في البداية أحب أشكركم على جهودكم المشكورة__
وأقول أني سعيد بتواجدي تلميذا في مدرسة الفطاحلة ،
ثانيا : أرغب تكرما منكم تقييم هذه المحاولة:
الله من ليلن سلب مني النوم= شايل على راسي همومن كثيرة
كم واحدن ياكل ويرقد ولايقوم = صلى صلاة الصبح وقت الظهيرة
لايعرف المسجد ولا يعرف الصوم = وتلقى ذنوبه بالصحايف كبيرة
دمرحياته بين دخان وسموم= وصارت حياة أمه بعدها فحيرة
يلعب عليه ابليس يومن بعد يوم = ذيبن لقاله تيس وسط الحظيرة
وآخر لباسه يجلب العار والشوم=قلد خواته ثور من دون غيرة
يلهث ورا الموضة ولو هي من الروم=جامع صفات الغرب أعمى بصيرة
هذازمن ياناس خلا الصقر بوم=خلاكبير القوم يعدل فطيره
من كان يخدم صار بالمال مخدوم=دنين بها المعدوم يعلن مصيره
حتى الفساد اليوم ماعاد مكتوم=صار الخنا موجود في كل ديرة
لكن لاتحزن ترى الدين معلوم=ماينفع المكسورغير الجبيرة
اسلك طريق اللي من الذنب معصوم =محمد اللي سيرته خير سيره