انا في خاطري شي(ن) أجيب العلم واصيبه =أذا بانت نجــوم الليل ماتكفـينــي المدّه
أصوغ الحرف بأسبابه واكتب من تجاريبه=خفوقي مشتعل دايم على متن الهوى هدّه
اذا يرضى على قلبي يزيد اليوم تعذبيه=وانا خلته بقيفاني وهام القلب في قدّه
أبيه الحين ياخذني وانا اطوي مشاريبه =مثل ماكان ياسرني بنظرة عينه ولدّه
امانه وانت في قلبي سواة اللي يماريبه =حسافه ماتت طيوفك على قلبي ومنصدّه
عليه الله وامان الله انا فرضي أصليبه=على ماكنت انا اخفيها فضحني الشوق ماسدّه
تعالي واحضني روحي وانا باخذ اساليبه=يكفّي بالهوى طلّه تواسيني من الشّده
أنا في اقعي ميت ولو عشته وانا ادريبه=ترى الاشواق ماتبطي لوغابت لها ردّه
وش اللي يمنعه عنّي وانا حزني تسابيبه=اعانق بالهوى روحه واقاسمها على ودّه
ابعطي من نسى حزني سنين ايام وامضيبه=واصافح راحة كفوفه اذا لامستها يدّه
يثير الفكر من شانه على ماكان يوصيبه=يهيم الشوق باركانه ويتبّخر على ندّه
ترى للحين مجنونه ولو راسى كسى شيبه=تبي تكشف انا اوراقي من الصوبين مسودّه
صحيح ان الجفا قاسي على قلبي ويصليبه =رعوش اوتار في عروقي اعانقها على خدّه
ترى ابكي على حبه ولو طالت لي الغيبه =اعد الوقت مايرحم وانا راضي على عدّه
شعر
ماجد الراشد الهيري