ده كلام فاضى
 

[frame="7 70"][size=5][font=Arial][color=#8B0000]ده كلام فاضى

واوعوا مره تعلنوه

الحقيقه...؟

لو حد قالها يعدموه

زوار بييجوا لحد بيتوا ويسحبوه

وهنااااااااك...

يلعنوا أساليف أبوه

ويقولو ايـــــــــــه

يقولوا ارهابى وزعيم شيوعى

وعامللى بيـــــــــــه

يالله فى السجن احدفوه

ولو فى يوم

حب يركب الطابور لاجل الرغيف

وبعد ساعه أو ساعات ما لاحشى طيف

يمشى وبطنه كلها سكاكين ونار

ومش مهم لو يموت كل الصغار

أصل البلاد اتغيرت بقت دمار

والعدل فيها اتبدلت سحبه بغبار

هوه ده عدل الكبار .... ده كله عار

الحكمه أصلها عندهم نشعر بجوع

حتى الطفوله عندهم بقالها نوع

أطفال شوارع

وأطفال بيوت

واطفال ......................... نجوع

أصل الحكايه كلها شبع وجوع

ولو حب مره يبقى زى المرتاحين

من المرض أو حتى حبه اسبرين

يلبس نضيف ياكل نضيف يقولوا ده م الملحدين


الكلمه سهله وأصلها من غير جدار

أصل الجدار بيبقى برضه ليه ودان

والنهارده الجار بيلعن أساليف أخوه

شفتوا البنات

زى البنات رجاله عايشه ع الفتات

والدنيا دارت يا زمن وعاشوا البنات

مصباح علاء الدين ده أصله كان زمان

أسطوره عاشها الفقير يحلم عشان

يملك فلوس

أما النفوس

مصباحها ضايع فى الزحام

واذا رحتوا مره وشفتوا بيت أخ وأخوه

حتلاقوا ايــــــه

واحد بيحلم يبقى يوم م المستورين

والتانى حلمه يبقى يوم م الشحاتين

ويمكن يموتو وهم لسه عريانين

وده أيـــــــــــــــــــــه

ده كلام وفاضى واوعوا مره تعلنوه

أصل السطور بقى فيها برضه غربان صقور

عايزين يخلوا كلمتى فى أسوأ شعور

وأقطع لسانى وان كبر أشيله بساطور


والعلم فى بلادنا هنا مستور وكان

العلم عندنا هنا ... شوفوا ده كان

مهرجان كبير يعرضلنا أفلام جنان

فيها اللى غالى اتباع رخيص

أفكار وعرى للنساء وجنس خسيس

ويقولوا ايـــــــــــــه

يقولوا اوسكار للى باعت واللى باع

مش ده جنان

يعنى عشان ما أعيش حياتى فى أمان

أبصم بعشره انى مستعبد لكان

أو أشوف البحر فاضى وأقول ملان

بقى ده كلام


لآ طبعا

ده كلام وفاض واوعوا مره تعلنوه

حتى الفيران بقت معانا عايشه ف أمان

أصل ما حدش بقى فاضى حتى للفيران

تلاميز مدارس ويا الاساتذه بقم صحاب

والواد بيدى مدرسه سيجارة هباب

قال أيه ده بانجوا وكرفه أحلى من الريحان

والبنت لاجل ما تترسم هى كمان

للدرس رايحه لابسه بضى تحفه وجنان

تضاريسها باينه كأنها خريطه لمكان

والاسم ايه ....0000...0000 أستاذ فلان

فاكرين زمان

والعفريت اللى كانوا يخوفوا بيه العيال

اسمه النهارده الديموقراطيه

ديموقراطيه الاستيطان لفكر كان

مانشيت كبييييييير بقى عنوان

والكل أصبح فى يوم جبان

بقى ده كلام

ده كلام وفاضى واوعوا مره تعلنوه

كان زمان المشربيه والحريم بالحجاب

وسلام يعم الجميع ومن غير خطاب

والنهارده راح السلام ومن غير كلام

والسلام والمحبه والادب صبحم بكام

والصمت أصبح سرنا وبقى الغرام

وخوف بياكل لحمنا وهو ه حرام

وده ايــــــــــــــــــــــــه

ده كلام وفاضى واوعوا مره تعلنوه

وأدى اللى كان بيحب أرضه وزرعته

كانت حياته بس لبهايمه وأسرته

أصبح أسير الدش سات

والموبايل والرنات

والموال القديم عااااااااااااااد

عواد باع أرضه ياولاد

شوفوا طوله وعرضه ياولاد

وده كلام وفاضى واوعوا مره تعلنوه

فى الحقيقه النهارده كل شىء أصبح غريب

الكل فجأه بقى طبيب

أو مهندس أو فيلسوف

الكل فاهم كل حاجه

وساعه الصراخ والعويل

الكل يطلع له ديل

يجرى ويهرب ع الجحور

لآ ..دى كلمه فى القاموس

ما بقتشى عايشه فى النفوس

يااااااه ياه عليك يازمن من غير كلام

يالا اربطوا معايا الحزام

واتفرجوا ع الاراجوز بكام

عن زعماء وعن حكام

ولا تقولوا .... و لااقول لكم

ده كلام فاضى واوعوا مره تعلنوه [/color][/font][/size][/frame]

