[ضاامية الود]

المشاركة الأصلية كتبت بواسطة المشرف العام

كل ما قلت نزف الجرح ياناس طاب = فاجـأني جـروحٍ كل يومٍ تزيد
طال ليـل المعنّى في صراع وعذاب = والفجر ما تبيّن من قريب وبعيد
قاصر اليد لو شوفي يشق الضباب = ويش اسوي بوقتٍ في خصامي عنيد
ما يبي الحر الاشقر يعتلي للسحاب = ما يبي غير حصني ماكرٍ بالمكيد
من يقول الحقيقه خاسرٍ بالحساب = ومن ينافق وصل لو كان شخصٍ بليد
الله اللي خلقني حر ماني غراب = فليش ارضى بذل النفس مثل العبيد
من بغى الحق يتعب دون حني الرقاب= ولو شكى مالقى له من مجيب وسنيد
حكمة الناس : خلك ذيب قبل الذياب= تاكلك دون ترحم يومها لك تصيد
وين دينٍ حمانا ووين شرع وكتاب= اختفت في الحقيقه مالها من عضيد
غير ستر ومظاهر للبعض او حجاب= من وراه البلاوي بين كاس وغيد
يا زمان المواجع من وثق فيك خاب = كالبحر دوم غادر والحذر ما يفيد
شامت النفس مالي معك غير العتاب= فاظهر اللي تغبى وافعل اللي تريد

اخوي المشرف عام

الله يعالج كل قلب مجروح

صح لسانك وفكرك على البداع الراقي


ويعجز القلم مايكتب لك من شكر لحروفك الجزله


تحياتي وتقديري لك