يالله ياوالي عليك أتوكل =يارب يلي ملتك خير ملا
كريم رزاقن وللغيث منزل=والأرض تنبت كل لونن وشكلا
رقيبن محاسب على منهو يعمل=وكل شين في مكان ومحلا
تعطف وتعطي كل من كان يسئل=عفوك وعافيتك وخيرن يدلا
يالله ثبتني إبيومك الأطول=لاجا نهارن فيه ريقي مابلا
وأحمانا من شرور عين ومغلل=وبارك لنا بالمال كثره وقلا
من وقت ولامن سنينن تهول=يالله دخيلك من حياتن تعلا
ياذا الجبوت العظيم المِكمل=سبحانه المولى تعالى وجلا
طالبك ياربي ومنك أتذلل=إغفر لنا ياربنا كل زلا
إستر علينا ياغفور وتقبل=إنسان لك صام وتصدق وصلا