منتديات الفطاحله - قـم يــامـسَلــم شـب ضــو المـحاطـيب

لــــلتـــــــــــــــــواصـــــــــــــل

[poem=font=",6,,bold,normal" bkcolor="transparent" bkimage="http://www.fatahilah.com/mwaextraedit2/backgrounds/5.gif" border="none,4," type=0 line=0 align=center use=ex num="0,black""]
قم يامسلَمَ شب ضو المحاطيـب=ووقد حطبها لين أشوف شعمانه
وإن ولعت ياتي لهبها شلاهيـب=تشدي خفوقاً يلتهـب بضلعانـه
سمراً يسامر علتـاً بالمحاديـب=ضواً شرح صدر الذي في وزانـه
إحمس لها بناً يماني لنـا جيـب=وأحرص عليه من النيا وحرقانه
ودقه بنجراً فيه من عوية الذيـب=ويهيض المشتاق صوت صدحانه
وبدلال ممليه فمي السحاحيـب=خله على سمر ويطيب فوحانه
ثم زلها بـدلال تشـدي رعابيـب=مبهرات بهيله وزعفرانـه
إحرص عليه وخل شغلك بترتيب=حتى لاجا فنجال سـد ضرمانـه
نبغاه فنجالاً علـى كيـف شريـب=حيثك عزيـزاً بالخفـا والبيانـه
فنجال للمهموم كيـف وتطابيـب=يبريلي جرحاً فالضميـر نزفانـه
وسهيل بان مع النجوم المناصيب=وتشوف مابين النجوم لمعانه
والوسم باقيله ليـالاً حواسيـب=والقيض زل وراح وقتـه ووانـه
يالله يامجري سحابـاً كواعيـب=تسوقه بعطفـك لنـا وأمتنانـه
سحب متراكم من سماه بتكابيب=يسوقه الغربي لحد حدرانه
تسقي الفجوج المدهره والمجاديب=حتى نشوف البيد خضراً جنانـه
ويستبشروا بدواً لسحبه مجاذيب=أهل الشرف وأهل النقا والأمانـه
تفرح ليا شافت ضيوفاً مقاطيـب=ودخيلهم يطيـر عنـه رجفانه
يمشون في شف لطوال الغواريـب=لحدود مصلاحـاً كثيـر فقدانـه
ساقوا ضعاينهم مع شمخ النيـب=شفـقه علـى وسم الحيا وطربانـه
يعشب ثراهم بالزهور المراطيـب=وتلقى الزبيدي طالعاً من مكانـه
وقلبي إللي فاقداً معهم ذهيـب=أقفت علومه مع طرايـف زمانـه
إللي عليه يسرب الشوف تسريب=وأخايله مابيـن عانـه وعانـه
لاشفت زوله قمت أزف التراحيب=من لهفة المشتاق من عنفوانـه
يامرحبا عد الدمـوع المساكيـب=وعداد مانجماً بـالأرض هويانـه
وعداد ماهلت مزونـأ مصابيـب=وعداد ماترعـد ولاح برقانـه
وعداد مافيض من الوادي شعيب=وعداد ماطيراً سجـع بسجعانـه
يافيـه وفطاريـه وألا المنـاديـب=إللي يحفظـون الغـلا والأمانـه
شوفه يزيل الهم ويـالمتاعيـب=هو راحتي هو الخفـوق وكيانـه
ياعين منهو هاويـاً بالمخاليـب=ياجامعاً بيـن القسـا والليانـه
وإن لاحظ بطرفه لاودي ولاجيب=وموتي دنا من نظرته وغضيانـه
وخده كما الورده وعوده تقاليـب=ونهـده كما تفاح زان قطفانـه
وجديل لونه مثل لون الغياهيـب=والخشم سلة سيف رهفاً سنانـه
وأنسامه العطره لي أطيب من الطيب=والعنق عنق الظبي لي بلفتانه
وكفوف بالحنا نقوشاً مخاضيب=مع مبسماً ياقوت صفة ثمانه
