[بنت القصيد]

السلام عليكم ورحمة الله وبركاته ..

الف هلا ومرحبا باعضاء هذا الصرح الطيب
اطل عليكم اليوم من نافذة الشعر على امل ان تلاقي قصيدتي اعجابكم ..

جتني بعد مارخيت راسي على الكوع=ذيك الهجوس اللي زبنها مقفّي
وابطيت سارح والفكر بات مبيوع=هو ليش قفّى دون عذر(ن) يوفّي
ياهاجسي مسّكني القاف مطيوع=دام الحطب ضلعي وهرجي مهفّي
ما بات يوم الاّ ونا شبه منزوع=لا قلب لا روح(ن) اقولب بكفّي
مادام حالي صار للنّاس مشروع=قلّلت هرجي كود ضلعي يخفّي
والنار لا شبّت وشبّابها لوع=محد(ن) بقاويها ولحد(ن) مطفّي
ياكود شخص(ن) كان لك امس متبوع=يتبعك وانت امخاشره دون دفّي
محد(ن) جبركم والمحبّه لها نوع=في بالكم بحر الهوى مايجفّي
واليوم بلا سبّه كذا جاب لي روع=قفّى وخلّى الارض فيني تلفّي
والقلب لو يشبع غدا ميّت(ن) جوع=والعين منذهله غدت ماترفّي
الصّاحب اللي كان طايع ومطيوع=هرج العواذل فيه ماهو بعفّي
يالله عساه بْخير والخير ينبوع=يشرب عطاه صْويحبي ما يِكِفّي
ابطيت سارح راكي الراس بالكوع=اشقتني الصوره وهي فوق رفّي

وسلامتكم .....