يازمانـي يازمـان الـويـل ضـاعـت حاجـتـي
كنك ضغطت الصـدر بهمومـك وضـاق بمنسمـه
آنـا دخيلـك يازمـن ماأظـن تجـهـل حالـتـي
وش ذنبي اللي مقترف .. وآعيـش دنيـا مظلمـه
أوجعتنـي وأحرقتنـي وأحرجتنـي فـي علـتـي
وضاعت معك حتـى ابتساماتـي .. وحلـم أحلمـه
والله ماباقـي صبـر .. والصبـر شـرع بملـتـي
ظلم .. وطعون .. ومهزله .. وهموم وقت .. ومظلمه
اللي بقى من حسبتي في العمر .. ضـاع بحسرتـي
واللي مضى ماظنتي يرجـع .. لـو إنـي بأكتمـه
لا يازمانـي وأنـت تعرفنـي .. وتعـرف طيبتـي
صح لسانك اخي الشاعر فيصل
قصيدة رااائعة تترجم جروح الحياة ومتاعبها
لاهان راسك
سلمت وسلم شعرك
دمت بخير