قصيدة العام ....القصائد المشاركة
 

الطامي

القصيدة رقم (1)

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
انا لابغيت الشعر بطلت بيبانه = تجيني ابيوته حسب ذوقي ومن راسي
اختار الجزل منه واجنب من اشيانه = والا من بغيت اشعر فلاني بمحتاسي
اصخر صعيب الشعر واختار قيفانه = وانظم ابيوته دون ماكتب بكراسي
طراة الرجل لاقال قافه من السانه = يصوغ الشعر صوغ الذهب هو واللماسي
ترى الشعر مثل البيت يرفع بسيسانه = وبيت بدون اساس ينهار متواسي
وترى الشعر حكمه كون يختل ميزانه = وذا اختل ميزانه تعذرب به الناسي
وترى الشعر سيف الناس في ماضي ازمانه = ويطلق ارقاب تنطر الموت كُناسي
ومن الشعر قول لادخل مجلس زانه = اذا ِسمع من ناسٍ زحازيح فُراسي
يبان الشعر من جوهره بعد عنوانه = اذا هو حكم بالقاف والا به اطفاسي
اقوله بعد شوفة ابيوت بها اهانه = وناس تحسب الشعر قدرٍ وملاسي
وشخصٍ يقول القاف بالعون مازانه= يصفّق له الجمهور فخر وتحماسي
يقول الشعر ويحوس راسه بكرعانه= يخبط بشعره يضرب اخماس باسداسي
وانا ماهثم من قاف بيته كما الدانه = تهادى به العربان ركبٍ وجلاسي[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (2)

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
الا يالنشاما من البارح وهذا اليوم = تجول الروابع في ضميري واقلبها
اشره على نفسي واكيل العتب واللوم = مخافة مناقيد المناعير تشذبها
لأن هفوة العاقل لو انه بعد محشوم = كبيره عليه بشرق الارض ومغاربها
اداري من الزلات ومصادمة شغموم = اداريه وانزَله باعلا مراتبها
واخاف الدويني يبدل اعلومنا بعلوم = واداري من السفهان تلحق مشاهبها
وحقي على الطيب وحقه علينا دوم = والانذال في هفواتها مانعاتبها
وترى الظن زينه زين وسوه يجي مذموم = وسوه هلك ناس تفتل شواربها
حياة الرجل كنها طريقٍٍ وحيش وقوم = الى سلم من الافعى تجيله عقاربها
وحياة الرجل كدح وعقيده وفيها سلوم = والى اخطا من الثنتين ويش الحياه ابها
الا جنَب المله ولو كان خيره كوم = وسنة محمد دوم يسعى يحاربها
والااخطا من اسلوم القبايل شبيه البوم = فخله على اليسرى وجفف مشاربها
دام الادمي حيٍ فلاله الا المقسوم = ايلين النفوس الخضر تركز نصايبها [/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (3)

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يادقيق المثنـى ياعيـون الظبـي= ارحم الحال منـي ياظبـي العـدام
اتق الله بحالي صرت مثل السبـي = انتظر منَك الحسنا ولـو بالسـلام
والله انها كبيره لو احلـق اشنبـي = كيف من مثلكم يجعل حياتي حطام
صادقٍ في حديثـه مـارواه النبـي = تسرقون اللبيب العقل هـذا حـرام
ايش سويت فيني قول لي وش تبي = عايشٍ من سببكم حايسٍ في ظـلام
لالقيـت الصغيراللـي اراه ايحبـي = ضحكته وابتسامه قلت انتي شمـام
فيك رقه وحنيه و اصـول اعربـي = وفيك غنج يخليني اضيـع الكـلام
وانت شامي بقوامك والكذوب ايهبي = وانتقامك شديد مثل ضرب الحسـام
وانت عندي صدوق لوعلي تلعبـي = دارت اعوام وحنا كل يوم بخصـام
شبت وانا شبابٍ ماحصل مطلبـي = والرجا عند من ينشي حقوق الغمام[/poem]

ـــــــــــــــــــــــــــــــــــــــــــــــــــــــــــــــــــــــــــــــ
م.عمار
القصيدة رقم (4)

طـراة ا لجـسـم

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
قلبي اللي على هاك الهنوف انفطر = عمرها حول عشر ٍ و أربع ٍ بالتمام
والله ان الهوى ماله بقلبي أثر = قبل ما أشوفها مالي ومال الغرام
لو تقابل كفيف إ رتد فيه البصر = و ا رجعت به سنين العمر عشرين عام
خطر ٍ الماء أشوفه من خلال النحر = ومن طراة الجسم أشوف مخ العظام
و أشقر ٍ لا تهلهل خلفها و انتثر = ما ا قدر ا رجع ولا ا مشي خطوة ٍ للأمام
من حياها تصد بطيفها لاحضر = تبخل بشوفها لو هو بحلم المنام
كل من هو ا بتلا و إلا رماه القدر = في طريق الهوى قولوا عليه السلام[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (5)
الجبين المستدير

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
قالت إنته ولد بن عمار قلت إيّه أنا هوّا = يا بعد كل العذا را .. اللي بها لدنيا .. اهتوو
ساري ٍ حبك بد مّي يانسل آدم . وحوّاء = والمشاعر يالغلا ما قبلك انسان إحتوو
شوفي حالي ياملاك الحسن عقبك ويش سوّى = وشوفي اعيوني من آثار السهر كيف استوو
آآآآه يا نار ٍ بصدري الحشا منها يكوّى = من لهبها . ذاب قلبي .. والسراجيف انكوو
من جمال ٍ لويشوفه القمر ماعاد ضوّى = والكوا كب .. في مدا رات المجرة . انضوو
ماذبحني كود منقوض ٍ على الردف ايتطوّى = وخصلتين ٍ من على ثنية حجاجك انطوو
والجبين المستد ير اللي كما برّاق نوّا = لا كشح .. ضيّعت دربي وا لتفا كير .. انتوو
وخصرك اللي مثل عود الخيزرانة ايتلوّى = كسّر أرقاب ٍ تراعي لك بمشيك والتوو
كلما حاولت في نفسي على بُعدك تقوّا = القى قلبي .والعواطف . من فراقك . ماقوو
مطلبي يانورعيني لا تواجهنا تروّى = لأ جل عيني .والمشاعر . من جمالك . ما ارتوو[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (6)
المعاناة الشديدة

[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
كنت ضيف ٍ بالحفل سارح بافكار ٍعديدة = آتنقـلّ بالنظر، والبال مشغول ٍ بهمّه
واقف ٍ وحدي أهوجس وارمق بنظرة بعيدة = مره امدح في الزواج وعشر مرات ٍ أ ذمّه
إخترق سمعي بكاء طفل ٍ على شي يريدة = وانقلب لوني وجسمي من شحوبه جف دمّه
طار قلبي يوم قـفـىّ يمسح الدمعات بإيدة = نبرته مكتومة ٍ حطت بوسط الصدر غمّه
هلتّ دموعي تسابق من على خدي بديدة = واندفعت ابلا شعور ٍ متجّه صوبه واخمّه
قلت له ان كان تسمح مطلبك ممكن تعيدة = يوم كرّر مطلبه ، مخزون عيني فاض جمّه
وانتفض في داخلي رغم المعاناة الشديدة = باقي انسان ٍ تداعى من طعون ٍ مستسمّّه
صرت في دنياي هايم عايش احلام ٍ سعيدة = يوم قرّبت أحتفى بمعانقه . وأبكي والمّه
وانتشيت بريح طيب ٍ اشعل بقلبي وقيدة = يوم جت كفي بكفه والعطر أصبحت أشمّه
قالوا الناس اللي حولي هذي علوم ٍ جديدة = كل هاللي صار بأسباب الطفل يومك تضمّه
قلت والله الطفل عذر ٍ تدبّر به مكيدة = مع بقايا عطرها اللي عالق ٍ بأطراف كمّه
كان تبغون الحقيقة للمعاناة الأكيدة = فالحقيقة ما ذبحني ! غير شمّة ريحة امّه[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ع.مكرمي
القصيدة رقم (7)
طفلين في وسط غابه
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
طفلين في وسط غربه تاه مسكنهم"="كبروا وكبرت مشاعرهم تسريني
ما شافوا الشمس والقمرا بناظرهم"="ما شافوا الشعر في ايديني يعزيني
ترعرعوا وانتشوا والود .. جمّعهم"="ناوي على اعدامهم وانا يعريني
طفلين كانوا وجور الوقت فرّقهم"="يرسم لهم درب ممشاهم ويرثيني
ليل المسافات صبحه ما يقربهم"="بعد المدى يقطع انفاس الهوى فيني
مديت شوفي على حده يشاهدهم"="اطوي الرمال وسراب الشوق يطوين
شبيت ناره بعمر البعد يحرقهم"="واسمع صدى دافي اصواته تواسيني
بنيت صرح الخيال وعرش مقعدهم"="متربع (ن) به لطيف الروح يدعيني
شرّقت .. غرّبت فكري في مواطنهم"="ادور الذات في دفتر عناويني
وتعانق الفكره المجهول واقعهم"="تنثر سحاب القصايد ماطره فيني[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (8)
حبل الرسن
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
البارحه ساري (ن) فكري بوديانه"="ماله ونيس (ن) سوى القمرا ووجداني
يعد نجمات هاجوسه وجدرانه"="صوته دعاني ولبيته ولا جاني
جالس لوحدي اجر الصوت والدانه"="وازخرف الكلمه بحرفي وعنواني
انا امتطيت السواد وعشقي حصانه"="حبل الرسن في يدي وخطامه لساني
مديت شوفي واشوف الطيف والوانه"="واشوف خلي وزوله قد تحداني
غرو (ن) سهوم المنايا تحت حجانه"="لا سلهمت تذبح اللي فيه هيماني
شبيت ضوي وجوفي شب نيرانه"="عوج الحنايا حطبها وانت برداني
يا قاتله حبنا شيعت جثمانه"="قررت اجنب هوى من كان له جاني
وقفلت باب الخفوق بوجه خلانه"="والحب يطرقه والله ما افتحه ثاني[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (9)
عودت لحياتي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
عـيـونـي نـثّرت لـيــام مـاهــا"="ودمـع الـوجـد فـي الاهـداب جـالي
وهـبت نسمـة (ن) نسـنــس هـواهــا"="طعـون الـويل مـن كـفـين غــال
وحبيب (ن) مـرفي الـروح وجناهــا"="ومـر العـين واسـهـرهـا ليــالي
تركـنـي للـمـتاهــات وشـقـــاهــا"="وحيـد(ن) منتحي في درب خــالي
اسطـر لـي بيــوت(ن) مـن قراهــا"="عـرف جور الغرام وضعف حــالي
وانا لـولا الحــروف ومحـتــواهــا"="رميت اللـي بقــا مـن راس عــالي
وعـودّت لحـيــاتـي فــي صـباهــا"="غـرير(ن) عـن دروب الحب ســالي[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ع. بن خزيم
القصيدة رقم (10)
بسم الإله
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
بإسم الإله منّزل(ن)فاطرومعها المرسلات=ياواحد(ن)فرد(ن)صمدكل الرياح تهبها
عبدك رفع إيده طلب بالخاتمه يرجوثبات=ويارد على حوض النبي دعوه إلهي لبها
أنت الكريم أنت العليم والذنب خلاني شتات=النفس عانت ذنبها وهمومهاتلعبها
غافل عن دروب العمل حملي من الدنيا فتات=عشت الحياه عيشة كسل تمضي علي وأذنبها
مهما أعيش بدنيتي لا بد من يوم الوفاة=والنفس تجني ماعملت يومه تقابل ربها
وياماسلينا بالسعدوياماجرفتنا هالحياة =نركض ونركض وسطهاولا لحقنا لبّها
إحفظ صلاتك يافتى وإحذريزاحمها الفواة=أول عمل وسط الصحف ياصاحبي يكتبها
قلته وأناشخص(ن)مقصّرملتهي بالأمنيات=يالله يالله ربنا جنات عدن نطبها
وأعطف على حال الضعيف يزودك الله بالغناة=ترى التصّدق يابشرلنفوسنا هو طبها
وإحذرتسمّع هرجه(ن)تاتيك من عند الوشاة=ناس(ن)على أكل البشريوم الفرح هوسبها
وأدفع مادامك مقتدرفزعة عطى ماهيب هات=ويمنا الكريم اللي بذلت يكثرترى من حبها
وياليت نسمع سالفه يسوقها بعض الرواة=عن الشيوخ أهل الظفرأفضل مثل يضربها
ناس(ن)تميّزبالوفاء وعلى المواقف بالثبات=كن الكرم جوف المحيط وكانت تغوص بغبها[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (11)
عزّاه
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
عزّاه ياقـلـب ٍطـوتـه الهـمـومـي=كنّـه بـوسـط الـكـون عاجزيقـومـي
تعبان من شيّن يشوفه مـن النـاس=عاش العناء والخلـق مـع ذاتلومـي
شـاف الزمـن ياكـيـف صارمتقـلّـب=والنـاس بعضـه مايقـيـم السلـومـي
وقـت الدجاجـه نـابـت ٍلــه مخـالـب=والهـيـس صايـرفـي زماناعـزومـي
وقـــت الـمـراجـل تحتضريامـحـمـد=فزالنـذل والا أنـت رجـل محشومـي
والطيب باقي ماأنورت شمس ربي=والـعـزنـوره واضـــح ٍ كالنـجـومـي
والـوقـت يجبـرمـن تـحـداه مـرغــم=عمرالـسـعـاده يارفـيـقـي تــدومــي
والطـيـب روّح والمـراجـل تغـيّـرت=والذنب غيّب عـن سمانـا الغيومـي
والناس تركض مع شيوخ الدراهـم=لوهـي حثالـه أرفعـوهـا الرخـومـي
والاالرحـم يالـقـرم تشـكـي بــلاوي=كن البعض بالسلم فـرس ٍ ورومـي
الأخ غـايــب والـرحــم مـاوصـلـهـا=والـعــود لاسـيّـرتـقـول مـعـزومــي
والسالـفـه يـاخـوك مـاأبـي أطـــول=عن هالزمن سطّرت بعض العلومي[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (12)
حرب التعالي والإنصاف
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
دارت رحاحرب التعالي والإنصاف=والجيـش ثايروالضجروالنحيبـي
والفوزباين مع هـل العزينشـاف=والناس عاشت في صراع ٍ عجيبـي
وترى الشجاعة بالرجل دوم تنضاف=وألا الردي وقت اللـوازم يغيبـي
وقت ٍ يخلي أشجع القوم خـواف=وغيرالردى بالهيـس وشّويجيبـي!
وعلى الخبل في وقتنا مامن خـلاف=دام الحصاني تفـرس ألفيـن ذيبـي
ناس ٍ تجيب العلم محمودة أوصـاف=مـن هوسمعهـا ماأظنّـه يخيـبـي
ولاكل رجّـال ٍ تكلّـم بعـرّاف=المعرفـة مثـل الـدواء للطبيبـي
ناس تخربط بالشعرهانـت القـاف=قالت نهردجلـة بجنـب الكريبـي
وبعض الرجال وليتها تلبس غداف=أزوال جرمـه ولاتكلّـم حبيبـي
ولدعجوز ٍهرجتـة حيـل تنعـاف=سوالفـه مثـل اللبـن بالزبيبـي
وقت ٍ يمّجد من ملك رزمـة ألآف=لوهوحثالـة قالـوا إنـه رهيبيـي [/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
م. البلاجي
القصيدة رقم (13)
دلال فكري
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
(إ)دلال فـِكـري لـلـنـشــامى مبـــاهـيــر=فـِنـجالـهن جَـلوة عـمـاس الولـِيـده
اسوقهن فـالطـيــب ســوق الــدنـانـيـر=حيث انهـن لـلـمسـتـمع مـن رصيـده
خذيـت من دنيــاي بعـض التعــابيــر=واوجـزتهــا للمعتـبــِر فــي قصـيــــده
الآدمـي لوشـاف روحـه على الغيــر=الغيـر سـاوى حـَضـرته والفــقــيــده
حيــث التواضع يــالوجيـه المسـافيـر=درب العــقـول الراجحـات السديـــده
كـبـر الجسم مافـاد ذود المغــــاتيــــر=لااســـتــاقهـا الراعي على مايريــده
الكـبـر كـبـر العــقــل كبـر التفــاكيـر=لـوكـان زولــك مايشــوق البعيــــده
والطـول طـول البــال طـول النواظيـر=لوكان طولك طول أقصر عبــيـــده
القـِـصـر قـِـصر الـعـزم دون المعاسير=مايَرهب العسرات كــود البليـــــده
إكفــخ سواة الطـيــر كــب المعــاذيــر=فالمجــد للنــادر ســواة الطريــــده
لاترتـكـي وتقــول يــارازق الطيـــر=ترزق يميني من نِـعـَمـْــه العـديــده
دون الدلــو ورشــاه يــاوارد البيـــر=ماترتوي كبــدك ونفســــك رشيــده
يعني بلايــاصـاح كثــر التفــاسيــر=فعــل السبب أوصيــك والصبر زِيـده
لان الصبــر مفتــاح بــاب التيـــاسيـر=واوّل دروب الفوز رغبـــه أكيــده
لـو هـو غـدا بالـدرب بعض المعـاسيـر=فالتـاج يستــاهل سَـهـَر عين سـِيده
هــذا وازيــدك فالثـــلاث المحـــاذيـــر=بــالـك عليــهن لاتغــادر شــريده
الاوله حذراك بخــــل(ن) وتبـــذيـــر=مازاد منهن واجــب انّــك تبيـــده
والثــانيـه حذرا الدمــوع المحــــاديــر=عـنـد العــدا لــو نـار صدرك وقيده
والثــالثــه حذراك طبــع المخــاسيــر=طبع التشـــــاؤم فــالحيـــاه السعيده
وختامهــا دعــواك يـــانــاصــر الخيــر=جنــّـَـتْــك سبحــانك وعيشه مجيـده[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (14)
دونك ثواني
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
نخيت قافي في جنابك وشاشي=ولاالوم قافي من جمالك ليا شاش
لا بالله إلا ضاع عمري بلاشي=دونك ثواني دنيتي ماش في ماش
أمسي وانا اشكي غيبتك للفراشي=واصبح من الشكوى بلانوم وفراش
ماعاد بعدك مهتني لي معاشي=لاَن الهنا يرفض بليّـاك يعتاش
أوّل معك عايش بعقلي وجاشي=واليوم عايش في حياتي بلاجاش
كنت الدوا لاصاب عيني عماشي=واليوم داء العين بالعين نهّـاش
كنت المطر لاناش قلبي هشاشي=بالوصل تبني للرضا خضر الاعشاش
غـَليت فكري في بعادك وغاشي=أشعار....وانته فكرك اليوم ماغاش
وش هَـد ساسك وانت ساس انتعاشي=هات السبب بالهَـد والسالفه كاش
ان كان جالك بالخفا شخص واشي=فالعيب إنـّك بالخفا تسمع اللاش
مادام مثله بالردى صار ماشي=خلـّه وتبقى الروح والقلب كالشاش
وان كنت تحسب للغلا صرت راشي=فأنته خفوقي بالغلا جاك منحاش
ماطاق غيرك في حياته ولاشـِـي=إلا أعز اثنين للقلب تِـنعاش
عوّد وطالع ويش بالجاش ناشي=نار انتظارك تشتعل دون قشواش
