منتديات الفطاحله - كل يوم والثاني حوادث جديده

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - كل يوم والثاني حوادث جديده (http://www.ftahilah.com/showthread.php?t=172007)

كل يوم والثاني حوادث جديده

[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
كل يوم والثاني حوادث جديده=في مجتمع ماهو على الشر معتاد
لو نبحث الأسباب ماهي عديده= نلقى الحضاره من جلب كل الانكاد
في مجتمع مغلق عصورٍ مديده= فجأه لقى نفسه على روس الاشهاد
بعد الفقر وامراض كانت مبيده= صحه وثرواتٍ اتت دون ميعاد
الله يطول عمر نفط ويزيده = خلا الرخم تنسى مبادي للاجداد
كلٍ يهابد يسبق اللي طريده= لو باع دينه او ضميره والامجاد
ظن الحضاره لا رفع من رصيده = وملك عقارات على غير تعداد
واهمل لبيته ما درى بالبديده = لا من بنات ولا عيالٍ ولا احفاد
والبعض مدفوعٍ برغبه شديده= يبحث عن الممنوع في فعل ما راد
شباب طايش لارقابه سديده = يقضي شبابه بين طارد وطراد
بين استراحه او اماكن بعيده = تلقاه مدفوع الى درب الاوغاد
والأمر عادي ف العقول الشريده= حريّة بوقت التحضر للافراد
(نتٍ) وجوال بعلاقه وطيده= وافلام تعرض مايوده من اجساد
تدفعه يكسر كل عاده حميده = ويعيش لحظاتٍ يظنه بالاسعاد
فهم الحضاره بالخطا والمكيده= مثل ولي امره فلاهوب نشاد
اية حضاره للنفوس البليده= من دون وعيٍ منتجه كل الافساد
وهذي النتيجه يالعقول الرشيده= ضياع حاصل شاملٍ كل الابعاد[/poem]