القـلـب لــه لاحـــل طـاريــه فـــزات
فــزة غـريـق(ن) طـامـعٍ بـالأجـاويـد
ولامـر طيفـه جـادت العيـن عـبـرات
تذرف عيونـي صافـي الدمـع وتزيـد
علـى الوسـاده تاخـذ العـيـن غـفـوات
نومـي يجـدد ماضـي الحـزن تجـديـد
ولياسـألـونـي هـــو بالـقـلـب عـــلات
قلـت السبـب فقـدي لشيـخ الصنـاديـد
ياليـتـهـا فـرقــا بـطــول الـمـسـافـات
بــس البـلـى فـرقـا تــراب وملاحـيـد
غـاب الولـي عنـي وذقـت التعاسـات
ماتت فروحي كلها مع ضحـى العيـد
أسهر لحالـي وامسـح الدمـع بسكـات
واســج وأســأل عـنـه داري بتـرديـد
من زود شوقي ضمة الثوب حسرات
ومـع ضمتـي للثـوب تشعـل مواقـيـد
يالله يـاعــالــم جـمــيــع الـخـفــيــات
تـرحـم ابــوي وتسكـنـه داره سـعـيـد
ويالله تجعـل ضيـقـة القـبـر فـرجـات
وتغفـر ذنوبـه يـا صـدوق المواعـيـد
صح لسانك اختي الشاعره شوق
قصيدة هيضت مشاعر ي ففقد الاب
نور البيت يهز الوجدان والاحساس
رحم الله والدي ووالدك وجميع موتي المسلمين
ولاهنتي غاليتي
سلمت وسلم شعرك
دمت بخير