مجاراة قصيدة(الذكريات)للشاعر سعيّد
 

هذه القصيده مجاراه لقصيدة الذكريات للشاعر الكبير
سعيّد عوده الحويطي. فعسى ان تنال رضاكم واستحسانكم
وهذا رابط قصيدة الشاعر سعيّد الحويطي

[url]http://www.fatahilah.com/showthread.php?t=35344[/url][poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياسعيّد فيني اشعلت الحنيني=كنك مصحي عيوني من سباتي
لاتذكرني وانا قلبي حزيني=خص لاذكرت عليّه ذكرياتي
مايقارن عصرنا بذيك السنيني=كل شيا بالبداوه له حلاتي
لوضروف الوقت تقسى اوتليني=يكفي ان صدورهم مستاسعاتي
بينهم دله مع فنجال صيني=ويسمعوا لشايب سواليفه ثقاتي
عندهم زين المطايا منوخيني=بالاشده للطريق مجهزاتي
مكرمين الضيف من سمن وسميني=له تهون من الحلال الغالياتي
مايخلوا الضيف والجار الطبيني=جودهم فايض كما نهر الفراتي
عندهم تلقى علوم الغانميني=والبيوت لكل لافي مشرعاتي
في هذاك العصر عنده وايتيني=من ملك زين الرحوله والرواتي
والرعيه راعيتها في البطيني=تعطي العازات في كل الجهاتي
لااشرفت مرقاب جرتها اهجيني=يانداة الصوت روس النايفاتي
لاضوت من عقب مسراحٍ ظنيني=ماتبات الا وغنمها محلاباتي
زينهن كله ودع والا مديني=ومن تلاوين الحضاره سالماتي
وان تراكم مزنها وجاك الرطيني=يفرحوا لشوف البروق اللامعاتي
من يخايلها يقول اسمع خنيني=تحتها صوتٍ يهز الراسياتي
من يسار اقبل ثعلها ومن يميني=والروابي باذن ربي مربعاتي
واتذكر يوم حنا معزبيني=وسط فرعان الجبال الشاهقاتي
يوم نور الشمس مع صبحه يبيني=مد شوفك فالفياض الواسعاتي
مير حنااليوم في منزل مكيني=اربع الجدران به متقابلاتي
بالحضاره كل شي مثلجيني=ونصف مطعومك حلا ومكسراتي
جنبنا الخباز وايدام وتويني=كل حاجاتك تجدها والماتي
غير خبز النار والله فاقديني=وسط مله ماصنع بمكهرباتي
والمشاغل دايمه حينا وحيني=لاقضت وحده تجيك التالياتي
قبل مايقضي الشهر متسلفيني=غير ماتسجل علينا السوبراتي
والبلا في سوق الاسهم خاسريني=كل يوم اسعارهنه هابطاتي
يالله انك تفرج الوضع وتعيني=بالامور اللي علينا مقبلاتي
في بلدنا لاحرج متريحيني=عن هجير القايله والعاصفاتي
وان بغينا البر والله كاشتيني=فوق جيب مجهزن بالانتلاتي
كل عيشه يالسنافي بواجهيني=بالمراره والحلا متخالطاتي
اختصرت اشياء كثيره في يقيني=لوبغيت اكتب ثمان معلقاتي
ليت ابو هايس وصاحبك العديني=يكتبون ابيات عن ماضي الحياتي
واخره صلوا معي ياسامعيني=عالنبي افضل سلامي والصلاتي[/poem]

رد: مجاراة قصيدة(الذكريات)للشاعر سعيّد
 

[font=comic sans ms][size=6][color=red]الشاعر مسلم العميري[/color][/size][/font]
[font=comic sans ms][size=6][color=red][/color][/size][/font]
[font=comic sans ms][size=6][color=red]صح لسانك وجاد بيانك ..[/color][/size][/font]
[font=comic sans ms][size=6][color=red][/color][/size][/font]
[font=comic sans ms][size=6][color=red]مجاراة جزلة من شاعر جزل ومتمكن ...[/color][/size][/font]
[font=comic sans ms][size=6][color=red][/color][/size][/font]
[font=comic sans ms][size=6][color=red]تحياتي وتقديري[/color][/size][/font]

رد: مجاراة قصيدة(الذكريات)للشاعر سعيّد
 

هلا بك
وصح لسانك وفكرك
اذا قصيدة سعيد عندنا حط رابطها
واذا ماهي عندنا حطها مع قصيدتك
لاهنت
تحياتي

رد: مجاراة قصيدة(الذكريات)للشاعر سعيّد
 

[b][center][size="4"][font="al-mothnna "][poem=font="decotype naskh,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
[/poem][color="darkgreen"]مسلم العميري [/color]

مجاره رائعه ومميزه

من شاعر متميز ورائع في كل مايقدمه

أبدعت وأمتعت شاعرنا الراقي

دمت ودام بوحك

صح لسانك ملايين ملايين

ولك فائق تحياتي وتقديري[/font][/size][/center][/b]

رد: مجاراة قصيدة(الذكريات)للشاعر سعيّد
 

[quote=عبدالعزيز سعد بن عمار;900449][font=comic sans ms][size=6][color=red]الشاعر مسلم العميري[/color][/size][/font]
[font=comic sans ms][size=6][color=red][/color][/size][/font]
[font=comic sans ms][size=6][color=red]صح لسانك وجاد بيانك ..[/color][/size][/font]
[font=comic sans ms][size=6][color=red][/color][/size][/font]
[font=comic sans ms][size=6][color=red]مجاراة جزلة من شاعر جزل ومتمكن ...[/color][/size][/font]
[font=comic sans ms][size=6][color=red][/color][/size][/font]
[font=comic sans ms][size=6][color=red]تحياتي وتقديري[/color][/size][/font][/quote]

صح بدنك اخوي عبدالعزيز
ويسعدني هذا الحضور الطيب
شكرا لك,,,

رد: مجاراة قصيدة(الذكريات)للشاعر سعيّد
 

[quote=الطائر المهاجر;900450]هلا بك
وصح لسانك وفكرك
اذا قصيدة سعيد عندنا حط رابطها
واذا ماهي عندنا حطها مع قصيدتك
لاهنت
تحياتي[/quote]

يامرحبا فيك
وصح بدنك
والرابط وضعناه بالمشاركه
شكرا لك’’’

رد: مجاراة قصيدة(الذكريات)للشاعر سعيّد
 

صوت وصدى على وتر حساس
صحت قلوبكم لا هنتم ابد

رد وافي يا جزل

رد: مجاراة قصيدة(الذكريات)للشاعر سعيّد
 

صح لسانك

يعطيك العافيه

ابيات جميله ابدعت

تحياتي لك

رد: مجاراة قصيدة(الذكريات)للشاعر سعيّد
 

كتبت فابدعت فأمتعت
صح لسانك
لاهنت
احترامي

رد: مجاراة قصيدة(الذكريات)للشاعر سعيّد
 

[font=arial][size=5][color=dimgray]صح لسانك ولاهنت [/color][/size][/font]
[font=arial][size=5][color=dimgray][/color][/size][/font]
[font=arial][size=5][color=dimgray]مجارات جزله ووافيه [/color][/size][/font]