لايْصير حكمك بالجفا حكم فاشي=والا المبوّش يوم باصحابنا باش
خل العتب مابـيــنـنـا بالنقاشــي=واشري همومك في حياتك والاطفاش
لوكان من همّـك شقاي وعطاشي=اليا لمحتك زال همّـي والاعطاش[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (15)
للقضاة
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
ياصاحبي للحب شرعه وقاضه= وانت الحكم وانا علي العريضه
لو شفت مالوّع شعوري وافاضه= ماكان لمته لو شكى زود فيضه
نظرة عيونه والجبين وبياضه= والخد الاحمر والشفاه الغليضه
واللول الابيض فوقها واعتراضه= واليا ذبحني بابتسامه عريضه
والسيف الاجرد يافهد وانتهاضه= والعنق لاعانق جديله وميضه
والخطوه العذرا وزود الغضاضه= والموت الاحمر حدر عنقه مقيضه
هذا سبب جرحي ويوم انتقاضه= وان ماحصل لي يارفيقي غميضه
حيثه تربّع فالخفوق وفياضه= واستوطن (ا)دياره وصادر أريضه
لحظة همر دمع الملاقى وفاضه = أروى الضلوع العوج لحظة مفيضه
لين اثمرت بين المحاني (ا)رياضه= واصبح غرامه في خفوقي فريضه
حتى غدى بين الضلوع انتفاضه= بعد اللقا هذي مواري نقيضه
مااحد(ن) من الترفات والغيد عاضه= لاشك حالي من وصوفه مريضه
دامه سلب هوجاس راسي وهاضه= وانا الذي ماكل عذرا تهيضه
وشلون اقاوم فالخفوق انقضاضه= والشوق مخلابه يبيح الحفيضه
مالي دوا ياكود شوفة (ا)لحاظه= بعيد عن شوف النفوس البغيضه
اهل الطبوع الزاخره بالفضاضه= لو هي قبايل خاطري ماتغيضه
وختامها ماباح فكري وناضه= غرو(ن)سكنها يافهد فالرويضه[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
س. الرماحي
القصيدة رقم (16)
عذريبيه صليب
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
أنا برتاح من كل المصايب=وابهجر هالبعايد والقرايب
وابرحل عنهم لدارٍ بعيدة=ديارٍ دونها كل النشايب
ديارٍ ماوصلها أي منهم=ولا تطري على بال اللبايب
ديارٍ داخله وسط الأعاجم=يهابه كل مسطورٍ وهايب
غريبة ممتعة جنة بعيدة=ولا حافوا بها أهل الركايب !
وفيها كل ماتبغيه نفسي=هواها.. أرضها.. دار العجايب
أبستانس بها كل الإجازة=ثلاث شهور وسط أرجاه ذايب
وأبا آقفل وأبقطع أتصالي=كأني ياولد ماني بآيب !
ولاهمّن من الأخبار حاجة= ولا فكرت في سِلم وحرايب
وأفل حجاج وأنسى كل هابي=ومعهم كل قرم وكل خايب !
نسيت الكل وأولهم همومي=نسيت الخلق من طفل لشايب
نسيت الناس كلّه أجمعيني=سوى عودٍ سكن تحت النصايب..
هذاك اللي عجزت أنساه والله=وإلى هالحين ودموعي سكايب..
ولا اذكر غير نفسي وأعذروني=أخوكم ينقصه خلوة حبايب !
هذيك أم العيون الزرق عنقا=هنوفن ضحكته برق السحايب
عذيريبه صليبن برقبتها=ولبسن يترك الزهاد ذايب
مسيحية من المارون طرقا !=ولو أن أرتباطه بي صايب !
وهذا ياولد قول الشريعة=مهو قول لمصففة الكذايب !
مشينا بالسهول وبالمراعي=وتسابقنا على خضر الهضايب..
قطفنا الياسمين اللي عشقنا=وسمرنا بالجداول والهبايب..
وجلسنا تحتنا الينبوع جاري=وتناسيت المصايب والنوايب..
جلست بدارهم تسعين ليلة=وتهت هناك مع كل الطرايب..
غسلت هموم نفسي من عروقه=وبدلت الحبايب والصحايب..
الا يانفس جوزي عن همومك=وخليني أعيش بلا قرايب
قسم بالله ماحنيت لله=ولاني يمهم بالشوق آيب !!
هذاك اللي جرى واللي لقيته=بدار يحكمه ريّس ونايب !!
ولامني رجعت لدار همي..=نسيت اللي جرى وعودت تايب !![/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (17)
اذكر في مره
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
أذكر فـ مرّة.. كتبت شطور=وكتبت معها اسم غالي
كتبت اسمه.. وفاح عطور!=لمّا كتبته على فالي!
وأذكر فـ مرّة وصلت بحور..=جلست بالشاطيء لحالي..
ثم غابت الشمس عقب عصور..=وأظلم مكاني وأنا سالي..
ضوّ القمر كنّه البلّور=بالبحر ساطع وميّالي!
يابحر.. أعزف لحن مشهور..=وأبي مع اللحن موالي!
حزين.. يترك دمع منثور!=يوصف حياتي وترحالي!
وأشدو بشعري بوسط شطور..=توصف حياةٍ على الخالي!
الموج..فجأة.. خذاه حسور!=ثمٍ تلاطم على العالي!!
يحسّ كنّه بنفس شعور..=زي ما احسّه وما جالي!!
لاحظت فجأة هذاك النور..=اللّي سطع بالبحر.. زالي..!
ثمٍ غدا.. لولوٍ منثور..!=وأشرق بدر فيه متلالي..!!
خلّي بوجهه يطل مسرور!!=لي يبتسم لا واعزّالي!!
مدري سحر..وأعطب المسحور؟=أو هو..حبيبي.. تراوالي[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (18)
إلا الحماقة
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
عجزت أفكّر بحالك مع خوافيها=والنصح ماهو لنفس الخبل محييها!
كنت أحسب أن كل ضربة تجيك تعليمة!!=طلعت (دايح) تكحّلها وتعميها!!
ليت الزمن فاتك.. وعشت بزمن سابق!=مابي أشوفك سنيني لاتجي فيها!!
ماتحشم الناس.. وأسيادك وأهل أمرك!=تمشي ( تفسفس) علومك في نواحيها!!
اتعض يدّ رفعت حظّك ومقدارك!=(أخس وهبيت) الذي هذي تواليها!!
هو ليه ماصرت عنّا (قاطع وخاسي)!!=ولاّ شتمت الذي ورّاك صاليها!!
ياكم رفعناك.. مع بيّك وأخوانك..=ياكم ملينا مخابيكم.. (خراجيها)!!
ياكم حكينا دفاعاً عنكم حميّا!!=ياكم نرزّك وصورتكم نحلّيها!
ياكم نسن السواطي دون منزالك=ياكم نصلّح مشاكلكم.. ونبريها!
ياكم نفك العسر لامن تغشّاكم=ياكم سترنا بلاويك وخوافيها!!
ياكم رقينا بكم من فوق الامتاني..=أكتافنا (مركبك) رمت النجم فيها!!
ماجاك جانا ونخشركم بخبزتنا!!=حنّا ملافيك لا صكّت لياليها!!
تذكر وتذكر؟ نسيت اللي مضى كله؟=أفعالنا فيك والله صعب نحصيها!
مايشبهك كود قول الشاعر الماضي..=يومه يشخّص حياتك مع بلاويها..
(لكل داءٍ دواءٌ يستطبّ بِهِ )=(إلا الحماقة أعيت من يداويها ) !![/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فريد الحرف
القصيدة رقم (19)
الوداع الأخير
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
زماني يا زماني يا زماني = رماني كلّ ما جيته رماني
آقرّب ساعتي لاجله ثواني = ولا عبرّني لو هيّه ب/كلمه
وهبته عمري إلي ما توّهب = لاجل عينه على قربي تزّهب
شرار القلب في حبه تلّهب = عطيته ما يهمه ولا يهمه
تعايشنا ف/آيامٍ جميله = قصيره لكن ف/عيني طويله
آوازن ليلها في آلف ليله = غرامٍ يرفعك يثنيه كمّه
آجيها ليلةٍ آو هي تجيني = يسامر صوتها صوت الحنيني
يمايل غصنها كثر السنيني = وآنا في حضنها (طفلٍ وأمه)
على غفله ولفته (وإنلاقبه) = وباب الحب آغلق دوني بابه
وحيّرني سؤالي ( ولا إجـــابه) = علام الهم في وجهك تجمّه
وسايرني ف/كلمه مدّ بوزه = تقل بالع في حلقه كم موزه
ما تصلح كلمتك آو ما تحوزه = حبيبك جالسٍ يمّك ب/يّمه
تقول ( إنته وما آبغى هجوسك) = آنا آبغى يا قلبي بس فلوسك
آبيها كلها لو هي تحوسك = تعال وشوف غيرك لا تذمه
وقفت وكن جسمي جسم عاجز = وقلبي من سمعها قام يناقز
وآصبح دم وجهي فيني بارز = وآحس العقرب أفرز فيني سمّه
غريبه حالكم يا أهل الهواوي = تشوفون الجروح إبلا مداوي
يصير الحب ذيبٍ قام يعاوي = جروحه تسكت وما وصكّ فمه
ما عمر الدرهم آصبح فيني غايه = ولا خذته وسيله آو كنايه
لا جا فكري ولا آصبح بدايه = حرام الحب تهدم فيه تِمه
ما دامك ناويٍ ترحل وتبعد = وعصا وقتي على جسمي ب\تجلد
تحاسبني على حالي وتسرد = هبوطٍ عقب ما كنّا ف\قمه
قبل ما تعرف الحب الحقيقي = تعلّم في حياتك يا صديقي
قلوب الناس ماهي لك طليقي = آنا طالبك هرجك لو تثمّه
يا ليته ما بغاني ولا بغيته = ولا يطري لي آسري له لبيته
يا ليته ما ذكرني لو طريته = آعيش وعمري الباقي ف/ همّه
فمان الله يا عمرٍ توّسم = فمان الله يا عشقٍ تجسم
فمان الله يا هجرٍ تصمم = فمان الله يا وقتٍ آلمّه
فمان الله يا ناسي وناسي = فمان الله يا تاجي وساسي
فمان الله يا مصدر هوجاسي = فمان الله يا غروٍ آزمّه
فمان الله يا قلبٍ هويته = فمان الله يا حبٍ شريته
فمان الله يا صدرٍ بغيته = ينسيني همومي بس ف/ضمه
تعلمنا ف\هالدنيا تجارب = ساعات الوقت تحسب ف\العقارب
غريبه وقتي إلي ما يقارب = وانا في سمعهم شخصٍ أصمّه
تعبت ودنيتي ترفض وجودي = وانا صبري ما قد عدّا حدودي
خلاص وبعلن الليله صدودي = على ريحٍ كرهته من آشمّه
زماني يا زماني يا زماني = رماني كلّ ما جيته رماني
آقرّب ساعتي لاجله ثواني = ولا عبرّني لو هيّه ب/كلمه [/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (20)
لو تكرمتي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
لو تكرّمتي .. دخيلك ..! يا غلا كل ّ البنات = باغيٍ منك دقيقه (آنتظرها منذو حين)
من عرفتك يا غلاتي وآرسمك بآحلا الصفات = لكن إني في حياتي ما نظرتك (فالعنين)
كم لقيتك في شتاتي ضايعه بين الشتات = كم وجدتك في خفوقي نايمه نوم الضنين
لو وصفتك يا (ملاكي) طايره فوق السمات = ما عرفت إني أصيدك لو تسلّقت السنين
صدرك إلي من نقائه نايمٍ فيه النبات = وعجزك إلي من حلاته ريحته دايم تزين
في تمكّن قولها آسرع من أمواج الفرات = وفي حنان إحساسها حس الامومه للجنين
تسرق الناظر عذوبه تفتنه شدة ثبات = تذهله ذوقٍ ومعنى تسحره لين الجبين
فكرتك ناتج قوالب بين (حال) وبين (فات) = آنّتجت نهضه جديده تسرق أنظار الحنين
اصلها يرجع (غريزي) من قبيلة فكر ذات = ساكنه جوف المَخَادع تحرق آغصان الكمين
تجبره يكشف سكوته لين ما يلقى صفاة = تصبح آسراره (فضيحه) ويصبح إسكوته كمين
حبّها في قلبي آغلى من هِبآت آهل الزكاة = وإحفظت حبي (خزينه) عن عطا جزل اليدين
عاشرتني في عذابي من صباحي للغداة = تسمع لضيم المواجع من آلالامه له ونين
إيه إنتي من سكن خافق تكلّم فالسكات = إيـــه انتي مِن آخيلك تجلسي ثم تسكتين
إيــه انتي من يبعثر جملتي وسط الشفاة = خايفه تطلع عشانك ناويه شيٍ يزين
إيــه إنتي من آشوفك موتتي وجل الحياة = لو آموت آذكر هوآك ولو آعيشك زي قرين
في منامي تحتريني (ما نستني فالصلاة) = إملكت كامل محيطي من شماله لليمين
يا قصيده قد شريتك من زمن ضاع الشُرات = وإشتريتي عمري إلي باقيٍ لاجلك سجين
ثم لقيتي في حياتي من نهاية شخص مات = تلحق الناس الجنازه لين تقبّر هالحزين
لو تكرّمتي .. دخيلك ..! يا غلا كل ّ البنات = زاوري شخصٍ (هواكي) حفرته عمقٍ دفين[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (21)
فيض الألم

