ياللي تعذيب الأحبه من فنونك =في سكوتك سرْ إنتي تكتمينه
فيك بحّة صوت بيّنها شجونك =في عيونك شعر ودّي تكتبينه
حتى لون الورد شبّهته بلونك = أطلبي يابنت ويش اللي تبينه
آمريني بس لو حتى بجفونك =روحي ترخص لك ولو كانت ثمينه
إن بكيتي صرت أنا دمعة عيونك =أنتثر من فوق وجناتٍ حزينه
وإن شكيتي صرت أنا والموت دونك= لو فديت العمر لك تستاهلينه
هي حلاة الحب كله في جنونك =أو جنون الحب إنتي تملكينه
أنا نجمٍ ساهرٍ يسبح في كونك =وين قلبي منك ياللي توعدينه
أوعدك يابنت ماوالله أخونك=مثل ما موج البحر خان السفينه
يشهد الله إني ما أحيا بدونك =ذا شعوري لك وليتك تفهمينه