منتديات الفطاحله

منتديات الفطاحله (http://www.ftahilah.com/index.php)
-   اكاديمية الشعر النبطي (http://www.ftahilah.com/forumdisplay.php?f=230)
-   -   تعلم الشعر (( 2 )) ضـوابـط مـهـمـه (http://www.ftahilah.com/showthread.php?t=25844)

يوسف الشقران 20-01-2009 01:06 AM

تعلم الشعر (( 2 )) ضـوابـط مـهـمـه
 
[SIZE="5"][RIGHT]السلام عليكم


بدايتا

[COLOR="Red"]الموضوع هذا ماراح يفيدك
الا لما تكون طبقت الكلام اللي بالموضوع اللي قبله[/COLOR]


واذا انت ماقريت الموضوع الاول اللي بخصوص
[URL="http://www.fatahilah.com/showthread.php?t=8844"](( تعلم الشعر بسهوله )) - ((1))
[/URL]ف ماراح يفيدك هالموضوع وراح اتضيع وقتك


[COLOR="red"][SIZE="6"]الزبده :[/SIZE][/COLOR]

بالموضوع الاول تعلمنا شلون نكتب شعر !؟!؟!
[U]طبعا ماكو شي بدون ممارسه
ولا تتوقع انك قريت معلومه خلاص صرت تعرف لا[/U]
اسال نفسك لما تعلمت القراءه والكتابه
كم اخذت من وقت وممارسه علي ماعرفت تقرا وتكتب عدل
( انا عن نفسي اكثر من سنه )
واسال نفسك وانت قاعد تكتب علي الكمبيوتر هالسوال
( هل انا اكتب الحين بالكمبيوتر بنفس صعوبة وسرعة اول مره ؟؟!؟!)

ما اعتقد

لان كل شي مع الممارسه يكون اسهل ( حتي كتابة الشعر )


[COLOR="Red"]نرجع للموضوع [/COLOR]

انا راح افترض انك قريت وطبقت اللي بالمضوع الاول

والنتيجه هنيه اهي انك الحين تقدر تكتب كلام موزون ومقفي

[U](هذا طبعا مع الممارسه والتطبيق ) !![/U]

لكن

هل الكلام الموزون والمقفى شعر ؟؟!؟!؟!؟!


طبعا لا


مثال علي هالشي
وهي سالفه معروفه عن واحد وفروا له كل الظروف انه ايصير شاعر
وقعدوه بمكان حلو ماء وخضره ووجه حسن وقالوله قول شعر
شوفو شنو قال


[COLOR="DarkRed"]وكاننا والماء من حولنا
،،،،،،،،،،،،،،،،،، قوم جلوس حولهم ماء [/COLOR]

؟؟؟؟

بالله هذا كلام ؟؟؟


اللي ابي اقوله ان مو كل كلام موزون مقفي شعر
لان الشعر مشاعر تترجم بصور جماليه واضحه
وانتبه لكلمة واضحه اهنيه
ولحد ايقولي لا المعنا في بطن الشاعر
لا هالمقوله كانلها مناسبتها وغير صحيحه

[COLOR="Red"]المهم[/COLOR]

انت تعرف تكتب كلام موزون ومقفي
( [COLOR="red"]وهذا شي خلصنا منه [/COLOR])

وينقصك اهنيه انك اتعبر عن مشاعرك
واللي يدور براسك وببساطه
وراح ايكون هالكلام الموزون المقفي المعبر المفهوم الواضح

شعر

بس ؟!؟!؟!؟!

لا مو بس

في امور ثانيه

([COLOR="red"] وهذا اللي خلاني اكتب الموضوع[/COLOR] )
امور ثانيه لازم الكاتب يحاول يلتزم فيها
وانا اقول ايحاول
مو غصب

ــــــــــــــــــــــــــــــــــــــ


[COLOR="red"][SIZE="6"]اتبع الاتي :[/SIZE][/COLOR]

[COLOR="Blue"]1- ابتعد عن الكلام اللي يمس الدين و والمقدسات

2- استخدم كلام مفهوم ( يعني مو تدور كلام قديم مو مفهوم وتكتبه)

3- استخدم معجمك الخاص ( راح اشرحها لكم )

4- عبر عن نفسك وبس ( لاتفكر براي الاخرين )

5- لاتناقظ نفسك وواقعك بصوره غلط ( هم راح اشرحها )

6- لاتكرر القافيه

7- لاتكرر الالفاض اكثر من اللازم

8- اكتب وانسا واي فكره تطري علي بالك سجلها ولو بكلام عادي
( هذا اذا مو مستعجل ) .[/COLOR]


نقاط شكثر علي الفاضي صح ؟!

