هذي رسالة ود للي تبيني=بكتب بها ملح القوافي والاشواق
ببوح في سدي وخافي كنيني=ياللي سكنتي في معاليق الاعماق
انتي غلاي ومهجتي والحنيني=وغيرك لضامي لو تهيا فلا راق
والله لو زان البخت والسنيني=لاسكنك بين المحاجر والارماق
امشي عما وش عاد دام انت عيني=انت ِ النظر والشوف يا نسل الاعراق
ولو عيروني بالبصر انت زيني=مشهود لك ياعاليه فوق الاذواق
خوذي تواقيعي وبصمة يديني=وعمر ٍ وروح ٍلجلك اليوم تنساق