[poem=font="Simplified Arabic,4,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
جيتكم يآهل الشعر ف\يديني مجمل هالكتاب = جيتكم في شخص وآعي يعرف إلي كآتبه
جيتكم حآمل قوافي مركبي وزن الخطاب = جيتكم جآيب شعوري يوم غيري سايبه
جيتكم بشكي همومي وإبتدا فيني النُعاب = فوق غصنٍ مع ظلام الليل حالي عايبه
وكنّي آشوف الظما في ظلمتي مثل السراب = آقربه ما آقربه وآحس فمي شاربه
ومن يديني فجأةٍ طاح الغصن مثل التراب = وإنطرح مثلا الطريح إلي خصيمه ضاربه
وآتوّجد وجد من هو ما توّجد ف\المُصآب = لين ما لان الظلام إلي نجومه هآربه
جيتكم يا آهل الشعر في ذمتي مثل الضباب = جيّته جيّت جموعٍ روحته متناوبه
وإستوى لي شعري إلي فالسما مثل الشهاب = لمعته جزء الثواني عودته لي غايبه
وجيتكم آسأل وآسآئل والسؤآل آكبر جواب = هل خليلي مثل (عبله) آو لها من نايبه؟
هل صحيح إن المحبه غرفةٍ والوصل باب = ووش مصير آصل العلاقه (خآربه) آو صايبه
همي آصبح مثل غايه والفرح لي مثل ناب = ما دريت إني آصارع دنيةٍ مو تايبه
من هجوس الشعر عندي آعلن الخافي وتآب= عاطبه ذيك الليالي عشتها له عاطبه
جيتكم يآهل الشعر ف\يديني مجمل هالكتاب = جيتكم في شخص وآعي يعرف إلي كآتبه
قد حلفت إن الهموم إن جتني ما آرضخ وآهاب = وإن تجرأ ثم لفاني والله لا آدعس غاربه[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (22)
منصور العبدالله
حرام تذبح
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يا لليل طوّل ذكر الأحباب مازال=شوق(ن) بقلبي للغرام يحدينى
عندي سوالف ما تجيلك على البال=وفيني حنينٍ بالضماير مكينى
انا اشهد ان الشوق يلحق على الحال= يدمى بوسط القلب جرح(ن) دفيني
ياما سقاني من بلاويه فنجال= وياما وياما مثلى الشاربينى
شابت طبايعنا بعد ضحك الاطفال= واختل غصن الورد والياسمينى
ياصاحبى من بعدنا كيف الأحوال= مدرى تذكّر صاحبك ياضنينى
ولاّ نسيته يا لغلا مثل ما قال =راعى المثل من غاب تسلاه عينى
تعال شفنى عقب فرقاك باهوال=بانت علامات الوله فى جبينى
فكرى معك يا متلف الروح رحال=وقلبى تركته فى كفوفك رهينى
لأصبحت فى حال(ن) وآيلا أمسيت فى حال= ماعاد اميز ضحكتي من ونينى
يقضى الزمان وطيف ذكراك يجتال= يرسم معاناة الشقا فى سنينى
خذني وله خذني شقا خذني اهبال= واشعل قناديل الفرح فى يدينى
وأيلا وصل لك من صدى القلب مرسال= حني عليه و بالأمل جاوبيني
عهدٍ على منساك يا طيب الفال= أعاهدك وانتي بعد عاهديني
ياسيدي للحب سطوه وزلزال= فيها موازيين السعاده تبيني
وان كان ما جالك هوانا على بال= حرام تذبح نبرة الشوق فينى[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (23)
رصيف الشانزليزيه
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
على جانبك يا شارع وقفت وزاد فى الكيل=على الذكرى مواعدنى مسي الذكرى وراعيها
وقفت وهاضت شجونى على ارضك مراكب خيل=مساك اليوم يا شارع مسي لوعات مخفيها
مسا الانوار يا دربا مشينا لين بان سهيل=مسى ضيقات بصدري تفرج لا ابتسم فيها
مسى قوس النصر ذا اليوم مسى العنبر وريح الهيل=ونفحات العبير اللي تنثر من حواليها
يحلما مرني عابر تزفه روعه التبجيل=.يكنه جرحا بصدري يلج بفرحتي فيها
هطل هتانها وارعد سما باريس بالتهليل=تباشر به بروق الود فى جمله اراضيها
يصيح بجوها بركان يحطم رقه التقبيل=يهيم بهامش الذكرى ويرجى لمه يديها
ما لومك يا خيال لاح برقك فى عتيم الليل=ونور صدري المظلم سنا برقك بطاريها
مشت واقدامها حفيا رصيف الشانز شاف الويل=يقبل رجلها بخده ويستلهم خطاويها
وينثر خطوها فوقه عبير وشفت كم اكلليل=نبت زهر الخز امى من ندى وطيات رجليها
ينادى من عنا الفرحه بصوت يذبح التظلليل=انا ضاعت مسافاتي ولا ادري من عبث فيها
ترى وطياتها حفيا على خدى تهد الحيل=يا (..ويلى...) كيف ابقوى كيف اتحمل مواطيها
وكيف اتحمل الفرقا ليا صار المدى تطويل=ليا سافر ضما قلبى بتتعبنى شواطيها
يا شارع جيتك لوحدى احبس دموعي بمنديل=ولا حسيت بوجودى وانا معها واداريها
انا ذاك الغريب اللى مشى خطواتها تهويل=ولو تطلب ابيع الروح فدوه لجل عينيها
انا اتحمل فداه الموت ولا اقوى نقطه التحويل=ليا صارت بتبعدنى عن عيونه موانيها
يا شارع ليش تبكى لي وقلبى يستبيح الويل=وانا امشي فيك بالذكرى وانا وياك نغليها
ابشكى لك وتبكى لي ونا بهمي جرحت الليل=تعال نسامر الذكرى ونطوى جرحنا فيها
مسى الانوار يا دربا مشينا لين بان سهيل=مسى ذكرى يبوح الليل فيها لين نسريها[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (24)
وينك غلاي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
للعين ذوق وللبشر جمله اذواق= واللى يشوف بعين غيره يبينى
واللى بعينى يابشر ذوقها فاق= بس المصيبه وين داره وويــنى
واويل حالى كلها ضيق واخفاق=من قبل اشوفه والهنا محتوينى
واتعلقت به نظرتى حب واشفاق=اشفق عليه اكثر من ام الجنينى
انا اشهد انه محرقا قلبى احراق= ليته يحسّ بلوعتى وبونينى
ايلا متى بصبر على هم وفراق=وايلامتى يزداد هالشوق فينى
ويلامتى بتضيق فى جوى افاق=كن الشقا مولود بصبيّ عينى
وينك غلاى ابادلك حب واشواق = وينك تعال ان كان مثلى تبينى
يشتاق لك لليل(ن) طفى وقت الاشراق = وفرحه نهار غاب فى ضي عينى
ياسلوة المشتاق فجر الهنا ضاق= يشفق على اللى كان بينك وبينى
ياللى جمعت اثنين الزين واخلاق=اجمل حروف الشعر لجلك رهينى
ما اجاملك لاقلت للعين مالاق = غيرك ولا احدٍ شاقنى ياضنينى
حسنك بديع ولا تبين لعشاق =ضاعت مسافات البشر ياحسينى
عينك سحابه عشق وطفا وبراق = دايم على باب الوفا تحترينى
هتانها يروى ضمى كل مشتاق = ويضوى سناها مابقى من سنينى
شالك وفا بين المعاليق خفاق = بين الجروح المبطيه مستكينى
دايم وطيفك مغرقا عينى اغراق = ليتك مع طيفك تمرّ وتجينى
المّ زولك بالهدب حب وعناق=واسمّعه اعذب قوافى حنينى
ويلا نثرت اهات ودى بالاوراق = جف الحبر مابين رعشه يدينى
وايلا اكتمل نظم القصيده بالاوفاق = ثارت علي حروفها تشتكينى
تعطيك قلب(ن) صوب لاماك تواق = وانتى عطينى من جروحك عطينى
وينك غلاى ايلا اجتمع شوق وفراق = الله يعين المبتلى والحزينى[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الصريح
القصيدة رقم (25)
الشعر اخوي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
بحراّ يموج ويتعب اللي يجاريه=بالشعر واعلوم الوفا والطباعِ
حاولت والا من يحاول يناحيه=أما غرق والا مع الموج ضاعِ
واللي يبي على طريقه يباريه=يصير مثله حاضر الحس واعِ
يسرح مساريحه ويسري مساريه=يصبح بقاع ويمسي ايضاّ بقاعِ
وانا ضروفي مانعتني لاخاويه=بيني وبين ايام وقتي صراعِ
والا القصيد اشتاق واحب اسويه=الشعر اخوي من النسب والرضاعِ
سيل يجيني يدّحم من مجاريه=والمد مدي فيه والصاع صاعِ
اليا برق له بارقّ في مناشيه=يهل هماله وينبت مراعِ
احرص على سبكه وجودة معانيه=وروضه لعكفان الشوارب مشاعِ
فيما مضى واليوم كثرة بلاويه=اصبح طرب والا ضمان اجتماعِ
ياناصر اللي مشغلاته مناحيه=يشعاه من باب الهواجيس شاعِ
خله بحاله لاتهّيض طواريه=يعيش في الدنيا كفاح وقناعِ
بعد رست بواخره في موانيه=عن طيب نفس وعن رضى واقتناعِ
ماله مع التجار سوقّ يحاضيه=ولاله ولاله في المجال الصناعِ
ولاهوب شاوياّ يتابع مواشيه=ولاهوب فلاحّ بحقل زراعِ
شربه من الزمزم وخبزه تكفيه=شبعان عزة نفس فوق الشباعِ
في روضة المسجد وفرضه يصليه=اذعت سراّ مابغيته يذاعِ
والبحر ياناصر مغادر شواطيه=اخذت مجدافي وطاوي شراعِ[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (26)
المال عارية
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
ياصاحب المال حط المال في دربه=واليا عطيت اتق الله واحسن النيه
ماهوب جايز على الجايع تفاخربه=والا بعد تلحقه ياعطيت منيه
خله اليا اعطيته المحتاج يشعربه=خل العطيه لها قيمه واهميه
