أبو عبدالله كل كلامي صار ملطوش يادافع البلى والله كله من راسي وعلى الكي بورد وتعال نتناقش
1- لايوجد بالدنيا مستحيل (نص ونص)هذي أنا متأكد منها وتعلمتها في حياتي مع لأن بعض الأحيان ياخذني اليأس
2- أن جرح الأقراب أعظم من جرح الأجناب(موجود)طيب هذي متفقين زين
3- أن الإنسان يعامل الناس دائماً بطبعه وليس بمايستحقون( يعني لو كان طبعك السخرية تعاملهم بالسخرية ولو هم مايستحقونها .... سجل واحد فول مدمس )بجيب لك مثال علشان تفهم قصدي يمكن ماعرفت أوصل المعنى صح أقصد لو أن فيه إنسان خربان فأنه لن يعامل الناس كلهم على أنهم صالحين بيعتقد أن الكل خربان حتى ولو كانوا صالحين هذا قصدي
4- أن الإنسان فكر وعقل قبل أن يكون قلب وجسد (من وين نقلت هالجملة.... سجل لطشة على الطاير)والله من راسي ألا أن كان فيه أحد توصل لهذي الحكمه من واقع تجربه مدري
5- أن الحب أعمى لهذا تخير الأختيار الصحيح ليقودك أختيارك لكل خير( سجل لطشه)الحب أعمى هذي حكمه معروفه تخير الأختيار الصحيح ومابعدها من راسي
6- أن الجنون فنون وأن العقل فن واحد (سجل لطشه)والله العظيم من واقع خبرة ومن راسي
7- أن الإبتسامه لا ترضي المتكبر ولو كانت هي كل ماتملك (سجل لطشه)والله العظيم من راسي من واقع خبره
8- أن الحسد هو المحرك الأكبر لسيوف الغدرعند غالبية البشر (سجل لطشه)هذي منك ماخذها لما كلمتني ذاك اليوم فوجدت أنها صحيحه وسحبتها على باقي الناس لما تأملت حالهم بس جبتها بأسلوب
9- أن الناس تقدس المادة وتعبدها أعظم من أي شيء آخر ( وانت تعيش بدون مادة)هذا صحيح أنا بدون مادة بس هذا الي لا حظته على الناس موب لازم تكون فيني وهذي أيضاً تعلمتها بنفسي,,
أن الكريم يمتلك بالجميل فأكتشفت أن هذا الزمن ليس به من يصفو من تكدير وعرفت أنك أن تملك ريالاً فقط ملكت عبداً من عباد الدنيا (وهذا يؤكد تناقض بينها وبين 9 ، يعني صف حكي)لا والله بس أنا لا حظتها في من هم حولي من التجار كيف الناس تجاملهم وتخنع لهم وتنافقهم فتعلمتها من مارأيت
10- أن أعيش مبتسماً في وجه عدوي قبل صديقي (ماهوب الظاهر ياعنز القبله)ألا الظاهر بس بعض الأعداء مايخليك تبتسم غصب عنك تثور لقوة عداوته
11- أن قلبي لايأتي أجزاء بل يأتي دفعة واحدة بكل مافيه (صح ومعه كل جسمك)الله يسلمك كنك داري دليل القلب أبيض
12- أن صديقك اليوم عدوك غداً وعدوك اليوم صديق غداً (ملطوشه)لا طشها من الشيخ محمد الله يحفظه لعياله علمنياها في الثانويه ومازلت أحتفظ بكلماته وحكمه الي بصراحه كانت سراج في طريق الظلمه
13- أن أحب كل من يحبني وأن أكون لطيفاً مع الكل إلا فيما يستوجب دفع شبهه ( يعني نص ونص)ألا صحيحه 100% وهذا الي أعتقده
14- أن الرجال معادن أعلاها الذهب وأدناها الزهر فلا يستخدم إلا في المجاري أكرمكم الله ( ملطوشه)الرجال معادن حكمه معروفه أعلاها الذهب مدري شكلي سمعتها من أحد من زمان الزهر ومابعدها من عندي يالغالي وهذي تعلمتها في حياتي
15- أنه ليس هناك من يملكك ألا صاحب معروف لا يخالط قلبه مصلحه (ملطوشه)والله هذي من عندي ومن راسي جايبها وأنا على الكي بورد
16- القسوة في موضع واحد وهو إذا رميت في شرفي ( تجي كلك .. وهذي تؤكد 13)الله يسلمك هذي عادات الرجال
17- العلم نور والجهل ظلمة والنور صلاح وسير معتدل والظلمة عثرة وكثرة زلل ( ملطوشه) العلم نور حكمه والجهل مدري ماعرف كمالتها كملتها من عندي,, ظلمة ومابعدها مني ووالله ما أخذتها من أحد من راسي يعني من مراكز التفكير الي في مخي

كنت برد من أول قلت لا خل أبو عبدالله يقول الي عنده وأشوف وش يفكر فيه ثم أبين له كل هذا الكلام ويوم شفتك معط أذني قلت لابد أفك أذني منك وبصراحتي المعهوده