في يوم الوطن ذكرى عزيزه للنفوس = ذكرى سيرة الباني الملك عبد العزيز
ذكرى خالده بين البشر فيها دروس= جعله من هل الجنه وفي مقعد عزيز
حكّم شرع رب البيت ماهي بالطقوس = وانجز درة التاريخ في وقتٍ وجيز
من عشقه لها جت لابسه حلة عروس = واختالت بتاج الدين رغم اهل النشيز
وحد شملنا والخلق في حربٍ ضروس = بالحكمه وللاسلام في قلبه اريز
ثبت ركن ملكه بالوفاء ماهي هجوس = يوم الغير قابع تحت سطو وله فزيز
فكره جاوز اهل الشرق وامريكا وروس= اطهر ارض فيها البيت والحد الحريز
الله يرحمه حاز الشرف تحت التروس = رغم الفقر يغدق للكرم كفه نجيز
من عدله ودينه طاعته كل الرؤوس= بيبان الكرم للشعب مفتوحه وميز
مات وخلف افذاذ العرب مثل الشموس = في دربه وتخطيطه مشوا رغم الهزيز
الله يرحم الي مات والحي امحروس = من رب السماء والعدل منهم مايميز
واليوم الملك عبدالله بالروح امغروس = حبه في قلوب الشعب دايم مايحيز
وولي العهد سلطان ياطيب الغروس = جوده ينجد المحتاج من مثله يجيز؟
والاسره وشعب المملكه بالحب قوس= الوانه تسر العين فاق الانقليز