ياليتني لحالي
قالت تشوف الزين !؟ قلت اسمحيلي=الزين عندك والحلا ماتعداك
والزود لك والزود ماهو قليلي=والملح والقبله تكمل مزاياك
لك طرف متمرد عليّه يعيلي=يامرحبا بعيلات طرفك ومحلاك
ولك قد لا مليان ولاهو نحيلي=أرخي عباتك ياعسى الله يجزاك
ميلي على مشهاك بالله ميلي=مالت على كل العذارى بمرآك
مشيك كما القايد على راس خيلي=وليا وقفتي وقف الكون يتناك
وليا قعدتي شالك الردف شيلي=وليا التفتي لفت الناس وياك
ياليتني لحالي ورتب مقيلي=وسطّر حروفي على كيف مشهاك
لكن جمعني فيك وقتن بخيلي=ولاهو بيدّي ولاهو بالكيف لاماك
قلتي غزل وعرفك في عديلي=خايف يعلم منهو بالصج يسواك
يوسف الشقران
ـــــــ