[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
العين لا من شافت الزين ترتاح = والقلب لا منّه عشق بان عيبه
ياما شجاعٍ كان للجيش نطاح= استسلم لعشقه على غير ريبه
اعطاه اسرارٍ على اخوه ماباح = ولا حسّب لوقتٍ يغيّر حبيبه
ياهاجسي والهم بالصدر ما انزاح= وش لك تزاورني بعد طول غيبه
ما عاد تشفي لو ولا ليت لجراح= اسبابها قلبٍ بلاويه طيبه
دش الهوى في ظنّته خوش سباح= لكن بحر العشق يجهل جذيبه
حتى لقى نفسه غريقٍ بضحضاح= واللي رجا فزعته سرّ المصيبه
في وقت صار الحب باليد مسباح= يلعب به اللي كل فكره بجيبه
القلب مثل القفل والعشق مفتاح= فاخذ الحذر من قبل تدفع ضريبه
يروح عمرك ما عرف طعم الافراح= بين الندم والياس يجني نصيبه
لاتنخدع بالرعد والبرق لا لاح= اصبر الين السيل يجري شعيبه
والسر ملكك دام بالقلب ماراح= ولا من ظهر ما لك على احدٍ طليبه[/poem]

مشكور
على ما افدتنا به
تحياتي