طـال الصبر ياذيب
 

[RAMS]http://up.ftahilah.com/up/uploads/Mine/6alyatheeb.rm[/RAMS]
[poem=font="Simplified Arabic,5,darkblue,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
طـال الصبر ياذيب والحظ ما قام = مدري علامه ما انتهض من منامه
ظنّك توفـى او الاقيه قــــدام = والا يكمّـل نومته للقيامـــــه
يا ذيب انا والوقت في عند وخصام = ما بيننـا ولفه وصعب افتهـامه
يفرض علي امره وميلات الاحكام = يبيني احيـــا مثل بـوم ونعامه
وانا على الفطره على دين الاسلام = مقدر نفــاق وكذب لاصل سنامه
نجـدٍ غذتني بالشجاعه والإقـدام= وأسقيت طفلي من حليب الشهامة
ما اخضع لغير اللي بالاحوال علام= ربٍ خلقنـي حـرّ ماني فـدامه
ما نيب حصني يعـرف البحر عوّام= في مظهره يخـدعك والا سلامه
يفهـم بلهجتنـا ويعزف بالانغـام = يكسب رجــالٍ قالطه من كلامه
يتمسكن بخبثٍ ويمسك للاختــام = في الـدار يلعب دون حد وعلامه
ياذيب هذا الوضع ماهـوب بفـلام = وهذي الحقيقه ما عليهـا غمامه
وبعض الطيور اليوم صارت كلايتام = الفقـر حاديهـا لفعـل الغشامه
وان جو يبون الدرس حدوا بالارقام = صاروا جلوسٍ دون علم وفهامه
وان جو يبون الشغل فالـوعد قدّام = والعذر والم دون خوف الملامه
ذولا طيـور المرجله طـول الايام = درع الـوفا وقت الغثا والعتامه
من لازرع لابـد يحصـد للاوهـام = ينـدم ولكن ما تفيـد النـدامه[/poem]

رد: طـال الصبر ياذيب
 

ياسلام عليك
جزل ومبدع يادكتور
شكرا لك
تحياتي

رد: طـال الصبر ياذيب
 

صح السانك ملايين
قلت فأبدعت لافض فوك
ولاهنت

رد: طـال الصبر ياذيب
 

صح لسانك
مليون ولا يكفون
ابدعت يادكتور عثمان

احترامي

رد: طـال الصبر ياذيب
 

شكرا منيع
على كريم المتابعه
لاهنت
تحياتي

رد: طـال الصبر ياذيب
 

اصبر وماعقب الصبر نفس تنظام
.. ياطير يامهاجر عساك السلامه

صح لسانك وفكرك ابوعبدالله