رد: ده كلام فاضى
 

[align=center][color=#FF0000]ده كلام وفاضى واوعوا مره تعلنوه[/color]

[color=#00008B]استاذنا الأخ الفاضل صاحب الفكر النير الشمولي عصام عبد الحميد

وضعت يدك على جروحنا والامنا واهاتنا

طرح المشاكل السياسية والإجتماعية والإقتصادية التي تقضم الأمة جسدته برائعتك

والرؤية للحل تجسدت بتجسيد هذه المشاكل نفسها

سلمت أخي العزيز وسلم طرحك وفكرك الرائع

دمت بخير[/color][/align]

رد: ده كلام و فاضى
 

[QUOTE=راجي الحاج;436394][align=center][color=#FF0000]ده كلام وفاضى واوعوا مره تعلنوه[/color]

[color=#00008B]استاذنا الأخ الفاضل صاحب الفكر النير الشمولي عصام عبد الحميد

وضعت يدك على جروحنا والامنا واهاتنا

طرح المشاكل السياسية والإجتماعية والإقتصادية التي تقضم الأمة جسدته برائعتك

والرؤية للحل تجسدت بتجسيد هذه المشاكل نفسها

سلمت أخي العزيز وسلم طرحك وفكرك الرائع

دمت بخير[/color][/align][/QUOTE]

أ[glint][size=5][font=Arial][color=#8B0000]خى الفاضل والحبيب / الاستاذ راجى الحاج

أننا انما نحيا زمان المغريات

بكل أشكالها وأنواعها

ولهذا كانت كلماتى


أخى الفاضل 0000 ان كلمات الشكر

لن تفيك حقك أخى على كلماتك لى

ويكفينى أنك كنت سريع التلبيه لتلك الكلمات

المتواضعه

فشكرا لك تشريفك لى بالمرور على صفحتى

شكرا لك ودمت بحب[/color][/font][/size][/glint]

رد: ده كلام فاضى
 

حقاً إنها الروعة والمعايشة وتجسيد الواقع الذي يكتوي بها جل إن لم يكن كل ابناء الأمة في مختلف الأقطار .. لك الود

رد: ده كلام فاضى
 

[COLOR="Red"]ده كلام والله مش فاضى ولازم تعلنوه[/COLOR]

الأخ العزيز الأستاذ عصام عبد الحميد

دائما اصبعك على اصل المشكلة

ولا تبخل بالحل

هذا هو كلام الرسالة التي تحمل الخير للصالح العام

دمت ابدا بكل ابداع

وفي رعاية الله وحفظه

مع اطيب تحياتي وكل الاحترام

بكل الود

ابو رائد

رد: ده كلام فاضى
 

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
[size=3][color=#FFFFFF][poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يا حضرة القاضى=
دة كلامة مش فاضى=
دة كلامة متوجة=

شايفة كدة قصادى=
دة كلامة متنشن=
على اسيادنا الكبار=

بيقول وبيكرر=
ودة جد مش هزار=
ماحنا تمام عايشين=
وبذلنا راضيين=
تحت خطوط الفقر=
ما الجنة للمساكين=
وبلادنا مش بلادنا=
واحنا تمام عايشين=
والجنة للفقرا=
واحنا تمام صابرين=
ياحضرة القاضى=
شاعرنا دة خاين=
بالذل مش راضى=
وعاوزنا نداين=
ياحضرة القاضى=
دة كلامة مش فاضى=
دة عامل لنا أرجوز=
وفضحنا وسط الناس=
وف قلبنا بيدوس=
على وتر حساس=
ياحضرة القاضى=
شاعرنا دة فاجر=
كلماتة مسمومة=
ملفوفة بخناجر=
فوقنا من سكرنا=
صحانا على زلنا=
ياحضرة القاضى=
يا حضرة القاضى=[/poem]
اخى عصام
حاولت ارد عليك طلعت قصيدة
صغيرة
عجبتنى
سجلتها بأسم
يا حضرة القاضى
انت السبب فى هذة القصيدة
ايها الشاعرالفز
نقبل تحياتى

رد: ده كلام فاضى
 

[QUOTE=عصام عبد الحميد;436381][frame="7 70"][size=5][font=Arial][color=#8B0000]
حتى الطفوله عندهم بقالها نوع

أطفال شوارع

وأطفال بيوت

واطفال ......................... تجوع

أصل الحكايه كلها شبع وجوع

[/color][/font][/size][/frame][/QUOTE]


[glow=669999][size=6][color=#FFFFFF]عصام عبد الحميد[/color][/size][/glow]

[size=5][color=#008080]دائماً أتجول بين صفحاتك لأنهل من تألقك و إبداعك الراقى
سلمت يداك أخى الحبيب و دام نبضك المتميز

دمت و سلمت و غنمت[/color][/size]

رد: ده كلام فاضى
 

الاخ /عصام عبدالحميد


لا تعليق
شكرا لك

ايمن الزغبى

رد: ده كلام فاضى
 

قل مـا نجد شاعـراً راقياً يكتب بهـذا الإحـساس

بالتوفيق يارب

لحرفك .. اجمل التحايا

رد: ده كلام فاضى
 

رائع و مبدع دائما

دام لنا تألقك

و دمت بإبداعاتك