( لا موصح ) :)


[COLOR="Red"]نبدا من الاول مع الشرح :[/COLOR]

[COLOR="Blue"]1- ابتعد عن الكلام اللي يمس الدين و والمقدسات [/COLOR]
واعتقد هذي الوحيده اللي ماتحتاج للشرح


[COLOR="blue"]2- استخدم كلام مفهوم ( يعني مو تدور كلام قديم مو مفهوم وتكتبه)[/COLOR]
لان البعض يدور وين الكلمه القديمه ويحطها
يا اخي الشعراء القديمين كانوا يستخدمون الكلام الدارج بحياتهم اليوميه
وهذا اللي خلاهم يتميزون
( ماراح ازيد كلام اهنيه لان يمكن اطب )


[COLOR="blue"]3- استخدم معجمك الخاص ( راح اشرحها لكم )[/COLOR]
لما تكتب استخدم الكلام اللي انت اتكلم فيه لا تتعمد تستخدم لهجه مو لهجتك
ولا كلام مو من بيئتك مثال علي هالكلام

[COLOR="Red"]تخيل شاعر[/COLOR]
او خل نقول تخيل شاعره مثقفه
وتعليمها عالي وحضريه وفري قالت هالبيت :

[COLOR="DarkRed"]كل الاماني [U]غاديه[/U] في يميني
،،،،،،،،،،،،،،، [U]مير[/U] الظروف القاسيه ضيعتها[/COLOR]

علي طول راح تتساءل (ويمكن تشك)
وتقول من وين كلمه مثل غاديه وكلمة مير ؟؟؟؟!!!!!


يعني شفيها لو انها قالت

[COLOR="darkred"]كل الاماني صايره في يميني
،،،،،،،،،،،،،،، بس الظروف القاسيه ضيعتها[/COLOR]


يعني استخدم وابحث في معجمك الخاص وكلامك اليومي العادي
لا ترد لكلمات غريبه عليك

[COLOR="Blue"]4- عبر عن نفسك وبس ( لاتفكر براي الاخرين )[/COLOR]
لما تكتب عبر عن نفسك
وتاكد اذا كنت عفوي وصادق بتعبيرك انه كلامك بيكون احلي
ولكن اذا كنت تبي يقال عنك الشاعر الفلاني
فاقترح انك تترك الكتابه

[COLOR="blue"]5- لاتناقظ نفسك وواقعك بصوره غلط ( هم راح اشرحها )[/COLOR]

هذي بابداها بمثال واهو

تخيل مثلا ان هالابيات قالها شاعر مليونير او أمير ؟؟؟!!!!!!


[COLOR="darkred"]شف حالتي فقران والحال دوني
،،،،،،،،،،،،،،، والجسم من زود الفقر زاد سقمه
اقعد مع السكه وانادي عطوني
،،،،،،،،،،،،،،،،،،،، من مال ربي يالاجاويد لقمه[/COLOR]


(راح تطق علي راسك وتقول الله يالكذب ) :)

[U]ولحد يقولي المعنا كيت وكيت انا لي الظاهر[/U]

وهذا اللي يفترض وانت تكتب تتبعه
يعني
بعد الكتابه الاوليه للقصيده
فكر بمعنا الكلام وتفسيره وبعدين اعتمده

[COLOR="Blue"]6- لاتكرر القافيه [/COLOR]
وهذي واضحه يعني لو عندي بيت شعر مثلا

[COLOR="DarkRed"]اقعد مع السكه وانادي عطوني
،،،،،،،،،،،،،،،،،،،، من مال ربي يالاجاويد لقمه[/COLOR]

مايصير نفس القافيه بالابيات الثانيه ( عطوني ) او ( لقمه ) !

