[ابو أنس]

ياصغير السن ياضبي الفلا=كامل الأوصاف وش فيك اتعدي
جعل من هوذيّرك لاقسى البلا=ياعسى قلبه مريض ومجهَدي
ما درى انك جامع(ن)كل الحلا=وان مثلك منزله فوق الجدي
خز قلبي مثل خز المغزلا=يوم شفتك راكض(ن)متجردي
وانكشف برقعك عن طرف أكحلا=ناعس(ن)فاتر مريض ومعتدي
خدك الوردي (أصل) مابه طِلا=وماحلا العنّاب من فوق ابردي
صابني فزّة فزع. ضغطي اعتلا=ما انطح آشوف الغزال مشردي
شلت شومي.شلت فردي محملا=بس لاح الخد طاح اللي بيدي
ثم صحت انا الفدا لك ياهلا=ياهلا بك ياهلا ياسيدي
لدّ لي لاروعته خفّت ولا=رحمني من ذا العيون السهّدي
قال ذا ابويه ومنه اتحمّلا=والخطا منّي وانا اللي معتدي
بس انا ابنصحك فيك اتجمّلا=لا تعرّض للهنوف وتِجهدي
ما ينوبك غير همّ متلتلا=غيرك اشطر ليت فيهم تقتدي