ترى غزه بكت تنخى تنادي بالعرب بيطـار=تقول الفزعة الفزعة نيران الغـرب تكوينـي
تنادي كنّها طفل ٍ رضى باليتم معـه صغـار=نيران الغدرشبّت به يقـول أرجوفـلا تجينـي
ياوين أبناء هل الأمـه عددهـا جاوزالمليـار=ولكن مع زيادتهم ياكيـف الكـل جافينـي
جروح ٍبعثرت أرضي حمايم تلتهب مـن نـار=طلب للواحد المعبـود يثبتنـي علـى دينـي
بلدنا صاربالكامل منين نروح بوسط أسـوار=وجيراني حتى جيراني على الموقـف فلاتبينـي
نصف قرن ٍقضيتنا نشرهـا بـوش بالمنشـار=يقول القدس تتبعنـا تنامـت عـدة سنينـي
مسحك الله يامجـرم زعيـم بعالـم الفجّـار=منين تحل في أرض ٍ سـوادك بـان يكفينـي
عراق المجد متمزق سبب جيـش ٍ يجرالعـار=علوج الغرب تفسد به خلطت الماء بالطينـي
تفرقناعلى السلطـه تقاتلنـا بكـل إصـرار=حماس تقول أنا الأقوى فتح وتقول وش فينـي
مواقف تجـرح الخاطرتوحدنـا بـدأ ينهـار=ترى الموساد في أرضي كما الأشواك بالتينـي
وأباأستثني أبومتعب زعيـم ٍ بـان بـالأدوار=عن الفرقه يباعدنـا ملـك مايـوم ناسينـي
عقدنا صلح على الأوراق لعبنا لعبة الشطّـار=وطريق الكذب في الأخر طريق ٍ وين يدعينـي
نبي منصب نبي كرسي نصنّف ناس تعيش كبار=ولا منصب ولا كرسي ماغير الضعف هاويني
قضيتناقضيتنـا تجرعنـا سببـهـا أمــرار=طريق الذنب مايسلك على الخذلان يرمينـي