سيوف وخناجر
 

.

[CENTER][SIZE="4"]الكرام اعضاء منتدى الفطاحله

تلبيةٍ لدعوة الكريم عثمان العبدالله

اتشرف بمشاركتكم ومصافحتكم بهذا النص المتواضع آملاً ان ينال على استحسانكم[/SIZE][/CENTER]





[poem=font="Simplified Arabic,6,black,bold,normal" bkcolor="transparent" bkimage="" border="inset,3,gray" type=2 line=0 align=center use=ex num="0,black"]

قاسي .. عديم احساس .. جبّار .. فرعون=ظالم .. وكيل همـوم .. للحـزن تاجـر
ابكيفكـم سمـونـي الـلـي تسـمـون=دام العتـب لقلـوب الاحـبـاب بـاجـر
الجـادل اللـي عـن ثمانيـن مـزيـون=الفـارقـه عــن لابـسـات البنـاجـر
سألتهـا ماكـان لـي قصـد وضـنـون=وماكـان لـي نيـة زعـل او تشـاجـر
ناقشتهـا بأسلـوب هـادي ومــوزون=ماكنـت معهـا فـض .. وماكنـت زاجـر
عاتبتها وليـت العتـب بـات مسجـون=يالـيـت ابــد ماطلعـتـه الحنـاجـر
عاتبتهـا وتنـهـدت واظـلـم الـكـون=تنهيـدةٍ معهـا انـا ارحــل واهـاجـر
تـأوهـت والاآآآآه زادتـبـي طـعـون=الآآآآآه مـن فمهـا سيـوف وخنـاجـر
تزفـرت .. تكـدرت .. فاضـت عيـون=وضاقت على الدمـع الحزيـن المحاجـر
اثر العتب في سطوتـه حييييـل مجنـون=ماكنـت احسـب انـه لهالحـد فـاجـر
حسبـي عليـه الله .. طاغـي وملعـون=جرحه عمييـق وبيـن الاضـلاع ساجـر
وشلون مايرحـم نـدى الـورد وشلـون=والورد روووز .. ويرتـوي نبـع خاجـر
ماعـاد باقـي عـذر يالـلـي تـنـادون=ياويـن ابلقـا عـذر والـوقـت داجــر
مجرم .. بدون شعور .. معتوه .. صهيون=فضٍ .. غليظ القلب .. طاغوت .. عاجـر
تـدرون نادونـي بـأي اسـم تبـغـون=اصـلاً تسـاوت فـي عيـون المهاجـر [/poem]




[CENTER][SIZE="4"]
* * * *

. باجر= طاعن .. مأخوذه من البجر اي الطعن
. ساجر= باللغه تعني ساكن
. خاجر= النبع العذب في سفوح الجبال
. داجر= شديد الظلمه
. عاجر= من عجر الشيء اي عوجه .. وباللغه تطلق على الشخص العنيد المخالف دائماً[/SIZE]






[SIZE="4"]تقبلوا فائق التقدير والاحترام [/SIZE][/CENTER]

وهنــــــــا رائعه

غير بمفردات اجمل واجدد

هنـــا يكون الشاعر .. الحقيقي

المتجدد بكل شي ..

أخي تركي السبيعي ..

قمة هذه الرائعه

صح كلك

هلا ومرحبا بالغالي والشاعر الفذ
مصافحة ولا اروع حيث الجمال وقوة السبك والتلاعب بالمفردات
والجمال المتجدد من شاعر كبير طالما استمتعنا بدرره الرائعه
صح لسانك مليار ولا هان راسك يالغالي
اعجابي وتقديري
مع أطيب تحياتي

تركي السبيعي


صح لسانك
تحضر بالاجمل وهنا البرهان

دمت ولا هنت


أخوك

اثر العتب في سطوتـه حييييـل مجنـون
.............................................1ماكنـت احسـب انـه لهالحـد فـاجـر

الشاعر تركي السبيعي........................
مرحبا بك هنا وفي همس القوافي لتطرز القافية وتوشيها بخيوط الإبداع
قوية جزله مزلزله تمتع وتطرب وتشد القارئ وقد حسنتها أكثر بإيضاح مااستعجم من مفرداتها ولو كان سياق القصيده ينبئ عنها ولكن الإيضاح عزز ذلك وأثرى اللغه
لك تحيتي وصادق ترحيبي

هلا والله بالشاعر تركي السبيعي

مصافحة ولا أروع

صح لساااااااااااااانك مليوووون ولا يكفون

الشاعر تركي
قصيده تحفه
يحفظك ربي

لاعدمتك

الجزل

تركي السبيعي

حياك

وصح السانك وسلم بنانك

تحياتي واحترامي لك

مجرم .. بدون شعور .. معتوه .. صهيون
فضٍ .. غليظ القلب .. طاغوت .. عاجـر
تـدرون نادونـي بـأي اسـم تبـغـون
اصـلاً تسـاوت فـي عيـون المهاجـر



هنا للشعر مذاق اخر

هنا الشعر كما احبه ان يكون

لله درك من شاعر

ابدعت

صح لسانك مليون

تركي السبيعي

يامرحبا والفين هلا فيك

قصيده بقلم مبدع صح لسانك

وسلمت أناملك ودام هذا العطاء