الأب لا منه بذل كل مجهود
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الأب لا منه بذل كل مجهود = مع العيال فلا عليه الملامه
لامن طلع فيهم نكيدٍ ومنكود = ونفوٍ غريب بين بوم وفدامه
فالهادي الله خالق جحوش وفهود= وما قدر الرحمن نرضى تمامه
كم من رجل بالطيب ما عنه منشود = خلف لئامٍ ما مشوا باستقامه
وكم من لئيمٍ منحرف ما وفى عهود= انتج رجال بالوفى والشهامه
ولا من بحثت الأمر في عقل وركود= تدري بأن الأم ساس السلامه
فالطفل من صغره وهو تو مولود= يطور صفاته قبل يبدا فطامه
كانت حنون وعقلها يازن الطود= يصير ناضج بالفعل او كلامه
وكانت انانيه تصعفق بلا ركود= يصير مهزوزٍ بعقل الحمامه
لا من كبر ما همها أي منقود = يلحق ولدها لو مشى في عتامه
تغطي عليه ولاتبي يدري العود= حتى يفاجى بعلته والرخامه
ماعاد يمدي يمسكه باية قيود= ولو هو قسى زاد انحراف ونقامه
ماله سوى انه يشغله دونما حدود= ولا يغيب عنّه غير وقت لمنامه
يضحي من اجله باي مكسب ومردود= بالبيت حوله كاسبه بالندامه
ويصير له قدوه على الخير معهود= عقله يقوده في دروب الكرامه
ومهما فعل فالهادي الرب معبود= اما صلح وإلا طلح في ختامه[/poem]

رد: الأب لا منه بذل كل مجهود
 

الله الله

صح لسانك وطاب فالك يادكتور

لاهنت

رد: الأب لا منه بذل كل مجهود
 

اجدت وابدعت وافدت
شكرا لك
تحياتي

رد: الأب لا منه بذل كل مجهود
 

[color=black][b][right]وكم من لئيمٍ منحرف ما وفـى عهـود[/b][/color][/right]
[color=black][b][left]انــتـــج رجـــــال بـالــوفــى والـشـهــامــه[/b][/color][/left]
[color=black][b][right]ولا من بحثت الأمر في عقـل وركـود[/b][/color][/right]
[color=black][b][left]تــــدري بـــــأن الأم ســـــاس الـســلامــه[/b][/color][/left]
صح لسانك ملايين

جزلة معبرة تترجم واقع

سلمت ودام حرفك

رد: الأب لا منه بذل كل مجهود
 

ومهمـا فـعـل فالـهـادي الــرب معـبـود+=+امــا صـلــح وإلا طـلــح فـــي خـتـامـه

وهذاك قلتها مافيه الا من هداه الله

والله يصلح ماعطانا وعطاكم،،ويعصمهم عن الزلات

وعن مايغضب الله،،ويجعلهم بارين بنا في حياتنا وبعد مماتنا


صح السانك،،،ولاهنت

ابيات رائعه ،،،سلم قلبك

تحيتي لك،،.

رد: الأب لا منه بذل كل مجهود
 

[color="olive"][size="4"]


هههههههه جحوش .. صح لسااانك يا بو عبدالله

و الله يصلح الحال و العيال لنا و لكم و للجميع ان شالله ،،

ولا يمكن تجاهل دور الأم في الحياه

الأم .. مدرسه إذا أعددتها أعددت شعبا طيب الأعراق ،

و الله الهادي الى سواء السبيل

و صح لسانك مدد ولاهنت[/size][/color]

رد: الأب لا منه بذل كل مجهود
 

ايه ياعود جبتها على الجرح

انا اشهد انك قلت الحقيقه

عسا الله يصلح الحال والعيال

صح لسانك يا شيخ وطاب حالك

تقبل تحياتي واعجاااابي

رد: الأب لا منه بذل كل مجهود
 

[font="comic sans ms"][size="6"][color="navy"]صح السانك وعتلى شانك
الله عليك يا شاعرالفطاحله
تعجز اقلامنا عن وصف شعرك اخاف تخونها تعبير
ما توفي بحقك ياشاعر
لاهنت
تحياتي [/color][/size][/font]

رد: الأب لا منه بذل كل مجهود
 

[color="navy"]صح لسانك شاعرنا أبو عبدالله ..

ونسأل الله لنا ولكم صلاح النية والذرية ..

تياتي لك وصح لسانك مرة أخرى ..[/color]

رد: الأب لا منه بذل كل مجهود
 

ماشاء الله يا ابوعبدالله

كتبت فأبدعت وقلت فأحسنت

صحيح الام هي الشخص المؤثر وهي مدرسة الاساس

صح لسانك ملايين

تقبل مروري