منتديات الفطاحله - مصافحه اولى الى قلوبكم(ودي اعاتب غيبتك)

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - مصافحه اولى الى قلوبكم(ودي اعاتب غيبتك) (http://www.ftahilah.com/showthread.php?t=35480)

مصافحه اولى الى قلوبكم(ودي اعاتب غيبتك)

[center]بدايةً احب ان اتقدم بالشكر الجزيل الى الاخ الكريم والشاعر الرائع عبد العزيز البليهد

الذي دعاني الى هذا الصرح الجميل الراقي بما فيه وبمن فيه

اتمنى ان اكون بمستوا ذائقتكم الراقيه اخوكم محمد مطلق الجربا[/center]

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

تعبت اطالع في تجاعيد الابواب=الين افتح للعنا كل بابي

بعثرت ايامي على ابواب غياب=حتى ذرا ريح الزمن من شبابي

وانا عزاي من الاسا عضة الناب=ماغير كفي يصبر لهم نابي

كل ثانيه ترمي على الروح مخلاب=الين كل جسمي وهن ياعذابي

فصلت من صبري على قدي ثياب=شف كيف سملت بنتضارك ثيابي

اموت واحيا واحترق دون شباب=ولا يخفف غير دمعي مصابي

ما شفت شمع(ن) يحترق دون ما ذاب=هذا الذي والله دونك جرابي

قلبت ديوان الرفاقه والاحباب=دونك ولا غير المواجع صحابي

الموت فصل لي من الضيق جلباب=والضيق حطم بالالم كل مابي

والياس يمطر داخلي وانبت اعشاب=متشابك(ن) شوكه شقا ياغيابي

عامين قلبي ينفض الدم مرتاب=مليار ليه ولا حضت في جوابي

عامين دمعي كل ما اجففه راب=حتى غدى شوفي يشابه سرابي

عامين ما والله ضحك حبر بكتاب=غير يتغزل في مراري شرابي

عامين ودموع الرجا تنثر اهداب=الين جفني في خريفه سرابي

ودي اعاتب غيبتك اكبر عتاب=بس التعب ما عاد يمهل عتابي

تعال شفني للوهن قاعة احزاب=كل داء بالدنيا حبيبي دوابي

اخذ عليك من السهر كل مشعاب=الين كل ضاري بليلي ضرابي

وافز مع فجري على كل مرقاب=ارقب وضيق من المراقب رقابي

دونت ديوانك على صفحة تراب=ما عاد غير وجوه قاعي كتابي

الين صار محمد كتاب الاغراب=كل من فقد مثلي حبيب(ن) قرا بي

وش جاب قلي منك الحض وش جاب=شتان ما بين الجفا والوفا بي

رح لا تجي ما عاد في عمري حساب=كنت انطرك لين انتضاري غدا بي

[/poem]