ياغبا بعض البشر .. ينهان من قولة عبـاره=والتعابيـر الهزيلـه نارهـا شـر وشـريـر
البرود احيان مطلب والا انـا طبعـي شـراره=وانت بارد من برودك .. إستحى ثوب الحرير !
والضمير احيان بـارز والا يوجبـك استتـاره=واستتاره يعني انـك تستـر ابـراز الضميـر
والإشاره نوب حمرا واللبيـب امـن الإشـاره=يفهم ويحشم السانـه مـن متاهـات ونفيـر
والصقر مثل النعامه ان كان ماصـاد الحبـاره=والصقـر أول هـداده يعنـي تحذيـر ونذيـر
أنت مثل اللي يقـول ان الحـراره كالحـراره=فسّر الما بعد جهدن مـاء .. ياقصـر النظيـر
والزهر يطرب عيونك من حلاتـه واحمـراره=والزهـور الذابلـه مثـل الخواطـر تستجيـر
من حفر حفره لخوه,, وش توقّـع باحتفـاره؟=والغبي يبقى غبي لو كـان جسمـه كالبعيـر
ومن تهقوابي ردّيه دون عـرف ودون شـاره=من يصغرني ( اصغيّر ) يعني تكبير الصغيـر
ومن كشف ستر الخلايق ينكشف ستره ابعاره=من يدينك تستدين وبـه تُـدان وبـك يصيـر
المهايط لو نفعنا . . مابكا طفـل الحجـاره !!=لاتهايط والشطاره ,, تمسك اسلاحـن شطيـر
والقرين ابكـل مقـارن يقتديبـه باعتبـاره :=أقرب الخلق الجروحه وبالسعاده لـه خشيـر