تركنا الشايب وعياله !!!! وين الناس ؟!!!! مداعبه سريعه!!
 

بحثت عن فطاحلة المحاورة فلم اسمع صوتا .. تجولت في ارجاء المنتدى فوجدته خاليا .. وقبل الخروج خطرت لي هذه الحميدانيه فكتبتها من الكيبورد مباشره ..


[poem=font="Simplified Arabic,6,darkred,bold,normal" bkcolor="transparent" bkimage="" border="none,4," type=1 line=1 align=center use=ex num="0,black"]
تركنا الشايب وعياله= لاوالد ولامولود
الظاهر حاله يرثى له = عزي لك ياخوي العود
طقينا الباب وصحنا له = افتح ياقليل الفود
والله ماجينا في باله = على سريره ممدود
قلنا نسال عن احواله = نخاف الشايب مفقود
ردينا نطلب جواله = بالخدمه ماهو موجود
وسعد عسى السعد فاله = في ليل الجمعه موعود
وابن منشار اشقى حاله = ياطارد والا مطرود
وابو زياد اشغل باله = بالاسهم دايم مصيود
ومنيع الوافي جينا له = قالوا كاشت بالنفود
وابو انس ياعزاله = يجفل من ريح البارود
ومركد الجن لبس نعاله= يركض في درب العنود
والذيب اليوم اشتقنا له = ماشفنا الذيب المقرود
وابو طله من جماله = يعاكس في سوق حمود
وابن عمار ارسلنا له = ماجانا منه مردود
وسناعيس بلش باعماله= دايم يطلب منها زود
الليله حالتنا حاله = مثل الثعلب والعنقود
نروح نشوف الخياله = يرزقنا الرب المعبود[/poem]

[CENTER]تحياتي وتصبحون على خير ,,,,,[/CENTER]

[poem=font="Simplified Arabic,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اهلآ يا مشغل باله=بسعيّد والا مسعود
ماغير بشعره داله=في تالي ليله ملهود
يبيله حس واله =ماغير تنادمه النود
ياناصر ماهي حاله=تبذل وحدك هالمجهود[/poem]

جت سريعه ردآ على سريعتكم
تحياي لعزيزي

[poem=font="Simplified Arabic,6,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
كلن بيغني مواله =مع أم العيون السود
ياناصر مالك وماله=أمرح والعدو مقرود
ليلة جمعه يالخياله=ذبح المشرك منه الفود[/poem]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
وينك ياللي تسأل عني = عودك عنه لا تسائل
عند الكيبورد امتثني = عين وعين عل الفطاحل
جالس وحدي كني جني= مشغول ولابدي شاغل
وانتم يالنشاما مني = ومثلي مشيه في تثاقل[/poem]

وهذه كيبوردية على عجاله وبدون مراجعة وتنقيح
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ناصر عقب كفّى دلاله=وعيونه غشاها النود
هوجس في المرقد طرا له=في المرقد نار وبارود
من خوفه ترتعد أفصاله=كنه في الكهرب مشدود
خايف من سطو ام عياله=او خايف كثر المجهود
فكر دبر وش جرا له=قال السهر لي محمود
ذياب الفطاحل خياله=وهم اعرف باللي مقصود
أحارشهم بالعماله=وادري ما منهم منقود
ياناصر مثلك عزّا له=وا عزّا لك يالمقرود
لو توزى بالعرزا له=مصيود(ن) لازم مصيود
والواجب لازم تشقى له=الواجب فرض(ن) موكود
لو شدّ الغتره بعقاله=وشخّص بالوان الورود
لازم تفقع به حبّاله=ويطيح بجرم(ن) مشهود[/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ناصر غنى في مواله=هات البيانو والعود
هذا فنان العماله= البنقالي وبوهنود
الاول دور انعاله=والثاني مامنه فود
خويك عثمان الحاله=لاكن نايم بوعبود
توسد كفه بشماله=وراح بحلم ماله حدود
يبقى يحقق اماله=في طيف الليل المقرود
هذي قدامه بقاله=وهذا طريق مسدود
وهذا سوداني وجماله=يسرح في ذاك النفود
وهذي الاسهم ياهيه حاله=مؤشرها في صعود
وهذا عبري وقف شاله=سايق تكسي مومحسود
وهذا فطحل من خباله= هيجن وياه بركود
قم ياشايب ماهي حاله=نومك هذا كله زود[/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يالي بدع في مرساله= هيجن وكتافه مشدود
زعلانٍ من ام عياله= نامت وهمومه في زود
جاء يشكي للعالم حاله = والباب اظنه مردود
طب وزادوه الجماله = قالو اطلب ربٍ معبود
مايسمع غير الطباله= والفرحه بزواج عهود
فكر ثم ان جاء بجداله= ناوي الشايب بالصاهود
ماحصل غير الخياله= واعطته الساخن بالجود
مافاده قرشه ورياله= متعلق قلبه مقدود
بدع في تشخيص اماله= النازل منها وصعود
قال انصاء الناس الفتاله= للشور الصايب والفود
فزو للفزعه كرما له = بذلوا له كل المجهود
جيت اشاركهم بعجاله = عجل بالله ياكي بورد[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ناصر يشكي من غرباله = شايفني ارزح مقصود
حذرني ما اقعد قباله = ما يبي هرج في النود
ونا اسولف لا جداله = جودي هذا من الموجود
اببعد عن درب الخياله = الظاهر هرجي منقود[/poem]

[poem=font="Simplified Arabic,6,green,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يادكتور اقرا الرساله = عين الحسود فيها عود
الليله سوق الجمـــّــاله = فيه بروق وفيه رعود
جت للجماز الاقاله = من سوق الاسهم مطرود
الله جاب البرتقاله = صدر قرار ابن سعود
بشر عثمان وامثاله = سكان الدخل المحدود
جب للدراهم شياله = بكره واليوم الموعود
ياربي بارك حلاله = يستاهل دكتور الجود
بابه مفتوح لمن جاله = لعله دايم في زود[/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

صاير تدرج كالمحاله = كنك فاهم بالمقصود
ماكو فرق في الرجاله = هذا سعيّد وذا سعود
لا تقرب يم الحباله = في الفخ اكبر من قعود
ربك يجيب العداله = وللظالم يوم موعود
كل يشكي من غرباله = في منفوحه وإلا العود
شاري العله من حلاله = وش لك في سهم مقرود
تزرع فجل في الحياله= وإلا تربي لك قعود
وخل الاسهم للدجاله = واضح ما وراهم فود
واحد يرقص في خلخاله=وآخر يسمع عزف عود
جحرٍ تبين خماله= مالك ترصد فيه نقود
عنزٍ ما تشمل بشماله = يرضعها قطو مطرود
روح لْشرق او شماله= تضمن رزقك يالمجحود[/poem]