عودت للكشكول من عقب غيبه=شفته دليل الحزن من ذكرياتي
مرحوم ياعودن مع الناس طيبه=تروى القصص في كل مجلس ثباتي
انا اشهد ان الحزن رز النصيبه = لامن طرى ذكره كرهت المباتي
راعي الكرم بالروح والا بجيبه = من رافقه يذكر جميل الصفاتي
شاعر وينجز للمهمات صيبه =ياقف وبالحكمه يدير الدهاتي
بالطيب ياخذها ولو بالغصيبه = حاجته مقضيه ليا جا الثقاتي
وجدي عليه ووجد روحي العطيبه=طب يادليل الحزن في ذكرياتي