والا الذمم مشتريها واجب حربه=مذكور في كل الاديان السماويه
يردع ومن بعد مايردع يشهربه=والا يعامل معاملة الحراميه
ياما حلا مدةّ تدفعبها كربه=من خاطراّ فيه صفطان ومحنيه
والا جميلاّ مع اهل الطيب تذكربه=مادمت تقدر ترى الاموال عاريه
واليا لفت سربةّ من بعدها سربه=خل التراحيب للملفين مثنيه
والعذر عن كل واجب لاتعذربه=واخذ طريق المروه والشهاميه
لن كان تبغيبها عند الولي قربه=وعند المشاكيل تقدير ومعزيه
ياصاحب المال حط المال في دربه=لاتدفعه للرشاوي والحراميه[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (27)
باب العيادة
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
رحت اعالج عند دكتور السنون اسنوني=واعترض لي عند باب اعيادته حوريه
فتنةّ منها يضيع المغرم المفتوني=درةّ مامثلها في الكوره الارضيه
شفتها لكن ماصدّقت شوف اعيونـــي=واسلبت مني جميع الفكر والحريّه
ياطبيب الضرس هيّن شف اعلاج اطعوني=كان عندك للطعون اعلاج عاين فيّه
ياطبيب اللي على ارواح البشر ماموني=علموه يعامل الشيّاب بالحنيّه
لايصير الله يجّنبه الخطر فرعوني=ويتلاعب في عقول الناس روحه جيّه
والسهوم اللي مواقعها وراي ودوني=الله يعدي فوادي روسها المبريّه
من يوقّع في فواده سهمه المسنوني=يعتبر نفسه من احساب الضحايا اضحيّه
قلت بعد اليوم لاخطبه ولا ماذوني=كيف اعدّي من اسهوم النظره الشرعيه[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
م. البدراني
القصيدة رقم (28)
طاب الكرى
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
طاب الكرى للي على قلبه حجاب = عن جايرات اْظروف وقته وغيبه
ينام خال البال مافز منصاب = ماكدره بالوقت همٍ وريبــه
اصفى من الصافي زمانه ولا شاب = جوه من اللي قدمنْ له مشيبه
شيبٍ شوابيبٍ بأشابيب الانشاب = شبن واشابن باللشبايب شبيبه
الا.. خلي البال مالف (ن) ولا ناب = قلبه من اسباب الزمان المنيبه
يرفل بهندام الترف كل ماهاب = دربٍ بدا له عنه دربٍ رضي به
واختار من مالذ وقته وماطاب= وانعم برغد العيش ناسٍْْ ربيبه
اللي مثل ماقيل يسفه اليا شاب = رجالهم والمال ماينصخي به
عبٌباد للدرهم وصاروا له ارباب = واستانسوا بديار نجد العريبه
واكبر خطاء صرنا اْنقلد للأذناب = نتبع عوايدهم وندفع ضريبه
لين الفتى منا ترفه ولا عاب= الا.. رفاه الغنج نقص ومعيبه
اللي له الترفيه من عاج الارقاب= يمه وكن البدر وسط التريبه
لاشع وسط الكون ليل الدجى غاب= واجلى غياهيب الحياة الرتيبه
المترفات بكل زاهيٍ وجذاب= غيدٍ غياهن من غواه ايغدي به
الفارهات الحور خوخٍ وعنّـاب = بخدودهن واشفيهن شفني به
غروٍ يغارن منه وغراهن اعجاب=يمتاز فيما حاز عما ادعي به
اصل وفصل والقد نبنوب سيّاب = زمرد وياقوت ماسٍ قضيبه
وسود مكاسيلٍ بها شلف واحراب = صفيّن جند وهند واخرى رقيبه
تلمع محاجرهن تحت خدر الاهداب = لاسلهمت عكشٍ تشابك عجيبه
او لج لجن باطرافهن سحر الألباب= برقٍ تكاشف حدر مزنٍ مغيبه
من فوق وجناتن بها الدم ينساب = خدٍ جمع ليلٍ وصبحٍ وهيبه
والخاتم الياقوت يلمع به ارضاب= سكر نبات ولول فاهٍ فهي به
يلهي ويشقي خافقٍ ما بعد تاب = او تاب..واسهى واستلبن لبيبه
للعين سهمٍ واتلع الجيد نهـّاب= والموت بسهوم العذارى اْمصيبه
مراتعٍ فيها الفنى دون طلاب = من مات فيها مايعزى قريبه
واخلاف ذا.. يفترّ بالصدر دولاب=روابع(ن)تندار مما العي به
لاع ن يفج الجوف لاادلى بمخلاب= حرٍ مزع خفاق جاش الطليبه
واسهي وكني زاهدٍ وسط محراب = يرجي عظيم الشان ربي يثيبه
مما لجى بين المعاليق مرتاب= هو ذنب. والاحظ. .. ولا ادعي به
علي .. يامن للغواليب غلاب=رحماك مابالقلب خفف لهيـبه
همٍ غدى لـ معقد الوقت كرّاب = صاب الصميم وكل عرقن اكوي به
مع ما دهاه افراق غالين واحباب=الغيض خلا اضلوع صدري حطيبه
وانتابني ضيقٍ بلا قيس واحساب = واْمع الهجوس الهوج قلبي اسري به
بين اسودينٍ ماعلى غاسق الداب= شربن وهن ازود مخالب ونيبه
وافٍ جفاه وهم ليلن له ايـّاب = نابين سود وصايبتهن غبيبه
من بينهن يضرس من الناب للناب= قلب العنا ماخفاه خطر ن يذيبه
لو كان مابه في صميم الصفاء ذاب= لا شك مابالقلب ماحـدٍ دري به
لين امتنى لو ماالمقابيل غيّاب= او ماحضر منهن يعجل بغيبه
اللي وفاهن مالهن عنه مجناب= وش عاد لاقفن او الفن ينيــبه
الا.. الهموم وليل الاحزان بواب= واللي مفاتيحه معي ذا سريـبه
خلت الرجاء بابٍ وجاء للشقاء باب= والياس كم حطم اْغصونٍ رطيبه
وانسقت مع بابٍ فتح بعده ابواب = ابغى النجاه وزاد جرحي طبيبه
اشفق على شم النفس والهواء هاب= وكم رحلتن منها السلامه كسيبه
الا ولاارضى غير ثوبي بالاثواب = والطيب سلم للجدود اقتدي به
ولا ارافق الا من عريبين الانساب = رفقة شرف ماهي مصالح وغيبه
غرسٍ بقى عله من الوبل سكّاب = والماء اْيعود للمصب وقليبه
فأْن ماصفى ماها كما الماص صباب = والا..انثنى بالغش عودٍ اغذي به
واكبر مرض من بين الاصحاب صحّاب = شك.. وشوير.. ومن تغيب و شي به
والعيب كل العيب لاصرت هيّاب = للطيب ما تارد ونفسك مريبه
والطيب ماكر كل طيب اليا طاب = ماهي غريبه منه هذا نصيبه
كساب للعليا وللمدح كساب= يستاهل البيضاء بجوده وطيبه
والا الردي لو طاب طيبه له اتعاب= نفسه دنيه والمراجل تعيبه
واليا تهيت للردين الا سباب= تسبق اعجاف الجنف خطو النجيبه
..................................... =......................................
ياهيه ؟ ماني للمخاليق نبـّـاب=يفهم معان القاف من يعتني به
احب راع الطيب لو هو من اجناب = واللي ايراوده الردى وش نبي به
ولا ني وانا محمد بشمات الاصحاب= يلعنك يارجلٍ اْيعذرب صحيبه
انا خوي اللي على الطيب درّراب = ناسٍ اْعدد طيبهم وانتخي به[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (29)
استنطق المعنى
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
أستنطق المعنـى اباطـن معانيـك = واسمع ضجيج افواه بوح المعانـي
بوح الجروح او ما خفى من تداعيك = انبا بطرس او شـاح فيـه البنانـي
ياللي عنيت بمـا عنالـك ويعنيـك = للروح بـوحٍ كــم تبـداء وبانـي
بين الرجاء والياس ماحدً ايصافيـك = ياقلب عن من كان ضنك اسنانـي !
تكيـد بـه خصـمً عنيـد ويغنيـك = عن صحبة السالين والا ال هدانـي
خلك لعلـك ! ماحصلـك ايكفيـك = وان عدتها ياقلب لا اقطع ال ساني
يفصل بها معنى ونبحـر بطاريـك = وعلى محيط الود ننسـى الموانـي
ياللي دعيت النـو راعـه وينبيـك = ان النوى عكسه مـن النـو ثانـي
ومنه استشف من الندا ود وامليـك = هجس ً احروفه نفحـة القحويانـي
ياللي تغيب وكل ماغبـت ا برجيـك = مال للوجود بـلا وجـودك معانـي
ونبت الامل يبقـى وداده ويدعيـك = وان مادعاك الـود يمـك دعانـي
رف بي ورف بالحال ربي ايخليـك = مجروح روح وكـل حـيً نسانـي
ومشاعري ماهي رخيصه وتغريـك = تزيد هجراني وانا اصبر واعانـي
وانا اللذي مازلت احنك واراعيـك = ارعى مشاعـرك الرقيقـه بامانـي
اضمها باحساس شاعـر واناجيـك = وان مافهمت القصـد والا ترانـي
اصدع بعال الصوت باسمك مناديك = وين انت يامن كنت تملك كيانـي ؟[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (30)
طال السهر
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
طال السهر ياصاحبي وانت مانمت = بالله قلي وش حدا النوم عنك
ياللي حياتك مابها يوم كتمت = ولاضاق صدرك من همومٍ يجنك
ولا صوبك رمش العيون وتلعثمت = وتاهت بك الخطوه وسوده رمنك
حلو النباء لانمت شفته ولا قمت = ولا غاب عن عينك عيونه دعنك
نواعسٍ لامن تخيلتها صمت = عن الكلام .. وعن منامك حدنك
زودٍ على اللي بالخفاء له تألمت = هواجسٍ وان غاب طيفه ظونك
لو كنت مثلي كان معذور لو همت = الله فرق مابين فني وفنك
أنا حياتي قاب قوسين واتممت = عشر اْسنوات وخايف يصيب ظنك
اعيش عمري بين لو كنت سلمت = حبل الرجاء بيدين باسك اْومنّك
لكن على نفسي قسيت وتعلمت = ماحدٍ يشيل من العناء يوم عنك[/poem]

