احس بداخلـي نيـران ما تطفى ولا بكره = واحس اني انا الغلطان بحب اللي بدا صدّه
نسيت الناس تتغير بعـد ذاك الـوله تكره = وعرفت ان اللذي قفّى انا مافرح على طرده
ونسيت الوقت يتغيّر مثل واقف على صخره = جرفها السيل للـوادي وهو معها ولا ودّه
لقى نفسه بوسط البحر بلا مجداف او خبره = وغيره مركبه يجري على الكهرب ومن قدّه
يبي لو يكتسب خبره ، تحمّل وانتهى صبره = فلا هـو منقـذٍ روحه ولا هـو مبديٍ سدّه
يحـاول يعكس التيّار بلا حيـلٍ ولا قـدره = يحـاول يتبع التيّـار ، ثقيـل وما نفع شدّه
وقف مذهـول ما يدري بليـلٍ اختفى بدره = يجرّ الصـوت من قلبه لعـله تاصله نجده
خذيني يا عروس البحر مالي فيه او غدره = ورسّيني على مينـا اشوف السعد من بعده
لعـل اسلى مع الايام ولا يطري علي ذكره = وداوي جرحي النازف بقلبٍ ما وقف ضده
وخذيني ياطيـور الشوق اهاجر عنه بالمره = فصد بصد والبـادي يتحمل للفعـل ردّه
ابنسى طيفه الزائر ولا اسأل عن سبب هجره = ودور كوكبٍ ثاني وخلي الارض له وحده