اقتباس:
لسه صابر قلبى
لسه
مستنى الأمان
لسه دمعه ف عينيه
مركونه من زمان
و الجراح لساها تنزف
م ال باع و ال خان
ووداع حزين من غير سلام
لسنين كتيره عشتها بحلوها و مرها
و ألام لوحدى إتألمتها و كتمتها
عاشت فى قلبى لوحدها
من غير ما حد يحسها
دلوقتى بس بدأت أحس
لما الدموع غسلت عينيه
الرعشه هزت كيانى و التعب زاد عليا
و بقيت ملازم للفراش
ساعات أأقوم و ساعات أزووم
مستنى موت أو إنتعاش
بين التمنى و الأمل
حروفى تبكى
لما أشوف بنتى و أبنى
ببراءة عيون بالحَمَار إتلونت
بسمة شفايفى تقول لهم
متخفوش يمكن أعيش
كل شئ فى الدنيا غيركم ما يهمنيش
ادعولى أرجع تانى ليكم
و أكون معاكم و بين إيديكم
!
!
!
كفايه كده
|
ابراهيم عبدالحميد ( الخريف الحزين )
من اختار ان يبيعك فلا تعيره اهتمام
نعم لقد خلقك الله وحيدا في بطن امك
وانت لن تتاثر بواحد نساك وباعك
بل على العكس انت من استغنى عنه لانه لايستحق المكانه
التي اوجدتها له 0
حفظك الله لابناءك وجعلك نبراسا لهم
نص من النوع الفاخر الذي
خرج من قلبك بكل صدق ودخل الى قلوبنا بكل اصغاء
دام قلمك الجميل ودمت بخير وعافية