يامن تشّك ان الليالي بهن ميل= اعطيك عن ميل الليالي دلايل
صارت مرابط خيل من غير اهل خيل=واضحت صقاقير الحرار الهبايل
استاسد ابن الكلب واستامر الذيل=وتمضحلت بالجور روس الحمايل
وراع النوايا البيض طيوب وخبيل = ياصار صادق قيل مامن صمايل
تمشيخو بالمال شبه الرجاجيل = وتلعّوزو بالفقرنقوة قبايل
(يالله تعدلها عن الحيف والميل)=ولاتذل اهل الفخر والنفايل
هذا الوكاد ولايبي له تفاصيل=ويبقى الظلال اسود وبارد ومايل
مابين الاقواس من قصيدة / خضير الصعيليك