الحمار ملك الغابة !!!!!!!!!!!!!!!!!!!!!!!!
 

[CENTER][SIZE="6"]بسم الله الرحمن الرحيم [/SIZE]


[COLOR="Red"]مسيكم بالخير يا العمال العلمالية

بيني وبينكم والكلام للجميع ولايدري احد

انا خابر ن أن كل واحدن منحفشتن تسبده ونفسه في طرف خشمه من ها الأسهم الله لايعيد العدو بالخير

وعلى شان تسذا عندي سالفتن ودي امسطبها عندكم [/COLOR]

[COLOR="Blue"]يقولون القواله انه كان فيه حمير(ن)شايف(ن) رويحته يتقيوى على الضعوف

مرتن شايتن له ارينب ومرتن واطين له دجيجة والمرة الاخرى ناكرن له عنيق وعلى هالحاله وانت جاي

ويوم جا ذاك اليوم ماشين هالحمير رازن صديره ورافعن خشيمه ومشنتراتن اذيناته

المهم وهو على ها الحاله الا ويمره أسد يوم شافه الا سد خاف منه (تقوله صادتز) والله هذا اللي حاصل

المهم الأسد قال يمــــه حمـــار الا ويحط رجله ويكفخ منحاش وماتشوف الا غباره

والحمار انبسط ودعس وراه ولا ويقول ودزف انتسانك أسد ودزف انتسانك ولد امك وابوك ودزف يا الذروق (اخس

يالحمار مهوب بسيط) لا والأسد رايحن في خرايطها اشوى اللي ماطقته ام اركب ويصايح الأسد يمه يمه ياويلي من

الحمار ويلاه

والمهم وهم على ذا الحاله من جرف الى دحديره الى 00000 وياقلب لاتحزن

اللين شاف الأسد مغارة وعلى طول نصاها الأسد ودخل فيها ايه ونسيت الحمار الحمار مهوب بسيط كافخ وراه

يمشي مليوووووون ويدخل ورى الأسد مهوب مخليه يروح مدري وش يبيبه

المهم دخل وراه المغارة تدرون يا الريع وش صار؟

الحمار لقى شلت أسودن متسدحه ويضحكوووون

هههههههههههههههههههههههههههههههههههه هاي

أثر الاسد ابن الذين منيب قايلن ابن الكلب متراهن مع الشلة يجيب لهم

فريستن سليمه حيه ميه بالميه يعني حمار من المائدة للشله ((طازا))[/COLOR]

[COLOR="SandyBrown"]
[SIZE="6"]
الخاتمة[/SIZE]

فا الموضوع وان كان باسلوب او لهجة اريد بها الطرفة اولا لكن لايمنع ان يستنبط منها فوائد

فمثلا يؤخذ منها عدم الكبر والغرور والاعجاب بالنفس

كذلك اخذ الحيطة والحذر فليس كل من اظهر لك قولا أو فعلا فهو صادق فلربما كان يظهر مالا يبطن[/COLOR]

[COLOR="Red"]ايضا يقول احدهم التجار ثلاثة هم

1- التاجر التاجر وهو من كانت تجارته داخل سوق الأسهم وخارجه

2- التاجر فقط وهو من كانت تجارته خارج سوق الأسهم

3- التاجر الحمار هو من استدان وحط على ظهره دينن طول المسحات ودخل في الاسهم وتعلق مع كراعينه

خصوصا اولئك الين اخذومن البنوك تسهيلات [/COLOR]

وشاكر ومقدر للجميع[/CENTER]

هلا وغلا
عز الله إنك جبتها ، بإسلوب ساحر ...
يعني معظمنا مثل اللي انت ذكرت نطرد ورى الأسد ويوم دحدر لحقناه
وما درينا إنه مجمع لنا الزبانية ، لين نتفوا ريشنا ...
عاد تصدو إني أمس ، فكرت لأول مرة ، اروح للبنك واخذ قرض ،
واقحش من الإسهم مدامت طايحة ، لعلي اعوض الخساير ، بس واحد
قال لي اعقل لا تنهبل يالشايب آخر عمرك ... متعلق وقروشك
مهيب دين ولا قرض ، أجل وشلون لونها قرض ..

