[الطائر المهاجر]

حي الديار بعيدها عيد الأمجــاد= عيد الوفاء للفارس اللي بناهــا
أرسى قواعدها على دين الاجـداد= دستورها القرآن يرسم خطاها
من بعد ما كان التسلط والاحقـاد= ساد الأمان بعدله اللي حماها
الشعب واحد لا عبيد ولا أسيــاد= اخوان تجمعهم محبة رضاها
في عز أبو تركي جماعات وافراد= الكل منعم بالهناء من رخاها
عهد عظيم كان بالأمس ميــلاد= لدولة فتية بالعزيمة بداهـــا
واليوم دار السعد في كل الابعـاد= دولة عظيمة واصله مبتغاها
تاريخ حافل بالعطا يوم ما حــاد= فارس بعد فارس تحمّل عناهـا
دار بها الأبطال فرسان قـــواد= الكل لأجل الدار نفسه نساهـــا
والكل رواد على روس الاشهـاد= كل بدربه مسهم في عطاهـــا
دولة عظيمة تجبر العز ينقـــاد= في عهد أبو متعب مذلل عداهـا
عهد الرخى،عهد الأمن ، كله أعياد= عهد به الأمجاد تمشي وراهـا
عهد الحضارة والصناعة لها اوتاد= عهـد الفكر والعلم غذا دماهــا
عهد التصدي والتحدي للاضــداد= من حاقد بالشر قلبه نواهـــا
من حقنا نفرح ونطرب بالانشـاد= ونسمع جميع الكون حنا فداها