ياللي عشان اسمك تثور المشاعر=ليتك تحسي باللذي فيك مبهور
اللي على وصلك كما الذيب داعر=مادام طيب الوصل ماهوب محضور
حسبك ملكتي بالهوى قلب شاعر =معذور لو صرحت باالحب معذور
قلت القوافي واعرف الدرب واعر=مادام راقت لك لمع فوقها النور
جروح ليل وجمر بالروح ساعر=من هجر حب وديرته صابها البور
خوفي على وصلك تقوم النواعر=والا يثور الكيد في ساحة الحور
قالو ذكيه عندها حس شاعر =وعندها عينين تسحرك بالفور
قلت الذكاء استشعار والا شواعر=قالو الهوى راعيه ماهو بمسرور
قلت اتركو قلبي من الشوق ذاعر=ماعاد به صبر وضنى حاله الجور
ويل الوجيه اللي تمر وصواعر=وويل الخفوق ان كان ماكمل الدور