والصوت له عندي أنغام وتطاريب=وأجاوبـه ياعيـن ياليـل دانـه
هو قايداً لخشوف ريماً غراشيب=أمـا بعينـه أوبشـارة بنانـه
الحب يعطى لواحداً مثلـه أديـب=إللي بشرواهـم جميـل وتكانـه
أنا بدونه واحداً مالـه صحيـب=يتيم شاف الكـره ذاق الخيانـه
ومتهم بقتلة واحداً منـه قريـب=وكلاً يبا فرقاه خـوف شبهانـه
بري مسلم أمره لعالـم الغيـب=لينه صدر حكم القصاص وبيانـه
وألا دخيلاً قبل فـك المناشيـب=زابن على شيخاً يفـك الرهانـه
ثم صوبوه ومات عند المعازيـب=والشيخ فز وقال أنا أخـو فلانـه
نذراً علي أرد ثاره عـن العيـب=وألا تـرا عـاراً وذل وهـوانـه
في مدرسة بعده خرجنا رواسيـب=فوق امتحانـه لايزيـد امتحانـه
رما ولا أخطى في عيوناً مصاويـب=يالين لحقته سنانه عنانـه
ياحيرتـه يادنيتـه والتشاجيـب=لا لا تخلي كل شخصـاً وشانـه
أطلب عساها ماتـرد المطاليـب=يامنوته يافرحته مع حنانه
لوشابت القيفان فيهم فلا تشيـب=على البحور الزرق دوم سبحانـه
عمنا وغصنا كم بحوراً وأغابيب=ونجيبلـه دانـه ودانـه ودانه
الحب عذب قبلنا عكف أشانيـب=بسطوتـه وبحدتـه ولطفـانـه
صافي صفى وألا صفتله مشاريب=وألاصفى من عشره ألا ثمانـه
عذابي ان عديت عـال المراقيـب=تال العصر والصدر فيه زفرانـه
أقنب كما ذيباً قنـب بالمقانيـب=لجت ضلوعه يوم جـر عويانـه
حتى سمعه إللي بشرقاً وتغريـب=من حر مابه والذي فـي زمانـه
ويامل قلباً له جروحـاً معاطيـب=يصبح ويمسي حسرتاً ونتهانـه
ويكفخ كما حراً جويد المقاضيـب=وينساقله سوق الدلي بوردانـه
ويسلب أفكاري زين صوت الأساليب=إللي لهم في ماقـع الفـن خانـه
وعلى الفراق تهب ليه لواهيب=حتى ربيع القلـب تـم صرمـاه
ويعقب فراقـه عليـه عواقيـب=شين تشوفه وشي صعب نظرانه
واهمي إللي ساكنـاً بالمحاديـب=ولوهو ينشاف الهم لا قول عانه
لاكن همي واضحـاً بالمكاتيـب=ويحسبه منهو ضـوى شمعدانـه
لايشك في حبه ولا يدخله ريـب=بنيتله صرحاً وصعـب وقعانـه
مالي على غيره ملام ومعاتيـب=ومالي على غيره حقوق وميانـه
ومالي بدونه عشق وألا محابيب=ومالي بدونه سلوتـاً ومزحانـه
تلعبي الأفكار ليه حواريـب=إللي ملاعبهـا لكاعـه شطانـه
وألا ترا ماني قريـب محاضيـب=أنا الـذي دايـم وسيعـاَ بطانـه
ربعي هل الطولات كسابة الطيب=ريف الضعيف إللي قليلاً عوانـه
ماهمهم بالمعركه صقـراً وذيـب=وأذوادهم ترعى بكـل ديدحانـه
يحمونها بقحص المهار المهاذيب=ودخيلهم مـاشاف هزم ومهانـه
بني عطا أهل الكرم وأهل الطيب=والعز واهل المجد واهل المكانه
الحب وقعه مثل وقع المضاريـب=وألطف من أنسام الهوى وطرقانه
شوقي عليه جذور طلعه مخاصيب= زراع بي يشمومـه وقحويانـه
شاعره عرب مابداخلـه تعريـب=وصحت أبدانه وصحح الله لسانه [/poem]

وسلامتكم