[نجد الضاوي]

( مـدخــل )


على ذيك الحروف اللي
تخليني أسوق البوح ..
شهق حرفي
وبدا جرحي
يزيد آهات منصابة ..

بديت أشكي مصاب اللي
حنين الشوق في ذاته ..
بديت أصرخ من الالآم في جوفي
بدى فينا الغدر في عيد وجانا عيد
وجرح ً في الفؤاد يزيد
وصار العيد متشابه ..

الم يرسم خطوط الصمت في صدري
وصرت أخشاه وآهابه ..
خيانه هالعشق مره
وعوقي هو من أمراره ..

فـاض الحـزن وأستاثـره فينـي محبـوس= اسـتـاحـش لـوحــده بـــلا ربــــع جــــلاّس
جــرح ً تـربـىّ داخــل القـلـب مـدسـوس= اتعـبـه صمـتـه والشـقـا وكـثـر الآجـــاس
أحس به سهم ٍ وفـي القلـب مغـروس= جــرح الـهـوى والـهـم سـاكـن بـالأنـفـاس
ادركت جرحي من عنا الوقـت محبـوس= وإلـيــا نـويــت استـاصـلـه عـــاد غــــرّاس
الغـدر مـن غالـي تهقـى يشبـه المـوس= لامـن قطـع عــرق الـمـودة والإحـسـاس
عـمـر الخـيـانـة مـالـهـا عـــذر مـلـمـوس= مصـعـب لظـاهـا حــزّة الـحــزن والـيــاس
جيت أحسبه مثلي من الحب محسوس= وإنـي الوحيـد اللـي سـكـن بــدّ هالـنـاس
وإن الـغــلا ضـيّــه مـثــل طـلّــه شـمــوس= فــي القـلـب كـنـي معتـلـي بـــرج نـبــراس
هـذا الغـلا يكسـب مـن الطيـب نـامـوس= صـيـتــه وقــربــه كـلـهــا تــرفـــع الـــــراس
بيـن الحنايـا وبـيـن الأعـمـاق مغـمـوس= والـحـب لــه فــي داخـلـي دون مـقـيـاس
لكـن هـوى روحـي مـن الحـب منحـوس= أزريـــت الـــوّن حــظــي بــقــول لابــــاس
تعـبـت أزيّــن غلـطـتـه بـقــول هـاجــوس= أحـيـان غلـطـات البـشـر مـالـهـا ســـاس
مــدري عــلام الـوقـت والـدهـر معـكـوس= وإلا جـمـيــل الـسـالـفـة بــيـــن الأقـــــواس
صعب الزمـن ياتـي علـى رميـه القـوس= مـاكــل صـيــده تـشـبـه لـرمــح جــسّــاس
طـبـع الخيـانـة ديــدن ضـعـاف لـنـفـوس= والغـدر شيمـة يتـصـف فيـهـا الأنـجـاس
لا تامـن الـلـي مـاخـذ الـصـدق ملـبـوس= صـدفـه تشـوفـه معتـلـي ركــن الادنــاس
عبرة وعضة من دنيتـك تكسـب دروس= خـذهـا حصـانـة والـغـدر سـهـم يـنــداس
عاشـرت نـاسٍ طبعهـا يشيّـب الـرووس= والبعض طبعه هو سلاسل من الماس

( مخــرج )


أحتريتك في تراسيم المداين
وأنتظرتك حلم يغفى بين إيديني ..
أحتريتك لجل أسمع إعتذارك
وإلا قلبك ليه ينساني ويخون ..

علموني لي متى هذا السكون
علموني ليه تملاني الظنون
وش أكون ومن أكون ..

( لا بغيتم ترحلون )
تودعون أجمل بقايا تعيش فيني ..
تسرقون أحلام عمري في ثنايا هالرحيل
ياتصاريف القدر
حلمي عيّا ينتظر ..

يامواعيد الحكايات القديمة
يامسافة كل خطاوينا الأليمة
أتعبتني هالخيانة
وأتعب القلب إعتذارك ..