وهنا مشاركاتي
1-(يا غزالن غرامي في حلاها مجاز)
عن غزال(ن) سباني فوق أرض الحجاز
قلت بأوصف حلاته لكن الوصف عيَّـا
راس مالي قصيدي والقوافـي ارتكـاز
ما هقيت إن شعري صار يمّـه عَصِيَّـا
قلت يا بخت منهـو ذاق شهـده وفـاز
وعقبها يتركونـه فـي عـذاب المَنِيَّـا
كن ملمس جبينه مثـل لمـس القـزاز
ناعم العود رمشه يطوي القلـب طيَّـا
يستبيح المواجـع لـو طلبنـي وعـاز
وإن سلا من عيونه يرويَ الشوق ريَّـا
ما يشوف إلاّ عالي وان مشى باعتزاز
ولو هو أقبل لفيته ألف مرحـب وحيَّـا
وإن يرد التَّحيـه هـز قلبـي اهتـزاز
من بعيـد ويفـارق وش يجيبـه إليَّـا
حاكم(ن) في سلومه كل حكمـه ابتـزاز
ويوم يشرق بليلي يضوي الكون ضيَّـا
انفرد بالصداره فـوق روحـي وحـاز
وان سكن في ضلوعي قلت إقعد هنيَّـا
فرصه وحده لقيته ما عرفـت انتهـاز
بس تمنّيت انّـي فـي حياتـه وَصِيَّـا
قالوا النّاس عنِّـي ان عشقـي نشـاز
وإنّ مكتوب عمري في غرامـي شقيَّـا
يا غزال(ن) تِوّقَفْ قبل تنوي احتجـاز
ما بقى في خفوقي من جنونـك شويَّـا
قالت أمّه على ما ... يا قديـم الطـراز
توّها ما تنـادي غيـر .. بابـا وهَيَّـا
عمرها الحين أربع وأنت عمرك نجـاز
ست وعشرين لكن يـا جميـل المحيَّـا
قول يا خير معطي ويا عظيـم الرِّكـاز
تعطني من هباتـك يـا إلهـي عَطِيَّـا
كنت أظنّك تبالغ يـوم شفـت الجهـاز
في ايدينك وكنّـك تنظـم الشعـر فيّـا
قلت بنتك ملاك(ن) يعشقوهـا العجـاز
لا ملامة بحب(ن)فـي البـراءة صَبيَّـا
يا غزال(ن) غرامي في حلاهـا مجـاز
أشتريها بروحي ...والخسـاره علَيَّـا
2- فديت اللي
فَدِيْت اللِّي إذَا مَا جِيت أنَـا أسْألْـه عَـن حَالَـه
يِبَان الشُّوق فِي عيْنِه ويِسْألْنِي وِشْ اللِّي فِيْـكْ
وَإذَا مَا جَاء عَلَى بَالِي أكِيْـد إنِّـي عَلَـى بَالَـه
وإذَا مَا جِيْتَني تِسْأَلْ أنَا اللِّـي ارْتَمِـي وأجِيـكْ
زِعِلْ مرَّه وحَرَّمْنِـي وأنَـا المُشْتَـاق لِوِصَالَـه
سِهِرْت بِلِيْلَة الفُرْقَه وكِنّي مِـنَ الوَلَـه أشْكِيـكْ
يِرُوح اللِّيْـل ويِتْرِكْنِـي ويِفْعَـل فِيْنِـي أفْعَالَـه
وأنَا فِي دِفْتَري حَايِر أدَوّر كِيـف أنَـا أرْضِيـكْ
هَجِير الشُّوق والخَاطِر يِسَاءِلْنِـي عَـنْ أحْوَالَـه
أنَا وشْ حِيْلِتِي يَاللّي غَرَامِـي مَـا يِأَثِـرْ فِيـكْ
أخَاف الحِيْن اشْرَحْ لَكْ عَـذَاب اللِّيـل وَأهْوَالَـه
ويِصِير الهَم فِي قَلْبَـك عُيُونِـي يَالغَـلا تِفْدِيـكْ
لَو انَّك فَـارِس العُشَّـاق وكُـل الكُـون خَيّالـه
أنَا دَرْب اللِّيَالِي اللِّـي إذَا مَـا جِيْتِنِـي أطْوِيـكْ
أنَا ذَاك الغَرَام اللِّي عَظِيم الشُّـوق هُـو خَالَـه
وفِيْك الخُوف لَو يِطْرِي أنَا يَـا مُنْيَتِـي أعطِيـكْ
سَكَنْت الـرُّوح والخَافِـقْ غَدِيْتِـي دَارَه ومَالَـه
ولِك فِي غِيْبِتِك طَاري يِنَازِعْنِي عَلَـى طَارِيـكْ
دَخَلْتِي دنْيَتِـي لمَّـا نَسِيْـت القَهْـر وأظْلالَـه
مَلَكْتِي مُهْجَتِي والرُّوح كُلْ مَـا تِطْلُبِـي تِعْطِيـكْ
يِبَان الشُّوق فِيْ عِيْنِي وأنَا أسْألْـه عَـنْ حَالَـه
وخُوف الكُون يِمْلِكْنِي قَبْل يِسْأَل (وِشْ اللِّي فِيكْ)؟
3-حسافة ما توهقتك
على كثر الدروب الي مشاها خاطري الحسـاس
اشوفك يالغـلا للحيـن مـا تدريـن باحساسـي
وعلى كل الغناوي اللي يردّدهـا جميـع النـاس
اشوفك عايـش بحالـك وكنّـك يالغـلا ناسـي
منو يقدر يعيش وما يبي فـي روحـه الانفـاس
ومنو غيرك حبيبي كان يروي شـوق انفاسـي
هذاك الّي مضى اول وانا فـي دنيتـك عسّـاس
ولو حتى مضى عمري وغزاني الشيب في راسي
كذا طبعك تدوّر وين بـا تلقـى بريـق المـاس
وتنسى من عطاك الروح لاجلك وانت يالقاسـي
صحيح انه يسمّونك على عرش الهـوى دوّاس
وانا غلطة زماني اني عطيتك ارضـي وفاسـي
وقلت ازرع من الازهار وكل الكون لـه حـراس
اشوفك ترمـي امالـي وتـزرع للعنـا ياسـي
حسافه ما توهقتـك حبيبـي تجهـل الاحسـاس
ولا ظنّيت فـي لحظـه فـؤادك يالغـلا قاسـي
وشكرا يالكريم على التنويه والله يعطيك العافية ويوفقك
ودعواتك يالكريم
والله اني بظروف هذه الايام خلها على ربك بس
بس الواحد يروح المنتديات يحاول يغيّر جو ويهرب شوي من مشاكل ومشاغل الدنيا
تقديري واحترامي
ولدك
علي الحزمي