صح لسانك ووسع الله صدرك
يبو قلب ابيض..
دمت بخير
تحياتي

هههههههههههههههههههه

مسكين والله هالحماار .. صدق نفسه واخذ مقلب

مشكور اخوي ابو الوفى مبدع في القصه والمفردات تضحك وتوسع الصدر

يعطيك العافيه

:)

صرااحه قصه خطيرره

واحلى شي الاستنتاجات الي طلعتها منهاا

جد ابو وفى انت مره مبدع ومره اسلووبك بالكتاابه يوسع الصدر

وقل آاامين

الله يوسع صدرك بالعافيه مثل ما وسعت صدورنا

يعطيك الف عافيه

اخوي المبدع خفيف الظل ابووفى فالقصه
تحمل النصح والحكمه وصغتها باسلوب مرح
لاهنت ولاهان ابداعك
لك تحياتي

:) خخخخخخخخخخخخخخخخخخخ :)

قويه قويه قويه :):)

تسلم أبو وفى لا هنت :)

[COLOR="Blue"]الطائر المهاجر[/COLOR]

[QUOTE]متعلق وقروشك
مهيب دين ولا قرض ، أجل وشلون لونها قرض
[/QUOTE]
هههههههههههههههههههههههههه

هو صادز رفيدزقك

دام الواحد في بييته محدن يكمخ بابه يبي الاجار او ديان يبي قسطه فعز الله انه مرتاح

===========================

[COLOR="blue"]أم فيصل[/COLOR]

[QUOTE]مشكور اخوي ابو الوفى مبدع في القصه والمفردات تضحك وتوسع الصدر

يعطيك العافيه[/QUOTE]
شكرا اخيتي ام مدري وش اسمه >> نسى من المح اللي جاه

الله يوسع صدور الجميع بالعافية

======================

[COLOR="blue"]الريم [/COLOR]

[QUOTE]جد ابو وفى انت مره مبدع ومره اسلووبك بالكتاابه يوسع الصدر[/QUOTE]
شكرا اخيتي بس تراني منيب احب المدح واجد بس ممكن تعدينها ع اقراها زين :D


[QUOTE]وقل آاامين

الله يوسع صدرك بالعافيه مثل ما وسعت صدورنا

يعطيك الف عافيه[/QUOTE]
اللهم اميـــــــــن

============================

[COLOR="Blue"]الخنساء[/COLOR]

[QUOTE]اخوي المبدع خفيف الظل ابووفى فالقصه
تحمل النصح والحكمه وصغتها باسلوب مرح
لاهنت ولاهان ابداعك
لك تحياتي[/QUOTE]

الله مير يسلمتس ويخليتس للعينن ترجيتس وجعل يومي قبل يومتس >> وش ذا الخطمة؟ عسى منتاب تحاتسي اميمك؟

شكرا للجميع على المرور والمشاركة

[COLOR="Blue"]ذيب السنافي [/COLOR]

[QUOTE]قويه قويه قويه [/QUOTE]
[SIZE="6"]قوية بع بع بع[/SIZE]

كلمتك يوم بالتلفون ردتيها لك ، واكلت الطعم ... وحده بوحده والبادي اظلم ..ولا تعودها

رد على: الحمار ملك الغابة !!!!!!!!!!!!!!!!!!!!!!!!
 

كرررررررررررركررررررررررررررررر

- التاجر الحمار هو من استدان وحط على ظهره دينن طول المسحات ودخل في الاسهم وتعلق مع كراعينه

خصوصا اولئك الين اخذومن البنوك تسهيلات

والله خوش تجار >حمير> خخخخخخخخخخخ ..يالله انت تقلل منهم في السوق تسان اكثره صارو نصابين وحمير هههههههههههههههههههههههه

كفييييييييت ووفيت وموضوعك استحق التثبيت هههههههههههههههههه