منتديات الفطاحله - العلوم الأكيده’, الشـــعر ’,

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - العلوم الأكيده’, الشـــعر ’, (http://www.ftahilah.com/showthread.php?t=22681)

العلوم الأكيده’, الشـــعر ’,

[B][size=6][font=Comic Sans MS][color=#FF0000][align=center]مساء الخير يالفطاحلة وجمعه مباركة

بالأول التمس العذر والسموحة منكم يالفطاحلة عن كل ما بذر مني من قصور وغيره

[poem=font="Traditional Arabic,6,indigo,bold,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black"]
يا هيه خذ مني العلوم الأكيده = وافطن كلامي دام تبغى الإفاده
ما كل من قال الشعر في الجريده = أو في الإذاعه صار شاعر وجاده
الشعر دستورٍ علومه نضيده = ما يحمله إلا الفطين بمهاده
عنوانه الإحساس وهو اببريده =منهاجه الإبداع لازمْ حصاده
ويهيض افكارٍ تجلت شريده=ويبوح مكنون الضمير وفؤاده
متقلبٍ مثل الفصول الفريده=مره فرح مره بحزن ونكاده
وبعض البشر ودّكْ وربي تبيده = من كثر ما للشعر أفنى وباده
يعصد هروجه مثل عصد العصيده = وياليت تعبيره يوافق مراده
والبعض الأخر يوم أنك تفيده = يسبّك ويلبسك ثوب الحساده
والمشكله لا جاك أحد بكصيده = يطْلبْك رأيك وبخفوقه بَلاده
تنصحه من قلبٍ نصائح سديده = ترجي له الرفعه وترجي السعاده
ويضيق صدره منك ضغن ومكيده = كنك نصحته دون علم و أراده
وترى الشعر سيّد ومحدن يسيده = لا المشيخه ولا الذي له شهاده
ومعظم الشعّار واللي يجيده = هم البدو في كل عاده وعباده
أهل المواقف والنوايا المجيده= لا هب فيهم خير هبوا نشاده
ولا هب فيهم قحط أعدوا قصيده = يدعون فيها الرب يبعث مداده
يا هيه خذ مني العلوم الأكيده = وافطن كلامي دام تبغى الإفاده
وعلى النبوة والخلافه الرشيده= يا هيه صلّي وابتهل بالعباده[/poem]

ملاحظة : أنا من بعض البشر وأطلب الله ينمي شاعريتي :)
تحياتي

ماجد المهدي [/align][/color][/font][/size][/B]