلّه في الغزل ما ابدعه
يصغّر لصوته ويبدا الإنجرافي= وتنخدع به من تذوب لمسمعه
ولا نظر للدشّ من تحت اللحافي= انتهض كالذيب ماشٍ يوجعه
وان بغى يعالج ولو عنده مشافي= ال مصر والهند ياما أسرعه
وكان عنده خادمه فيها لصافي= لو هي اكبر منه عودٍ مالكعه
دام ذا مشيه وريشه بالنتافي= ما على الورعان شرهه تتبعه
قدوة الأولاد يالحر السنافي= لا تساهل خل ذكرك ما نصعه
يطلعون رجال مافيهم سفافي= يرفعونك من مطيحٍ تخمعه
ولا رحلتَ ياصلك بعض القطافي= دعوةٍ فيها ثواب ومنفعه[/poem]

مشيت يم السوق..جمس الهيئه(بالصوت)
 

[rams]http://www.fatahilah.com/up/Faisaliah.mp3[/rams]
[poem=font="Simplified Arabic,5,,bold,normal" bkcolor="sandybrown" bkimage="" border="double,4," type=2 line=0 align=center use=ex num="0,black"]
مشيت يم السوق يازين فرقاه = مع طفل لزّم اشتري له هديّه
يومه نتق لي ظبي والموت بخطاه = وحسّيت في قلبي تقل لذع كيّه
من طرفه الأيمن تنهدت ويلاه = ومن طرفه الأيسر لمحت المنيّه
زلزل جذور القلب من ادناه لاقصاه = ومن قوّة الزلزال اسمع دويّه
راحت دفاعاتي الا كيف ابقواه = واستنجد التاريخ واهل الحميّه
حضّرت عنتر فوق الابجر للقياه = انحاش ما يقوى العيون الجريّه
ونخيت أبو زيد الهلالي من الآه = قال العذر فالعشق نار وبليّه
ياقدرة الله من بقى يمكن انخاه = كل هرب وين الرجال الوفيّه
واشوف خبلٍ مقبلٍ وقته اضناه= عطشان جايع لازهاب ومطيّه
ومن دون ما انطق صاح انا عندي دواه = خبره طويله كان تبغى الوصيّه
مجنون ليلي ياهلا به وشرواه = ويش اللذي ودّاك للفيصليه
قام يتبسّم واخرج اللي بمخباه = مسجلٍ مصنوع في الجاهليّه
وحط الشريط اللي من الشعر عبّاه = جره على المسحوب في العامريه
قال افتهم فالحب كالقفل تقواه = باللين تفتح كل درب عصيّه
واكتب قصيدٍ يسحر القلب مغناه = يرسل على الجوال اثمن هديّه
لينك تمكّن داخل القلب وحشاه = وتدري بصيدك قبل تاقع ضحيّه
كانه غزالٍ تعرف أصله وملفاه = حطّه على يمناك ما فيه زيّه
وغيره فلا تقرب ولو كنت تهواه = يمكن مع الأيام تلقاه حيّه
قلت العفو هرجك كبير بمعناه = وانت الذي مجنون بين البريّه
تركض ورى حبك تبي شوف عيناه = بين الحجاز وبين نجد العذيّه
وفي الآخره بالغار تفطس بمثناه = محدٍ درى بك لاجواز وهويّه
ومن قبل ما ينطق بسرّه وما اخفاه = جتنا تبادح مهرةٍ يعربيّه
ويطمر لها الرجّال والبنت تنصاه = والدمع حاير في العيونٍ الشقيّه
كلٍ من الفرحه ويوم الله أعماه = قام يتحضّن منوته والبغيّه
والاّ هل الحسبه على الجمس تقفاه = شالوه مع ليلى فهذي خطيّه
ان كان هذا العشق ما والله ابغاه = مادام فيه الجمس ليه الأذيّه[/poem]

حريم اليوم تفعل ما تكلم (بالصوت)
 

[rams]http://www.fatahilah.com/up/greet3yoonaha.mp3[/rams]
[poem=font="Simplified Arabic,5,,bold,normal" bkcolor="burlywood" bkimage="" border="double,4," type=0 line=0 align=center use=ex num="0,black"]
قريت عيـونها ما خبّـرنّي = قرتني بالرموش وخدّرني
احس القلب معها طار منّي = غزالٍ تفتن القلب المعنّا

ابلحق لكن اقدامي عصنّي= انادي تبتعد ياناس عنّي
اصيح صياح من داخله جنّي= تعالي كود قلبي يرجهنّا

لقيت عجيّـزٍ قلت المعونه = شرحت الوضع وارهيت المؤونه
ابي من صادني يدفع ديونه = فسحر بسحر والبادي تجنّا

خذت رقمي وقالت في خشونه= توكّل يافتى خل الرعونه
احـاول علّـني القى حصونه= واجيب العلم من انس وجنّا

صبرت ايام ناري بالمحاني = رساله جات من نفس المكاني
وعجوز قريح ترسل لي تهاني= وعن البخشيش الحظها تغنّا

وفي الموعد تلاقينـا ثواني= بهمس الطرف نحكي بالاماني
تبسّم لي واحس الموت جاني= تعلّـق زود قلبـي ما تهنّا

ابي تنطـق ولكن فاجأتني = تقول الناس حولي وتركتني
احس بسحر فيها علّقتني= وراحت وتركت لي ليت إنّا

تبي حبي وفيها ولعتني = ولا ادري ويش اسوي وهقتني
وقلت اركد من الواضح بغتني= ولكن ليش تركض ما تونّا

عجوز النحس وينك طال عمرك = فما تبغين حاضر زاد قدرك
فشلت وظنتي تقليد سحرك = فشوفي حلّ لا نرجع لكنّا

تعالي يام مريفق قصر شبرك= اعرف ابليس اخيّك تحت امرك
واعرفك لا شتهيتي زان مكرك = ابي المحبوب فانتي اليوم منّا

يريد الله وتكلم عجوزي = طلبت العون قالت ما يجوزي
زعل مني الشويب ولد جوزي = على شانك وبخشيشك تدنّا

حلفت وحرزتني بالحروزي = كلامي واضح ما به لغوزي
ابيها لي مره علّي اجوزي = عن دروب الهوى من كل فنّا

ونا في غرفتي داله اكلّم = واذا باللي دخل عيّا يسلم
عجوزي والمره كلّن تولّم = اكلت الطعم علقه ما تونّا

أيا راسي كفـايه لاتألم = طويرن بالقفص صعبٍ يحلّم
حريم اليوم تفعل ماتكلّم = اذا لفّ الرجــل منّا ومنّا[/poem]

واحد مغازلجي ياكل علقه(بالصوت)
 

[rams]http://www.fatahilah.com/up/fulguh.mp3[/rams]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

لقيت في دربي من الزين شلقه= وبديت اناظر في جمال البنيات
قالن وش تدور تبي كم علقه = وإلا تأدب تترك اللي ستيرات
قلت استحن فعقولكن دوم غلقه= تحررن حنا بعصر الحضارات
لفن علي وبينهن تقل طلقه = لكن تبين هرش جسم وعضلات
يومن نصاني واتتغص بحلقه=بكفخه وحيده ضعت بين المسارات
وليتي سلمت وما حصل غير فلقه= لقيت فكي انطلق ماله اوقات
وآسلق من الهيئة على الكيف سلقه= تزيد علاتي مع الوقت علات

[/poem]