للوذين اهدي التحيه والاشواقي
 

السلام عليكم
الاخوان الكرام هذا رد متواضع
على قصيدة اخونا منصور المري

آمل ان ترقى لذائقتكم

هذه قصيدة منصور

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يافلاح القرم ذا الناس مشغوله = دايم تركض ورى طرد الأرزاقي
وصاحبك منصور فكرته مهبوله = وده انه يحوشها مالها باقي
يركض بدنياه جوله بثر جوله = لانتهت ذي قلبه لتلك تواقي
وده ايجمع لاكن ماهي بحوله = بين هيف وسيف والوقت بواقي
في متاهات الزمن تركض ارجوله = من طموحه خلف طاريه منساقي
في خياله كل دنياه محلوله = في شقاها ماهتنى بنوم الاشراقي
دنيته ذي يابن منشار معسوله = يامكافي شرها اكفيه الأعواقي
من يفكر ويش اللي صايرحوله = وسط غزه غير بيروت وعراقي
العدو يفتل بالاحداث وش هوله = وامة الاسلام بالنوم غٌراقي
الضعافى صوبهم دقت اطبوله = بين مسراح ومسرا ومغباقي
كل مقطع شفته اقول ياهوله = قمت اجرالصوت من قاصي اعماقي
ماجداي الا الدعا دوم واقوله = فزعتك يارب يالواحد الباقي[/poem]


[align=center]وهذا ردي[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرحبا بالصاحب الي سماء قوله=ساق صافي الجزل من هيضه الراقي
بالشرف والطيب وافكار معقوله = مثل سيلن له رعودن وبراقي
انشرح صدري على شوف مرسوله=في صباحٍ طاب وقّعه للاذواقي
عشت يامنصور يامتعب عذوله = ياعلم للمرجله فوق خفاقي
يالوذين الرزق مقسومه نهوله = والفتى لاشك يطمع وينعاقي
والطمع قتّال لو مالت حموله = والقناعه تاج رغم اهل الابواقي
اسع في الدنيا لرزقك ولا توله = دوك باب الرزق من حوله اطواقي
غيّر الجو دام مابالهوى غوله = السفر فيه الفوايد والانفاقي
فيه راحة نفس ياصاح معلوله =يوم ملت كأسها من يد الساقي
وامة الاسلام دامت مية دوله = ماتخارج لو رقاها مية راقي
مير بادعي معك والدين له صوله=وعد من ربي على كل الاعراقي[/poem]

حررت في 4/1/1428هـــ

رد: للوذين اهدي التحيه والاشواقي
 

صوت وصدى

صح لسانك

يا فلاح

ولسان منصور

رد: للوذين اهدي التحيه والاشواقي
 

[size=5][font=MS Sans Serif]شاعرنا الراقي



فلاح بن منشااااااار


صح لسانك ولا هان راسك

وصح لسانك شاعرنا الراقي


منصوووور المري


صدى رائع

لصوت رائع


من شاعرين رائعين وغنيين عن التعريف


تذوقت من خلال هالمساجله للشعر الحقيقي


بيض الله وجيهكم ولا خلى ولا عدم


سجلوا حضووري واعجابي الدائم


لكم حبي وتقديري


ابو خاااااااااااالد[/font][/size]

رد: للوذين اهدي التحيه والاشواقي
 

فلاح بن منشار

صح لسانك كفيت ووفيت

الله يعافيك ويعافي منصور

ابيات رائعه عساكم قويين

تحياتي

رد: للوذين اهدي التحيه والاشواقي
 

فلاح بن منشار

صح لسانك
كفيت ووفيت

[quote]فيه راحة نفـس ياصـاح معلولـه
يوم ملت كأسها مـن يـد الساقـي
وامة الاسـلام دامـت ميـة دولـه
ماتخارج لـو رقاهـا ميـة راقـي
مير بادعي معك والدين له صولـه
وعد من ربي على كـل الاعراقـي


[/quote]

رد: للوذين اهدي التحيه والاشواقي
 

[font=Verdana][color=#00008B][size=5][align=center]
صح لسانك يامنصور

صح لسانك يافلاح

استمتعت بقراءة القصيدتين وما حوتها من نصائح وعبر ذات فائدة للقارئ

تدل على البعد الثقافي و المتمرس لشاعرين قديرين

تحياتي لكم مع التقدير ،،،[/align][/size][/color][/font]

رد: للوذين اهدي التحيه والاشواقي
 

فلاح
الحين والله تو دريت بها
صح السانك وسلم فكرك وبنانك
ولاهنت يالغالي
بدعت فأجدت واصبت
شكرا لك مرة اخرى

رد: للوذين اهدي التحيه والاشواقي
 

صح لسانك يا فلاح

وانت كريم ومنصور يستاهل:)

رد: للوذين اهدي التحيه والاشواقي
 

فلاح بن منشـــــــــــــــار صح الله لسانك ..
ما شاء الله عليك ...
وياسلام لو نقدر نسمعها مغناه ....

رد: للوذين اهدي التحيه والاشواقي
 

على فكرة يافلاح اول رد لي في المنتدى لك
الحب من الله ...الله يحفظك .. ياراعي الذود ..
وتراني مسجلها للتاريخ