السلام عليكم ورحمة الله وبركاته
مساكم / صبحكم الله بالخير
هذي قصيّده متواضعه اتمنى ان تحوز على اعجابكم ورضاكم
والمعذره على القصور
,
,
,
,
لا تبدي (ا)علوم الجماعه للاجناب=ياخابرٍ بعض العلوم الدقاقه
خلك فطين و(ا)متزن بين الاغراب=بين الحيايا ماتسر الحماقه
بعض الحتسي مافيه خيرٍ ولو طاب=والصمت زين وبه تدوم العلاقه
واحذر ولاتغتر من ملمس الداب=مالك على توجيع الانياب طاقه
كم من سفيهٍ سبب (ا)حروب وانشاب=من هرجةٍ مثل الزباد .. بطفاقه
وكم من حكيمٍ جمع (ا)شتات واحزاب=من هرجةٍ مثل الهبيد .. بلباقه
مضمون قولي تجهله , مار الالباب=يدرون وش مغزاي من دون عاقه
خلك عن (ا)وجيه السماسر ورى الباب=واللي يلاقي بأبيض العلم لاقه
جهاد بن عبدالعزيز الشعلان