قصيدة لأبن حصيص
 

للشاعر ــ محمد ابن فهاد القحطاني المعروف بــ ابن حصيص

*****
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]

هيّض ابن حصيص في تالي نهاره = ألف قاف ٍ في ضميره مدلجاتي

يـــاوجــودي وجـد مكسور الجباره =آخــذ ٍ تـسـعين لـيلـه مايـبـاتي

***

أو وجـود اللي خـذا الحـاكـم ديــاره = خـذ حـلاله والـحريم مسـلـّباتي

عــقـب ماهــو تـاجـر وراعـي أماره = صـار فـلاح ٍ وامـوره هـيناتــي

***

أرتــــحــل يـا فــهيد منبوز الفقاره = آركي وحبــال كوره كالفاتي

آركي ومــربـــّع ٍ عـــشب القــراره = ما علاه الشد من عشر سنواتي

***

ديرة ٍ ( ...* ) ما فيها صقــــــــاره = غير شيبان وعجــز محندباتي

من خشوم ( ..*.) لي حد الزبــــاره = جعل تمـحل والوشـوم مربعاتي

***

صاحبي بالوقف مدهالـــــه وداره = ما سكن في ( ... *)والاّ (..*.)

ولعتني بالهوى والزين ســــــــــاره = دلهتني عن غناديـــر البناتي

***

يا حسايف بنت ذاك الجار ســــــاره = عند ابوها تـدّرجْ مثل المهاتي

ريق ساره مثل سكر في غضــــــاره = أو حليب ابكار عرب مسمناتي

***

والنهيد زبيدي ٍ في دعب قـــــــــاره = في محير الماء القراح مصلّعاتي

والثنايا قحــــويان في زبـــــــــــاره = زاهي ٍ نبـــته على كل النـــــباتي

***

راس ساره ذيل شقراً وسط غــــاره = والجدايل بالرشوش مجــــــــدلاتي

والمطوع لو يشوف خديد ســــــاره = طبّق المصحف وعجّل بالصلاتي

***

ما ذكر جار ٍ ذبح بالحب جـــــــــاره = بالمبيسم والثنايا المرهـفـــاتي

حالف ٍ ما نسى ولااسلى حب سـاره = كــوداهل شقرا يخلــون الصلاتي

***

لايمي فاله حنيش ٍ في مغــــــــــاره = سمّها يشظى العظام الصالباتي [/poem]؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

* مابين الأقواس أسماء مدن لم أرغب في ذكرها.

أسعد الله أوقاتكم

الجارح
ـــــــــــــــــــــــــــــــــــــــــــــــــــــــــــ

رد: ابن حصيص
 

[center][size="3"]الأخ الجارح شكراً لك على النقل المميز
ولكن كان من المفروض أن تأتي بالقصيدة كما قالها شاعرها حتى لايكون هناك مجال للتعديل أوالإضافة
فأمانة النقل تستوجب على الناقل أن يأتي بالقصة أو القصيدة كاملة كما نشأت من صاحبها
وللأهمية فإنك لم تذكر البيت الثاني من القصيدة اللذي يقول فيه الشاعر
كن في عينه من الفرقا شراره== أو مخـاليـب الوحـــوش الطايراتي
كما أنك أوردت البيت الثامن من القصيدة كما يلي
من خشوم(....)لي حد الزباره ++جعل يمحل والوشوم مربعاتي
والصحيح هو
جعل ضلع طويق يمحل هو وداره== جعل يمحل والوشوم مربعاتي

مرة أخرى أشكرك على النقل ولي عودة في نشر القصيدة كاملة بأسماء الأماكن اللتي لم تذكرها
تقبل تحيات أخوك
هـــــــاجــــــس
H
نجـــــــــــــــــد[/size][/center]

ابن حصيص
 

محمد بن فهاد القحطاني
مشهور بـ (ابن حصيص ) وُلد في بلدة الوقف بالقرائن عاد 1290هـ
وقد توفي والده وهو صغير مما جعله يواجه الحياة بظروف قاسية وصعبة ، كما كان كفيف البصر وكان
يعشق فتاة اسمها ساره وقال فيه القصيدة التاليه //
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

هيّض ابن حصيص في تالي نهاره=الف قافٍ من ضميـرة مدلجاتـي
ياوجودي وجده مكسور الجبـارة=آخـذٍ تسعيـن ليـلـة مايبـاتـي
أووجود اللي خذ الحاكـم ديـاره=خذ حلالـه والحريـم مسلباتـي
عقب ماهو تاجر وراعي أمـاره=صـار فـلاّحٍ وامـوره هيّناتـي
ارتحل ياحمـود منبـوز الفقـاره=آركـي وحبـال كـوره كالفاتـي
آركي ومربِّـعٍ عشـب القـراره=ما علاه الشدّ من عشر سنُواتـي
ديـرة بـن ( ) مافيهـا صقـاره=كـود شيبـانٍ وعجـزٍ مدبحاتـي
من خشوم كميت الى حدّ الزبـارة=جعل تمحل والوشـوم مربّعاتـي
صاحبي ( بالوقف ) مدهاله وداره=ماسكن في ثرمـدا والا مراتـي
ولّعتني بالهـوى والحـبّ سـاره=دلّهتنـي عـن غناديـر البناتـي
ياحسايف بنت بن سلـوم سـاره=عند ابوها تـدّرج مثـل المهاتـي
ريق ساره مثل شكر في غضـاره=أو حليب ابكار عـرب مسمناتـي
والنهيد زبيديٍ فـي دعـب قـار=في محير الما القراح مصلّعاتـي
والثنايـا قحويـانٍ فـي زبــاره=زاهي نبتـه علـى كـل النباتـي
راس ساره ذيل شقراً وسط غاره=والجدايـل بالرشـوش مجدلاتـي
والمطوّع لو يشوف خديد سـاره=طبّق المصحف وعجّل بالصلاتـي
ماذكر جارٍ ذبـح بالحـبّ جـاره=بالمبيسـم والثنايـا المرهفـاتـي
حالفٍ بالله ما أنسى حبّ سـاره =كود أهل شقراء يخلون الصلاتـي
لايمي يعطي حنيشٍ فـي خبـاره=سمّها يشظى العظـام الصالباتـي[/poem]

رد: قصيدة لأبن حصيص
 

يعطيك العافية


صعوووووووووب

رد: قصيدة لأبن حصيص
 

الجارح
شكرا علىالنقل

رد: قصيدة لأبن حصيص
 

الجارح تسلم اخوى على نقلك
والله يعطيك العافيه..

رد: قصيدة لأبن حصيص
 

يعطيك العافية

اختيار رائع

تحيتي

رد: قصيدة لأبن حصيص
 

[center]لاهنت
ومشكور على النقل الرائع [/center]

رد: قصيدة لأبن حصيص
 

تسلم على النقل ارئع
ماقصرت

شكراً لكل جهودك الرائعه
تحياتي