اقتباس:
المشاركة الأصلية كتبت بواسطة ابو أنس
يامرحبا بالقاف قول الرجاجيل=تحيت ن لا مانفدّر ثمنها
حلو المعاني كا الفواكه تماثيل=لذيذ يطرب للمسامع شجنها
والنفس تطرب لاطيب القول والقيل=طريف والا من بعيدن زمنها
الى حكوه الناس هرج او مواويل=والزبده المقصود ما في بطنها
تحمل لنا الحكمه ونور القناديل=شعاعها في النفس يطلق رسنها
واشعارنا ما غير نظم وتماثيل=تجارب ن من قبلنا من وزنها
وموفق ن من هو يقيس المكاييل=ولا يصيح بهرجت ن ما ضمنها
يحفظ لسانه من خطا اللفظ والميل=والهرج ملكك دمت ماسك شطنها
وختامها ارسل تحاياي بالحيل=لك ياعمر واللابه ال انت منها
عذرا عن أي خلل واو نقص لازم الحصول
حيث انها جاءت ساعة انشغال وعدم تفرغ
وقد خجلت من تركها دون رد
فجاء هذا الرد الكيبوردي
|
حشاك من القصور يا راعي الاصايل
كفيت ووفيت وزود الطيب ابياتك
ولك الرد
تالي زمنها
كفي وكفك بالتحايا مواصيل = يا مبدع ٍ للقاف صفق ٍ رطنها
فانت العزيز اللي يجوب الرواحيل =من ديرة الاجواد كيفك طحنها
تمشي مع الطولات ما بك مباطيل =يومن تعز ارجال تلفي حصنها
وسط الخلايق نجم علم الفناجيل = يا صاحبي ونبوع هرجك سمنها
آبنشدك عن بنت لمت محاصيل = مكشوفة ٍللناس بعضن سكنها
متبوعها البرهان نهرن تشاكيل = من كل ثمر انواع للي يحنها
وقبالها معلوم قل المنازيل = سبة بياض الوجه خمسن عدِنها
مطمع لنا بالحيل بين العساقيل = دعوة مشيب الراس تالي زمنها
وختامها الميسور صب الفناجيل= لا فاحَتِ ابْها الهيل شم ٍ حسنها
لجلك رفيق السعد قول المهاليل = يا مرحبا وترحاب حورن ظونها