السلام عليكم ورحمه الله وبركاته
كيبورديه متواضعه جدا جدا للمشاركه والتواصل ...
اتمنى لها القبول ..
ماجيت اهايط لك ولا جيت انافق=ولاجيت ادور حاجتي عند سعاده
جيت المكان اللي له القلب خافق =ترتيبه الاول وعشقه الرياده
فيه الرفيق اللي ليا قلت رافق=من ينصحك ماهو يضرك عناده
خبلٍ يرز بفيسته دوم طافق=عجلٍ ولا له في السنع والركاده
قالو موافق قلت دغري موافق=واصبحت عضوٍ فيه يقدح زناده
مادور الهزلا ولانيب شافق=ولاحدٍ امجد لجل ماكسب وداده
اتعب على الجزلا وازاحم واصافق=روسٍ تعرف الزاهيه من الجراده
ربعٍ هواهم مع هواي متوافق=ولكل منا زرع يجني حصاده