رد: قصيدة العام ....القصائد المشاركة
 

ع.الثويني
القصيدة رقم (31)
سكون الليل
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
سكون الليل والضلما هدوء الكون والكتمان = حروف العشق والذكرى وحبري وصحوة احساسي
عناويني اذا حسيـت مالي بالزمـن عنـوان = واذا جـافيتـها تزعل تقـول اكـرهك يـا قـاسي
سكون الليل يزعجني سواده يجذب الاحزان=هدو الكون يجبرني أبعثر دافي انفاسي
وكتماني يزيد الجرح يجبرني على النـدمان = لو اني ما عرفت اندم على ما فات واحتاسي
حروف العشق لا بده تصحي غافي الوجدان = ودمع العين لا بـده يجي ويذٌكر النـاسي
يخط الحبر مابه صبر ويذكر كل ما قد كان = وبعده يصحي احساسي ومصعب صحوة احساسي
وتبدا ليلتي بذكرى ويمكن تنتهي بنسيان = واذا شفت الفضاء شرف يهاجر كل هوجاسي[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (32)
من مد لي يمناه
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
بسم الولي يبدا .. بقافي لساني=الخالق ، الجبـٌار ،، ربٌي ومولاي
أترجم اللي صار لي في زماني = أفراح .. ولا ضيق همـٌي وبلواي
هوآي ترتيب الحـِكم والمعاني = قطف الثمار اليانعه ، صُلـب مغزاي
وإن شفت شوقي با المحبه ضناني=ناديت للي شاقني وسط مغناي
أسج وانسج من حروفي أغاني=والصمت في بعض المواقيف مبداي
ما ذل نفسي في سبيل الأماني=للواحد الباري .. همومي ومشكاي
واللي يدورني ... أنا في مكاني= ما أتبٌع المقفي .. ولا أهمٌل الجاي
هرج العواذل مايزعزع كياني=هرج العواذل موقعه .. حدر ماطاي
أبعد عن اللي في طباعه أناني=ممشاه والله ماغدا .. نفس ممشاي
الخاين اللي با الخيانه نواني=أسهـل عليٌ فرقاه من شربت الماي
أسقي شراب المر للي سقاني=لا زاد بي همـٌي .. ولا عاق مسراي
واللي يقدٌر خوٌتي .. ماشكاني=من مـد لي يمناه .. مامـد يسراي
أقدٌره وأفز . لامن نخاني=ذاك الذي قربه مرامي وسلواي
والحمد للمعبود .. يومه عطاني=بعض الدروس .. اللي فهمته بدنياي[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (33)
في بحور الحب تايه مركبي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
في بحور الحب تايـه مركبـي=دون وجهه والعواصف تتعبـه
قلت يادمع المحاجير ،أسكبي=ذي دروب الحب دايم مرعبـه
يادموع العين سيري واكتبـي=قصتي ، واملي صحاف المكتبه
مل.. قلبي كثر توصيف الضبي=ماتحقق حلـم قلبـي ومطلبـه
إنحني ياشمس حلمي واغربي=دام قلبي مالقى مـن يطربـه
كل ما حاولت أحقـق مطلبـي=تخطف الايام حلمـي وتسلبـه
يازمان الضيم قلٌي ،/ وش تبي=وش بقا فيني مكاسب تكسبـه [/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــ
مبروك بن ماضي
القصيدة رقم (34)
سنوات الضياع
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
من ستة أشهر أو سنه وسوال في عقلي يدور = وش هالتعلق بالفنون الفاسده والانصياع !
واريد ردّ إمْنَ الذي قاعد يتابعهم شهور = هل من مشاهدْتَ الدراما فائده أو إنتفاع
ما كل من (مثّل)0وسجّل وسط شاشتنا حضور= نقبل سخافاته ونعجب فيه من دون إمتناع
الغير لو قدم لنا قصة عِشْق(عنزه) (وثور)= ابهر بها جُهالنا : في مثل ( سنوات الضياع )!!
مسلسلٍ يعزف على اوتار المشاعر والشعور= يخاطب أفكار النشئ ويتابعونه بإندفاع
وآخر يسمى (نور) واشهد ان مافي نور/ نور = كم بنت باسبابه غوت0ايضاً وكم من شاب صاع
إليا متى نجري ورى صرعت ثقافات القشور = ويعيش جُل أجيالنا في أزمة أخلاق وصراع
لابد مانبحث عن اسباب التحول/ والقصور = اللي حصل من اجل نوصل في النهاية لـ إقتناع
لو نسأل الشبان مثلاً عن قضية (دارفور) = كان إسلونا وين هالمشكل وفي أي البقاع!!
لكن لو تسأل عن الموضه وعن شركة ديور = تلقى الكثير اللي عرف، ومن بضاعتها ابتاع
عوامل التغريب عملت في ثقافتنا بثور= وغطت الوجه الحقيقي للأصاله بالقناع
وآقول طوبى ثم طوبى للعذارى في الخدور= اللي يحاول جرهن الاعلام 0لكن ماستطاع
والعز والرفعه وكل المجد للشاب الغيور= المحترم الملتزم اللي عبد ربه وطاع
من هو (مهند)لجل تُعجب به مره 0 جعله يغور = من هي (لميس) اللي بها كم من صبي أُعجب وماع
مامن وراهم غير جلب السؤ وتصدير الشرور= باسبابهم قل الحياء في من يقلدهم وشاع
وماتت الغيره سبب أهل التفسخ والفجور= اللي يرون ان المره في عرفهم سقط المتاع
وش نرتجي من شاب مايع غير تعقيد الامور= كل من تشبه به من الشبان ضل عقله وضاع
عز الله إن ْ ماهو هوى الخفرات من ضُمرْ الخصور = اللي مايلتفتن الى مثله من الناس الرعاع
الطيّبه تلقى لها طيب 0 وكل شينه تبور= مهما الخبيثين انبروا عنها جميعاً بالدفاع
يالمسلم اللي دايماً0طبعك على اهلك غيور = لاتترك ابناءك مابين (كـ 00) وذيابٍ جياع[/poem]

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (35)
جزمة منتظر
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
في سبق صحفي لافت لكل لأنظار = تحدثت باسم العروبه جزمها
فرده تـبي تأخـذ من المجـرم الـثـار = واخرى تعبر عن مشاعر المها
لولاه دنق ثـم حنى جسمه يسار = كانه على الوجه القبيح استلمها
لكنها لاشك صابته بالعار= وتحدت امريكا وهزت علمها
والكل شاف اللي عـلى التلفزه صار = توديع غازي للحقايب حزمها
تسلم يمين المنتظر حامي الدار = وانعم بجزمه ثائره نحترمها
وصلت الى عشره ملايين دولار= ويقول لا عطها ثمنها وسمها
بسطار غالي حطم ارقام الاسعار = لانه رعب جورج ونفسه هزمها
وياليته ألا خلف بوجهه آثار = وابرد كبود نفوس حره ظلمها
شن الحرب على العرب سر وجهار= وياكم وكم روحٍ بريه اعدمها
جاروقسى رمّل نساء يتم صغار = دنس بيوت المسلمين وهدمها
خاب وخسر انه يظن يقتل إكبار = امة أبيه تفتخر في قيمها[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (36)
ياربيبه
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
قلت الغلا: قالـت هـلا سـم لبيـه =معهـا خذتنـي للامـل والامـانـي
وشعرت كني صايـرٍ ياعـرب بيـه =وش بيه! بل سلطان حاكم زمانـي
وأزريت اجد من فيض الإحساس تشبيه =حيث انّه اكبر مـن بلاغـه بيانـي
صارحتها: قلت أغبط اللـي تحبيـه =يابخت منَ لَه وسط قلبـك مكانـي
قالت وهل :أخفي غرامي وأ خبيه =غيرك فلا يسكـن بهالقلـب ثانـي
قلت اصدقيني القول قالت (ياربيييه)! :)=مبروك منّك يووووووه !! وش كثر أعاني
انا عطيتك عهد وش لون أخل بيه! =واعلنت حبي لك ، لقاصـي ودانـي
قلـت آمـري وش تطلبينـه ألبيـه =نذرت عمري فـي غـرام الغوانـي
قالت طلبتك هاجـس الشـك مابيـه =أشعر واحسْ إنِّـه يزلـزل كيانـي
أقـول هـذا لـك ميانـه وتـنـبـيـه =واللي على قلبـي يقولـه لسانـي
قلت اسلمي 0صبي لي الحكـي صبيـه =في مسمعي 0يصبح كلامك أغانـي
من غيرك احلم به واحبه وآحابيـه =وآ عامله باللطـف هـو والحنانـي
تقولين يا لـبيـه وآقـووول لبيـه =وآ سكِّّنك فالقلـب بيـن المحانـي [/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مروان الشيخ
القصيدة رقم (37)
صوفيا
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
اذا مل الورق صمت الرفوفي=اقمت المولد وصفت صفوفي
مريد فحضره الشعر الحقيقي=طريقي لو تحدتني ظروفي
على آثار اقدام المعاني=بواصل رحلتي بايمان صوفي
اويسى اختصر امسي بحرفي=وتمسك اصبع الماضي كفوفي
اعيش الشعر حالة وجد عاشق=طرب لين ابتدا هز الكتوفي
ولا مني سمعت القاف اطرب=وتبحر في طواريقه حروفي
بادور وبانسجم واعيش حاله=ليا منه بدا ضرب الدفوفي
انا بيت الشعر والشعر بيتي=احل بداخله ويحل جوفي
ولو يطلب هجوس الشعر ماقف=وقفته لو يطول ابها وقوفي
انا في ساحة الشعار فارس=خفوقي غمد وابياتي سيوفي
وردت البير من صافي قراحه=شربت الجزل واسقيت الهنوفي
وشمس الشعر لامن غبت تكسف =واذا غاب الشعر بأعلن كسوفي
ربطني صدر من بيت بقصيده=وصرت اهيم به بصري وكوفي
(اذا كان الزمن صافي تعلل)=تبدد من بعد هالشطر خوفي
وصار الصمت باوراقي قصيده=وصفت يوم مولدها صفوفي[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (38)
ضميري في وطن جسمي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
رحلت لداخل اعماقي أفتش عن بقايا انسان=فقدته في خريفٍ جفف البستان بايّامي
أدوّر في زوايا الذاكره نقشٍ على الجدران=دليل يعيد لاحلامي بقايا انسان باحلامي
أنا اللي سنين متغرّب بدنيا التيه والنسيان=وصل سيل الملل حدّ الضياع وموطن الآمي
ضميري في وطن جسمي مشرّد ما لقي عنوان=ينام بأرصفة جمري ويتغطى بـأوهامي
شربت الملح باحداقي وصلت لحالة الإدمان=لأني كل ما أشرب بحر بالذاكره ضامي
حروف من الشتا تكتب خريف العمر بالنكران=وأنا لو بالأمل باكتب حياتي جفت اقلامي
تعبت اشكي وانا صوتي صداه بعالم الالحان=يعيش الناي في عزف الوداع ودمعه الدامي
أبي أخلع عن الدنيا ثياب الهم والاحزان=والبّسْها بنور الشمس واكتبها بمرسامي
وأحدد في ملامحها بقايا من أمل انسان=رحل يبحث عن ورود الربيع فحقل الالغامي
رجعت وما لقيت الا نقوش تحيّر الحيران=فتات لخبز ايام السلام وريحة الهامي[/poem]

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيده رقم (39)
مرتاح ولا
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
دنياي صحرا وكانت روحك الواحه=تروي عروقي وتسقي بالهوى روحي
عامين وانته قفل قلبي ومفتاحه=عامين ابني على آمالك صروحي
هدّيت عمري وعمر الطير بجناحه=قصّيت ريشي.. كسرت بغدرك طموحي
مجروح قلبي وصعب اداوي جراحه=شيّعت حبي بعد ما مات مذبوحي
ما احس راحه وكيف ألاقي الراحه=وذكرى غرامك حمامه ملّت النوحي
مابيك ابعد كرهت الحب ورياحه=مليت صمتي ومل الصمت من بوحي
لا عاد تسأل بروح وبترك الساحه=وانته بكيفك بعد ما اروح مسموحي
احس روحي بعد فرقاك مرتاحه=صكيت بابٍ فوجه الريح مفتوحي[/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ

موج القصيد
القصيدة رقم (40)
يابوي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يا بوي يا مرجع هل الجود والطيب=يا صانع المعروف بهل الجمايل
ابوك من نسل الرجال الغواليب=وخالك عريب الجد واف الشمايل
سبحان من نزه وصوفك عن العيب=وعطاك من حسن الوصوف الفضايل
يا صقر يسكن فوق روس المراقيب=متعليٍ يرقى على كل طايل
يا عزوتي لا عدوا اهل المواجيب=يا مسقي العطشى بدهر ومحايل
يامعزب اللي ما لقى له معازيب=يلقى عقب حر الشموس الضلايل
ولا جتك حرمه تنتخي فيك يا الذيب=تستر بستر الله سود الجدايل
ويوم ان نخاك المبتلى بالمكاتيب=ويقول شاف من الزمان الهوايل
ما اخذك في شكواه شكٍ ولاريب=واصبحت له مثل السحاب الوبايل
يا نصر من صكت عليه الكلاليب=وجارو عليه اهل القلوب الغلايل
اعتقت نفسه من يدين المطاليب=بالمال والمبنى وحمر الاصايل
لك في دروب العز مجدٍ وتوجيب=تارد حياض الموت من دون حايل
ولا ثارت الهيجاء ركبت المراكيب=ورديت حقك بالسيوف السلايل
ولا جو جنودك يجمعون المكاسيب=مكسبك عند الناس طيب الفعايل
يابوي من بعدك بقلبي لواهيب=كن الخفوق بوسط حمر الملايل
الفكر معك وما لقى عنك تجنيب=والقدر مايبغى شهود ودلايل
يا بوي لا تبطي جروحي معاطيب=يا بوي بعدك حالي اليوم مايل
ابسألك يا الله يا عالم الغيب=تحفظ كريم الاصل واف الخصايل [/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (41)
احبك ياهوى قلب الجريح
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
احبك يا هوى قلبي الجريح وحبكم فتاك = احبك يا بعد قلبي وروحي وكل غاياتي
احبك من هنا لبكرى لاخر عمرنا لهناك = احبك يا هنا عمري وكلي يا بعد ذاتي
احبك لو بعدت ورحت لا يمكن ابد انساك= احبك كثر اهات البعاد وكثر دمعاتي
احبك يا بعد قلبٍ يموت ويندفن لرضاك = احبك والله لو تعرف بحبي تسعى لرضاتي
احبك واعترف اني فقدتك يوم عفت حماك = احبك وانت تعرفني ابد مابعد بخطواتي
احبك واعترف اني احبك واشتري شرواك = احبك لو يطول ابعادنا ويطول اسكاتي
احبك واشتري لحظه اهيم بها معِ ذكراك = احبك لو عجز حرفي يعبر عن معاناتي
احبك والهموم اللي غزتني جات لك تنخاك= احبك واعترف اني اكرر دوم زلاتي
احبك والجراح اللي بقلبي طبها يمناك = احبك داو لي جرحي ولو طبه بكياتي
احبك خل عنك الصد يا غالي عساي فداك = احبك وانت تعرف عن غلاك وزود لهفاتي
احبك والدماء اللي بعرقي كلها تهواك = = احبك لو بعدت اموت من همي وحسراتي
احبك واعترف اني ابد ما اقدر على فرقاك = احبك جاك حكيي والقصيد وجاتك ابياتي[/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (42)
اهديت لك
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
اهديت له ورده من الحب حمرا = وقلت العروق اللي بقلبي ينادون
لي كل ليله مع حراويك مسرا = يعقبه صبحٍ باصدق الحب مقرون
يا فل يا ريحان يا ضي بدرا = ياللي له ابقلبي غلا حيل مصيون
بالقلب من حبك وقيدٍ وجمرا = من يطفي النيران قلي وبالهون
غلاك ليّن قلبي اليوم قسرا = حبٍ له اعروق المعنى يلبون
اغليك ياللي دوم ع البال تطرا = يا غاليٍ حبه جليٍ ومأمون
نفحت غرامك ع العشاشيق اطرا = من ماي هتانٍ تّهْمل به امزون
وادموع عيني من سبايبك حدرا = دمعٍ سبايب شوق ساطي ومجنون
عُسر الليالي معك ذا اليوم يسرا = اسعدت قلبٍ كان مبلي ومحزون
زرعت لك في داخل القلب بذرا = بِذرة غلا تنبت بساتين وغصون
وفوق الغصن قُمري يغني ويقرا = بيوت شعرٍ بعذب اوزان ولحون
انت بغلاي اليوم فاهم وادرا = تدري باني فيك ذايب ومفتون
عذرا عن التقصير باللهِ عذرا = عجزت بيوت الشعر بالوصف يوفون[/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صوت الإحساس
القصيدة رقم (43)
من صوت الإحساس
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
أشوف كل (ن) غدا همّه على قدّه = واشوف همّي يزيد ومقصده هدّي
البعض يشكي اذا صار الزمن ضدّه = وانا حبيبي وناسي والزمن ضدّي
ولوهي على كيف همّي طحت من مدّه = لكن شموخي ورثته ورث عن جدّي
ماهمني يوم قالو ذاك وش حدّه = مايدرو اني بحزني واصل (ن) حدّي
قالو علامه يطيع القلب ما صدّه = وشلون اصدّه وهو ما قد نوى صدّي
اكتب مشاعر خفوقي مثل ما ودّه = ويجيبها كل مرّه مثل ما ودّي
لو كان قصدي يهون و ينفضح سدّه = هلّيت دمع (ن) حبسته وانفضح سدّي
ما قصدي الا يبان الصدق في ردّه = ماهي قصيده بليلة شعر وتعدّي
من صوت الاحساس حرفي مدّته مدّه = لا جابها جاب شعر(ن) حيل متعدّي
جا يشبه السيف لامنّه لمع حدّه = أومثل قطرة مطر طاحت على خدّي
والشعر بالأصل لو ما مدّ لي يدّه = ما جيت يمّه ولا مدّيت له يدّي[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (44)
غيروك
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
طيبتي ماهي غبا والا سذاجه = كنّهم بعدي حبيبي غيّروك
والمحبّه من طرف واحد سماجه = وانت لو حبّيت منّي ما خذوك
حس في منهو تعنّا لك وناجه = لا تراود خاطرك فيه الشكوك
ليت قلبي ما صرخ لي فيك حاجه = وليت ثوّار الغلى ما طاوعوك
لين صار بغيبتك مثل الزجاجه = ينكسر من حسرته لامن طروك
علّته بعدك وفي قربك علاجه = دوك شريانه يسولف فيك دوك
وان نهرته عنك يزداد احتجاجه = وانت جند اشواق قلبك ماعصوك
ذاب من شوقه ولا حصّل خراجه = وليتهم لامات لهفه ينفعوك
ليه ترضى فيه ياسرّ ابتهاجه = وليه ودّك يحرموه ويحرمووك[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (45)
وقف
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
أسألك بالله وقّف لا تروح = لا تخلّيني لهمّي والعذاب
لا تخلّيني كذا من غير روح = لَنْ روحي موتها طاري الغياب
كيف تتركني مع وقت(ن) شحوح = الأماني فيه من غيرك سراب
وكيف تجرح قلب شيّدلك صروح = وكيف يذبحني العطش وانت السحاب
إنت سلوة خاطري وانت الطموح = وانت فرحة قلبي اللي فيك ذاب
وانت لـ حساسي ملاذ من الجروح = وانت في رحلة معاناتي زهاب
شوفني والسالفه ضحك ومزوح = أختلف لوني وفارقت الصواب
ابتسم لكن من اعماقي أنووووح = كِلّ خوفي تجرحك نظرة عتاب
كيف قلبك طاوعك فيها تبوح = لِعن بو مزح(ن) يجيب الإكتئاب
لا تكرّرها وانا قلبي سموح = قُلْ لساني قالها مرّه وتاااااااب[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سناعيس
القصيدة رقم (46)
الفطاحل
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
سلام الله عليكم يالفطاحل ياهل الطولات=سلام مايليق الا بكم يا أهل الصخا والجود
هلا يامرحبا بالكل وهذي أبرك الساعات=بكم تزهى مواقعنا ولكم منا الشكر ممدود
هلا يامرحبا من موقع أحيا زمان فات=تحية شعر ودروس تذكرنا بتراث جدود
ألا يازين جمعتكم عليها نردد الآيات=وعسى عين الحسود صبيها يعمى وفيها عود
ومدام مميل عقاله ملكنا وأبيض النيات=أنا أشهد ماعلينا خوف ولا زال الأمل معقود
أبو متعب الى منه حكى يفعل وله وقفات=لشعبه بلسم شافي وللأعداء فيه سم كبود
قطع دابر طواعين الشرور اللي بها هفوات=وفئات للظلال المنحرف واللي تقوده قود
وعسى يدين الغدر عنا تكف الشر والسيات=وعسى الله يقطع الإرهاب ويقطع دابر النمرود
وعسى من يلعب بأسهم عباد الله للحسرات=ويجيه من السما ماحق وساحق والكسب مردود
ويفيق اللي قضى وقته تعيس يتابع الشاشات=ومؤشر طالع نازل معه تجي الخساير زود
ويزيد المشكله بنك يسهل للبشر شيكات=ويغر الناس بأرباح خياليه بدون اشهود
ويلا منه خذا القسمه ولاهي نكبة النكبات=طلع خسران راس المال وتمويله طلع مقصود
نبي صرفه لها الأسعار نبي دبره لها الآفات=ونبي كل السلع تنزل لها المستهلك المقرود
وأملنا يازبون الطيب في كفك يابو النخوات=تحل المشكله والمعضله لانك حفيد سعود
نبي نعيش بكرامتنا نبي الفرحه لنا عادات=نبي نطوي سنين بالجهل كانت تقيم سدود
نبي نجني ثمار انغرس فينا علي شتلات=ونبي ناخذ تطورنا مع العالم بكل ركود
وصلاة الله على من يشفع لخلقه عن الزلات=عدد مالبحر والبر وعدد مابالعدد معدود[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (48)
عوج الضلوع
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
عوج الضلوع اللي حدبها لك بويت=تستاهلينه دامك أحلى عشيقه
وان كان ماكفاك خوذي حتاحيت=قلبٍ على لاماك ماعدت أطيقه
لا يابعد كل الملا الحي والميت=ولا يابعد كل الأمم والخليقه
انتي وأنا مثلك أعيش وتربيت=على أننا دايم نقول الحقيقه
انتي معي ان رحت والا بعد جيت=لاتحسبين اني نسيتك دقيقه
ياورد ياجوري أنا بك تغنيت= لأنك لشعري شذاه ورحيقه
إن كان ظنك ياهوى البال كبيت= كاس الغرام اللي تلامع بريقه
لا لا وربي فارض الحج للبيت= انك بقلبي والسويداء وثيقه
أنا أعترفت اني على طول طبيت=في بحرك اللي يفتخر في غريقه
وودعت نفسي فيك ايضا وسريت=لك يامنى عيني بذات الطريقه
فما فيه داعي للحسايف ولا ليت=لاصار حبي لك جذوره عميقه[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (49)
لله در العمر
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
ياوقتي اللي ماخدمني ولا يوم=لله در العمر ياطول صبره
ماني على بيض الدفاتر بمليوم= لامن نثرت من القلم كل حبره
من شان اخفف حيرتي شي معلوم=اهيض اللي كاتم فيّ عبره
ياللأسف عانيت من ماجرى دوم=ولا استفدت من العنا زود خبره
اصبر وأحس اني على طول محروم=يالله دخيلك كانها قل دبره
من يشتري قلبي ومن يفرق السوم=أنا بابيعه لو قطع منه هبره
عجزت اعاني من هموم غدت كوم=غرقان فيها والحمل زاد كبره
ياحظي اللي دايما وانت مهزوم=ولا يتعدى حجمك لراس الابره
كني غريق ويسمع بطاري العوم=طب بمحيط ويغرقه نصف شبره
اشكي عليك الحال ياوقت ملزوم=وانت الكفيل لحافر فيك قبره[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فلاح
القصيدة رقم (50)
لك حق تزعل
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
الوجد فاض وضاقت اليوم الافلاك=واظلم علي الكون واقبلت اناديك
ياصيد يرعى من حيا القلب وش جاك=تغيب عني كيف وانا مداريك
لاشك انا من شوق جيت اترجاك =فاسمح لمحبوبك ليا جاء يراعيك
ماهو بكيفي غيبتي يوم نجواك = حكم القدر خلاني ابعد ولا اجيك
يومي قريت الحرف ناضرت عتباك=صب العتب صبه ترى الروح تفديك
رسالتك جتني ولو ذاك مارضاك=ماطيق انا بعدك ولا اقوى تناسيك
صدق محبك والي اشجاني اشجاك=لولا الملامه صحت باسمك اداعيك
فارفق على روحٍ بها دوم طرياك=ماملت انفاسك وفيها مواريك
روحٍ على لاماك ماهيب تخفاك = تهواك من بد البشر في حراويك
من غبت غاب السعد لولاك لولاك=ماجاد قافي وانبرى لك يناجيك
لا تبتعد عن قلب مايوم يسلاك =لك حق تزعل ياحبيبي واراضيك[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (51)
عزف انفرادي
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
ياقافيه تفرض على الروح الانشاد=لاوزانها والحرف سلطان شادي
ساقت متون الشعرتغني عن الزاد =في ليلي المسهود والجو هادي
من هاجسي سويتها قصر منشاد=حوله نبت زهر الخزامى وكادي
بابه من البطره ثلاثي الابعاد=والسور بعده سور فيه ارتدادي
في داخله كشكول من كل الاضداد=جنه ونار وشي مقبل وغادي
فيه الحروب الي بعهد ابن شداد=وبدر واليرموك ياذكر نادي
فيه السلوم الي على عهد الاجداد=والحبه السوداء وحبة رشادي
فيه الهوى فيه المحبه والامجاد=وفيه حزن وبه من الدين حادي
فيه الصفاء والود ياكل نشاد= وآلام بيت القدس عاينه صادي
فيه العروبه مهزلة كل الانداد=والرافدين الي بسوق المزادي
فيه الخيال الي يثير اهل الارصاد=يعزف على الكلمات عزف انفرادي
اوركسترا لالحانها القلب ينقاد= ترقص لها نجوى ويطرب عبادي
تنساب نشوه تنعش ارواح الاشهاد=من جمعها يحتار فكر انتقادي
لاوالله الا كنك اطراف بغداد = ياهاجسي وش فيك تشعل سهادي
ياهاجسي ماكل ماقيل ينعاد= هذي الخلاصه يوم قلت انت عادي[/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (52)
العيون السود
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
انا ماذبحني غير لحظ العيون السود=ورى البرقع الي ناض برقه ورعادي
ليا ساق سهمه للهوى لينات العود =يصيب الهدف مايخطي الرمي ركادي
جنوده حديد ونار ماتنصف اهل الجود=ولا ترحم العشاق في شرعها العادي
تفيض الجوارح من عناها سواة النود=ويزفر صويب الحب ويصير نشادي
يسال القوافي عن سبب حظه المقرود=ويبكي من الجرح المتيم بالانشادي
ليا جر صوته مايجاريه صوت العود=وسلك الربابه ناح من حزنه البادي
تذوب الحروف ويصطلي ليلها المسهود=ويحزى بريقه بين شامت ونقادي
الا ياخشيف الريم ياوردي المورود=ترفق على القلب الذي منك منصادي
خفوقٍ خبرته قبل يلقاك مثل الطود= ومن يوم شافك صار عصفور رعادي
تحوفه ضروف البعد من صدك المعهود=ويختلّ نبظه بين عاذل وحسادي
ينادي على قلبك ويدرى من المنقود=وجمر المشاعر شب موقه والاكبادي
سألتك بمن سواك لاتخلف الموعود=وعجل بوصلك ياعذيقٍ من الكادي[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــ
عايض ابو شيبه
القصيدة رقم ( 53)
حقوق القصائد
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
قالو حقوق القصايد قلت مابه حقوق=حقوق الأنسان ضاعت كيف بأحقوقها
مدام جاء للقصايد وسط الأسواق سوق=اكيد طاحو جميع الناس في سوقها
معاد تتوقف الكلمات وسط الحلوق=ياحظ بعض البشر ماتتعب احلوقها
ياليتها تنسرق ويهون وضع السروق=غير البلا فالعشيقه خان معشوقها
ياكم لمحنا بجو الشعر مثل البروق=مثل السحابه تضيع وتخفت ابروقها
لو القصايد تكلم تشتكي من عقوق=من اهل شعر الأباحيه ومطفوقها
ياليت شعر الفوايد من سباته يفوق=من قبل وردة شبابه تيبس اعروقها
قالو لي الناس روق وقلت وشلون اروق=دام أكثر الناس ضاعت في خطاء ذوقها
شعر النصيحه مع الأيام صابه نفوق=قلته وكبدي تزايد فيه احروقها
متى على الله يجي للشعر لحظة شروق=وتعود بعض القصايد وسط صندوقها[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (54)
الأغاني
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يامدور للسعاده بتشغيل ألأغاني = مثل من يبغى السلامه بوسط المعركه
ضاعت الساعات فيها وتتبعها الثواني=والمصيبه كل شيطان فيها تشركه
كيف يمكن للمحرم يوردك ألأماني= مثل طيرن يطلب الحوم في وسط اشبكه
يمكن التفكير عندك يفارقه اتزاني=عمرك إنك شفت بالبر بتعيش اسمكه
للسعاده درب واحد ومابه درب ثاني=احبك التوصيف مني لياقلت احبكه
السعاده بأتكالك على رب الجناني=ربي المعبود والكون بأمره يملكه
له جميع الشكر والحمد وله ألأمتناني=يدرك اللي مالعقول الذهينه تدركه
لو تلف الكون كله وماتترك مكاني= دون طاعت خالقك ماتحصل لأبركه
لاتموت ودقت العود تنسيك ألأذاني=لانسيت الموت فالموت كلن يدركه
تب لربك قبل تندم وثم تبدى تعاني= يوم ودك ترجع وكل ذنبك تتركه
إن تطيع ابليس والنفس ترضى بالهواني=لكن اذكر قبضت الموت لاجاك املكه
قلتها واقولها صدق واعلنها لساني= عمركم شفتوا على البر بتعيش اسمكه[/poem]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
القصيدة رقم (55)
اعذب الشعر
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
أحيان أقول إني على الشعر مجبور=وأحيان أقول الشعر مجبور فيني
أقطع على شانه مسافات وبحور=وألقاه في دربي وهو يلتقيني
ماني بتركي لأعذب الشعر مجبور=مادام شعري لابغيته يجيني
الشعر وصفه كتلة احساس وشعور=على الورق ينقل من العارفيني
ماهو كلام أيصاغ في عدة اسطور=ينقل من اللي باالشعر جاهليني
الشعر له منهج ومعنى ودستور=وله موقفن بين الخلايق يبيني
كم شعر باالأذهان مازال محفور=باقي محله لو تطول السنيني
قايله بين الناس باالخير مذكور=مادام ينقل للكلام الثميني
الشعرطب اللي من الوقت مذعور=يجلي هموم اللي بوصفه حزيني
والشاعر اللي صار له جهد مشكور=يامر بفعل الخير في كل حيني
وصلاة ربي عد ماذعذع النور=على محمد سيد المرسليني[/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

رفيعة الشان
القصيدة رقم (56)
لاتنشديني
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
لا تسألين القلم يا ملهمة حبره=ولا تنشديني عن اللي شاغل ضنونه
انا باعلمك شاللي مخلفٍ حالي=واللي مكدر صفى وقتي ومازونه
تِسدل على يومي احزانك ستايرها=وتطلع بيوت القصيدة غير موزونه
والكل يسأل علامك شاحبٍ وجهك=ولابه جوابٍ مأكد لجل يوحونه
ما تقصدين اني اتكدر ولا اتضايق=لكني احط روحي فيك مقرونه
تكفين يا فرحتي يا قدوتي الاولى=يمه-فديت التراب اللي تدوسونه-
عطيني الحزن والآهات والضيقة=واللي يغير لون صفحاتك بلونه
ودي تكون الثلاثة كلها فيني=ولا انكم في لياليكم تذوقونه
مافيه شيٍٍ من اشيائك خذيتيها=حتى شعورك طلبته لي وتعطونه
يمكنني اعطيك في ايامك آمالك=لكن همك وِضَحْ والكل يقرونه
احط نفسي مكانك وامتلك دورك=واسوي اوقات مثل اللي تسوونه
واعيش يومي مثل مانتي تعيشينه=ولا قدرت اتقنه واعرف بمضمونه!
ياليتني داخلك أو قطعةٍ منك=واعرف مضايقك وان كنتوا ترومونه
وآبيده الحين وآمر كل أفكارك=لا عاد تاتي بما يجعلك محزونه
يا جعل غيم الحزن لا جا يبي يهطل=ويسقيكم امطاره الخَثْرَة وتروونه
ارفع يدي له واوقف سيره بسرعه=قبل يتمادى على امي حلوة المونه
واغلق مسارات ذاك الغيم واحدده=واحط قبله جبال افراح وآهونه
ولاجاك يبغي لك التكدير في ليلة=-بابيعني- لجل فرحك تكثر مزونه[/poem]ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

القصيدة رقم (57)
فاقد العينين
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يا مزونٍ عانقت وجه السما=اشهد انك رايقة بال وسعيده
جوديني حالي اعناه الظما=هالكٍ يبحث له ايامٍ عديده
والدلو في ظلمة البير ارتمى=وما رجع للظامي بشيٍ يفيده
صبي حلولٍ تبصّر من عمى=وانقذي المهموم من ما سوت ايده
اختلاف الراي في صدري احتمى=دفّة اموري غدت ماهيب سيده
شفت روحي يومي ابحثني كما=فاقد لعينين يقرا له جريده
ابغي ابدى من جديد منظّما=وابغي افتح فيّ صفحاتٍ جديده
شي ايجابي وسط صدري نما=اني ابحث عن خطاي وما اعيده[/poem]
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
القصيدة رقم (58)
دمعي المنتثر
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
بين وُعر الطريق وبين بُعد النظر=لحظة استوقفتني ماتجاهلتها
دمعي اللي كتمته هزّني وانتثر=كيف مدري ولكن ماتوقعتها
جيت باكُفّ هدره لدّني وانهمر=من حرارة دموعي ما تحمّلتها
قلت افا يادموعي كيف تعصي الامر=وكيف يا رمش عيني ما تلاحقتها
قالت انتي بعزمك جابرتني جبر=يوم لاحضت ضعفك ماتمالكتها
من كتم في ضميره صدره بينفجر=كيف اجل في ضميرٍ ماقدر كبتها
قلت يادمع عيني ذي طراة العمر=لوتكون السما مسكانها جبتها
والبن آدم تفَاوَتْ شَدِّتِهْ فالدهر=مرّ ياتيك جلد ومرّ من تحتها
(ماننول النجاح الين نلعق صبر)=والعزوم القوية ينجني نبتها
استمدي من اصغر خلق ربي عبر=كسوة العيد الاضحى جات من نحتها
الارادة ذلولي والعوايق حفر=وان تراخت ذلولي قمت شجعتها
ليت حلمي صغيّر في زمان القهر=كان ريّحت عينك من عنا وقتها
بس ياعين حلمي مع طموحي بحر=مالك الا التِجِلّد لين حقّقتها[/poem]

ــــــــــــــــــــــــــــــــــــــــــــــــــــــــــــــــــــــــــــــــــــ