وان حدث فيكون ضعف

او لاغراض متعمده ومقصوده بس



[COLOR="Blue"]7- لاتكرر الالفاض اكثر من اللازم [/COLOR]
لان تكرار اللفض الواحد بكثره يبعث الملل وكانك مو لاقي الا هالكلمه تعيد وتزيد فيها
يعني مره قول احبك ومره اهواك ومره متيم ومره اشتاقلك
كلها تعبر بطريقه او باخري عن الحب ولكن اللفظ اختلف

[COLOR="blue"]8- اكتب وانسا واي فكره تطري علي بالك سجلها ولو بكلام عادي
( هذا اذا مو مستعجل ) .[/COLOR]
وهذا من واقع تجربه سو اللي اقولك علي مسؤوليتي



هذا اللي ابي اقوله للحين

[COLOR="Red"][SIZE="6"]وللحديث بقيه[/SIZE][/COLOR]






وتحياتي للجميع

ــــــــــــــــــــــــــــــــ[/RIGHT][/SIZE]

[IMG]http://www.fatahilah.com/up/7goog1.jpg[/IMG]

[URL="http://www.fatahilah.com/showthread.php?t=8844"]الدرس الأول على هذا الرابط [/URL]
[url]http://www.fatahilah.com/showthread.php?t=8884[/url]
-----
[URL="http://www.fatahilah.com/showthread.php?t=9319"]الدرس الثاني على هذا الرابط [/URL]
[url]http://www.fatahilah.com/showthread.php?t=9319[/url]
----
[URL="http://www.fatahilah.com/showthread.php?t=9446"]الدرس الثالث على هذا الرابط [/URL]
[url]http://www.fatahilah.com/showthread.php?t=9446[/url]
---
[URL="http://www.fatahilah.com/showthread.php?t=9689"]الدرس الرابع على هذا الرابط [/URL]
[url]http://www.fatahilah.com/showthread.php?t=9689[/url]
---
[URL="http://www.fatahilah.com/showthread.php?t=9752"]الدرس الخامس على هذا الرابط [/URL]
[url]http://www.fatahilah.com/showthread.php?t=9752[/url]
---
[URL="http://www.fatahilah.com/showthread.php?t=9945"]الدرس السادس على هذا الرابط [/URL]
[url]http://www.fatahilah.com/showthread.php?t=9945[/url]
--
[URL="http://www.fatahilah.com/showthread.php?t=10175"]الدرس السابع على هذا الرابط [/URL]
[url]http://www.fatahilah.com/showthread.php?t=10175[/url]

محمد عبدالله البدراني 20-01-2009 02:32 AM

رد: تعلم الشعر (( 2 )) ضـوابـط مـهـمـه
 
العزيز الغالي يوسف الشقران سلمه الله


بالحقيقه موضوع جدا مهم وتشكر عليه


ثم ان اسلوبك البسيط والواضح زاد من جمال طرحك


صدقني انني استفدت مما كتبت


عيني عليك يايوسف

وبيض الله وجهك يابو عيسى


تحيتي
مع اسمى ايات الشكر والامتنان فائق التقدير واطيب المنى رعاك الاله

يوسف الشقران 20-01-2009 02:36 AM

رد: تعلم الشعر (( 2 )) ضـوابـط مـهـمـه
 
استاذي الكبير محمد البدراني

مانستغني عن تواجدك
ودائما اطمع بتوجيهاتك وملاحظاتك يالامير


ماتقصر

داعي الشوق 21-04-2009 01:50 AM

رد: تعلم الشعر (( 2 )) ضـوابـط مـهـمـه
 
[color=blue]يعطيك الف عافية أستاذ يوسف [/color]
[color=blue][/color]
[color=blue] شروحات مبسطه[/color]
[color=blue][/color]
[color=blue] و مفيدة جدا [/color]
[color=blue][/color]
[color=blue] دمت بخير [/color]
[color=blue][/color]
[color=blue]،،،،،،،،،،،،،[/color]

همس الورد 23-04-2009 01:10 PM

رد: تعلم الشعر (( 2 )) ضـوابـط مـهـمـه
 
يعطيك العافية

جهد رائع

تحيتي و تقديري

عبدالله السويلم 25-04-2009 02:22 AM

رد: تعلم الشعر (( 2 )) ضـوابـط مـهـمـه
 
شاعرنا الكبير

ماشاء الله تبارك الله
شرح وافي
واستشهادات رائعه
الله لايضرك
سجل اعجابي
اخوك / عبدالله السويلم

بليهان 30-11-2010 07:56 PM

شكراً لما امتعتنا به
تحياتي

البديعي 04-12-2010 11:12 AM

شكرا لك
على الجهد الطيب
تحياتي

البتار 04-12-2010 11:48 AM

لك الشكر
على ما فاض به قلمك
تحياتي

المتابع 05-12-2010 09:11 AM

بارك الله فيك
كتبت فقرأت فاستفدنا
تحياتي واحترامي


الساعة الآن 11:40 PM.

Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة