[متعب المتعب]

لـــلأب

\
\
\

يا يبه كلمه تساوي يا يبه=كل خلق الله وانا أقسم قسم
هم ذرانا بالفرح والمكربه=ومن تبع مرضاتهم والله سلم
له جناح الذل مخفوضن وبه=هو يظللنا عن الشمس ويلم
ومن يجافيهم عذاب يعذبه=ربن اعلم بالخلايق والذمم
لو عطينا ماعطينا من هبه=والله انـّا كل ما اعطينا عدم
لو دفعنا العمر .. أكبر منصبه=ماوفينا لو بذلنا كم وكم
ياهنا منهو بذلّـه وبرّ به=من رضاه الا رضا الرب الحكم
ياعسى يبقى لنا ويسرّ.. به=دمعة عيون بغيابه لم تنم
ربي يبعد كل ماقد حل به=وتسعد قلوبن وتبعد كل غم
يا يبه كلمه تساوي يا يبه=كل خلق الله وانا أقسم قسم

*
*
*
*
*

يالنايفه . . ما كل من غاب ... عذّب=راحة غيابه لا انقطع حبل ضوّه
تدري من اللي غيبته تشلع القلب؟=وكل الأماكن من غيابه تشوّه ؟؟
أبوك من جابك بعد قدرة الرب=والرب مرضاته برضوى الأبوّه
يالنايفه عشتي ف برك ل هالأب=ماهي غريبه للذي برّ بوّه
واللي عقوق الوالدينه ترى هب=هبّه مهب الريح لاشان جوّه
مبطي يقولون العرب للمؤدب=خلقن فضيل وعالي(ن) من سموّه
وماكل من تضحك ثناياه ينحب!=يمكن يدس بضحكته سم سوّه
ياليت نلقى لباب الاحزان مهرب=كان وغلاتك عمرنا ما تأوّه
بعض الأخوه ميّ كفّ(ن) تسّرب=والبعض الآخر لاشهامه ومروّه
يكفيك شره لاتعسّربه الطب=لافارقك نجم السعاده ينوّه
ومن مارحمهم تبّت ايدينهم تب=جعله لنارن في لظاها تكوّه
يارب ياللي تفرج الكرب والكرب=تفرج قصّي الكرب والا دنوّه
يالنايفه نفتي وانا اخوك بالأب=يالله عسى يعطيه صحه وقوّه
يطلب سموحة خاطرك حرف متعب=إن كان قصّر في حروف الأخوّه