أي والله انك شي ومقابلك شي
وجمالك اللي مابعد شفت زيه
ياللي ملكت القلب ارفق به شوي
جور الزمان ابداخله زاد غيه
الصدر بيتك والغلا حاتم الطي
يا أهلا هلا وألفين ألفين حيه
سم وتفصل من يمين بعد حي
فنجال ولحون اللقاء سامريه
ياروعة أشواقك مثل صافي المي
في شوفتك تصبح حياتي هنيه
وقتي معه من حبها ينطوي طي
صفت له أفراحي ودقت تحيه
ياغصن موز ن نعمه زايد الري:
ياأم الفضايل والكفوف النديه:
اللبس لو هو يابعد مهجتي سي:
يزين لامنك لبستيه ليه:
زود الدلع بك يالحبيبه كما الكي:
للبس تكوين المشاعر بكيه
وجهك يادلوعه بعيني كما الضي:
قمر كمل خمسة عشر يالوفيه:
مشاعرك ورود وتزين الحي:
وقتي مليتيه ابوناسه عليه:
لو أتمنى قلت أنا منيتي هي:
مقصودي أنتي نور نجد العذيه: