يشرفني نقدكم وملاحظاتكم لهذه المحاوله .
 

[i][center][color="blue"]السلام عليكم ورحمة الله وبركاته .. اسعد الله اوقاتكم بكل خير .. يسعدني ان اعود الى هذا الصرح الشامخ بعد فترة انقطاع كانت بسبب امور خاصه فاستبيح العذر منكم جميعا على التقصير بحق هذا المنتدى والقايمين عليه .. طبعا انا لست بشاعر كما يعرف البعض منكم ولكن من حبي للشعر ومن الفتره اللي سمحتلي احتك بالبعض منكم مما دفع فيني روح الحماس للكتابه وكسب الفايده من امثالكم كتبت هالقصيده ولا اخفي عليكم باني لا اعرف هل هي موزونه ام لا ولا ادري هل هي قصيده مكتمله ام لا .. يشرفني نقدكم وتوجيهاتكم بكل رحابة صدر .. [/color][/center][/i]

[center]سلامات ياحر صعــد عالي المـــــــرقاب
سلامات يارمز الكرم طــــيب السيره
سلامات ياللي يرجــم الضر رجم شهاب
سلامات ياللي سمي الخير والخيره
يقولون الفؤ عن حاتم الطائي الــف كتاب
وانا اقـــول ابوي حاتـــم اليوم ماغيره
انا لو اعــد اوصــاف ابوي واحط القـــاب
يجـــف القلــــــم والبوك يحتاج تغيره
وانا لو ماخاف الرب واخشى قبر وحساب
لاشًيد لابوي الـــف تمـــثال بالـــديــره
واقول اكتبوا باغلى الذهب فوقها الالقاب
واعاهد على اني دوم اسعى لتطويره
واخيرا عسى الله للنداوي يفـــك البـاب
يشـــافيه رب الخــلق باطيب تدابيره[/center]

رد: يشرفني نقدكم وملاحظاتكم لهذه المحاول
 

رائعة وعلى البحر الطويل العسير لا يجيده الا القلة من الشعراء
وأنت أبدعت فيه بكل جدارة وحرفنه

عندك فقط

يقولون الفؤ عن حاتم الطائي الــف كتاب مكسور وأعد صياغته لأتابع معك

موفق

رد: يشرفني نقدكم وملاحظاتكم لهذه المحاول
 

[color="navy"][i]يطولي عمرك استاذي ماجد .. نقدك وملاحظتك زادتني قوه وحماس لا خلا ولاعدم .. والبيت اللي كنت اظن انه موزون طلع مكسور هههههه انا باغيره وباحاول اوزنه واعرض البيت عليك .. شكرا لك [/i][/color]

رد: يشرفني نقدكم وملاحظاتكم لهذه المحاول
 

[color="blue"][i]مساء الخير اخوي ماجد . عدن صياغة البيت وياعسى يطلع موزون .
يقولون حاتم الطائي كريم للاقصى والاقراب . ..
وياليت طال عمرك توضح لي اشلون اعرف الكسر هل هو يعني ثقل بنطق البيت ولا شلون يالغالي .[/i][/color]

رد: يشرفني نقدكم وملاحظاتكم لهذه المحاول
 

دامك ما تعرف طريقة معرفة الكسر فهذا يثبت لي انك شاعر وبتصير شاعر لا يشق له غبار
لانك بالفطرة الان بدون لحن وشلة وزنت قصيدة على اصعب البحور الشعرية
والبيت ما زال مكسور
اسمع ونا اخوك اسهل طريقة تعرف الكسر الحين انك تلحن قصيدتك هذي على لحن اغنية
تمنيتك البارح معا هجعة العربان ...دورها بالنت ولحن القصيدة هذي علة نفس اللحن تلقاها مية مية ما عدا البيت الي اوضحته لك

رد: يشرفني نقدكم وملاحظاتكم لهذه المحاول
 

وكانك مالقيت الاغنية رد لي هنا حتى بكرة ادخل معك الشات الصوتي واشرح لك بسهولة ان شاء الله

رد: يشرفني نقدكم وملاحظاتكم لهذه المحاول
 

الابيات جميله..والخلل يوجد في كلمات ابوي..الموجود بالقصيده جميعها..
واعتقد ان قائلها يقصد أبويا..فهو ضروري اضافة الالف بعد الياء لكلمات ابوي..

رد: يشرفني نقدكم وملاحظاتكم لهذه المحاول
 

[color="navy"][i]يطولي عمرك استاذي ماجد تعبتك معي .. واشادتك بي زادتني شرف والقصيده يكفيها فخر ان اللي يقيمها استاذ وشاعر مثلك .. بحثت على الاغنيه اللي قلتلي ولقيتها شيله باليوتيوب وعدلت البيت على نفس الشيله وياعسى يطلع موزون .. ياليت التعب ينشال وادعيك ياتواب .. تشيله من اللي لا دعاني بتباشيره .. وسلامتك .. واذا ماطلع موزون اسمحلي لو ثقلت عليك نتقابل بالصوتي الليله الساعه 12 اذا انت فاضي فضلا وليس امر استاذي .. [/i][/color]

رد: يشرفني نقدكم وملاحظاتكم لهذه المحاول
 

[color="navy"][i]هلابك اخوي الشاعر عبدالله الشويمان نقدك وملاحظتك تسعدني استاذي .. بالنسبه لما قلت بالملاحظه لكلمة ابوي فانا لما انطقها تكون بنفس الصياغه اللي انت قلتها ابويا صحيح في بعض الابيات المفروض اني كتبت الالف .. ولكن بعض الابيات اللي وردت فيها كلمة ابوي لو اضفت الالف معها اشك انه جاي عسف على البيت مثل الشطر... لاشيد لابوي الف ثمثال بالديره .. وانت افهم مني بهالموضوع استاذي وارجو منك التوضيح لي وافادتي لاهنت يابو شويمان .[/i][/color]

رد: يشرفني نقدكم وملاحظاتكم لهذه المحاول
 

[quote=بيدي رسنها;1481655][color="navy"][i]يطولي عمرك استاذي ماجد تعبتك معي .. واشادتك بي زادتني شرف والقصيده يكفيها فخر ان اللي يقيمها استاذ وشاعر مثلك .. بحثت على الاغنيه اللي قلتلي ولقيتها شيله باليوتيوب وعدلت البيت على نفس الشيله وياعسى يطلع موزون .. ياليت التعب ينشال وادعيك ياتواب .. تشيله من اللي لا دعاني بتباشيره .. وسلامتك .. واذا ماطلع موزون اسمحلي لو ثقلت عليك نتقابل بالصوتي الليله الساعه 12 اذا انت فاضي فضلا وليس امر استاذي .. [/i][/color][/quote]

موزون ومية مية يا سلام عليك بطل وربي بطل