[الطائر المهاجر]

يمل القلب جورا ت ا لزمان اللي وقف ضدي = وانا ياخوي لولا الضيق ماجيت اشتكي طفشان
وانا كل ما بغيت ارتاح يجيني الوقت متحدي = وترى منهو غريم الوقت اكيد بينتكس خسران
حاولت اسكت عن احزاني ولكن باح بي سدي= اعاني فراق خلاني واعاني الجور والهجران
عقب جاني خبر عرس العنود اللي لها ودي=بعد عصر الخميس اللي يوافق تسعة من شعبان
دقت تشتكي الحالة تحسب ان حلها عندي=وانا جالس أواسيها واكتم في الحشا نيران
تقول أبوي زوجني كبير في عمر جدي = لأن فلوسه كثيرة واسمه في البلد رنان
يحسب ان السعادة في فلوسه يومه يعدي = مايدري انه بفعله كما اللي باعني مجان
وحتى يوم ولد اخوه يجينا طالب يدي = يرده والسبب انه فقير ومنتف وطفران
اذا منك لقيت العود قله يبشر بصدي = وقله قلبي فعمره ببغضه ماعرف انسان
واذا منه تقرب لي وجاني خاطب ودي = قله يبشر بمنهو يزيد الصد بالحقران
عسى المنية تصيب العود وجلده مالمس جلدي=او انها تفني عظامي وتريح قلبي المنهان
وقلت لها ترى يابنت صدك ما بمجدي= ادعي ربك يعينك وعليك الصبر والسلوان
بعد مارحت لبيت العرس لقيت الباب منسدي=وسبب سده وفات اللي بيعت بارخص الاثمان
طلبت الله يرحمها توصيني تقول اهدي = لأبوي اللي ذبحني كل معاني الشكر والعرفان

جورات الزمان...............زياد العصيمي

تحياتي

العنود