منتديات الفطاحله - البارحة هاضت على التفاكير

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - البارحة هاضت على التفاكير (http://www.ftahilah.com/showthread.php?t=174224)

البارحة هاضت على التفاكير

من اشعار اخي المرحوم عبدالله حمد رحمة الله ردا على ابيات مرسلة لي منه للأسف ابياتي غير موجوده لدي حاليا في حال العثور عليها سوف ادرجها لاحقا

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحة هاضت على التفاكير=والقلب هاجوسه بعيد مداره
يمك ولايمك وكني على كير=وروابع المبلي وهمه اخشاره
ابيع واشري واخذ الشور واشير=وأديورالافكار في كل حاره
حتى المنادي صاح في الناس تكبير=وباج الضياء المشرق بعسجد صفاره
قربت من رمث الدعايث جذامير=وشبيت نار مثل ضو المناره
وسويت في شلق الثعاب المخاصير=مايقعد الدايش ويبعد اخواره
فنجان بن مقدر فيه تقدير=العانس العذري تمنى اشعاره
اغديه يطفي في الظماير سواعير=خطر رتاق القلب تفتق استاره
واحضرت بوكي والقلم والمساطير=وديونت من زين المثايل عباره
رد علة نسل الكرام المناعير=اخوي جعل الله يعمر ادياره
اللي شكى من دورة الوقت تغيير=ونفسه على الماضي كلتها الحساره
الامس غير اليوم صورة وتدبير=والغد يأتي والفلك في مداره
والأيام حبلى والليالي مداوير=وميزانها عيت تساوى احجاره
والصيد راح وراح وقت التسايير=والجار ماينشد عن أحوال جاره
واخوان نوره جندوها طوابير=ووزيرنا اصدر عليها قراره
محضور للشوزن وممنوع بالطير=وخصا على الارنب وطير الحباره
من عالي المندق الى ديرة الزير=جو وفلا متناوبين النطاره
بالطايره والسايره والنواطير=وكل مع الثاني ورهن الاشاره
بالميمرون معممات المثاغير=ومدافع تجعل هدفها دماره
وماعاد لك مخراج يافاتحة خير=واعرف ترى الذله لمثلك شطاره
والجيب خله واطلب الله تيسير=وشوفه على بابك يزول الكداره
ومنك السموحه كان في القاف تقصير=واسلم عسى ايامك سعود وبشاره
ومطهر الكعبة من الشرك تطهير=عليه اصلي واطلب الله جواره[/poem]
------
تاريخ الابيات في 1410/12/20