تعبت اكتم عنا قلبي واقول اقدر على الكتمان = احاول ابتسم والقى حنين الشوق بشجاني
أقول البارحة ولاّلا وأصبح في غضى النسيان = مقدّر وانكتب فيني فخلّه كان ما كاني
وصادف كل ما حولي من أشجارٍ ومن أركان = يهيّض هاجسٍ ماتت شراعاته برباني
يذكرني حبيبي اللي سكن في داخل الوجدان = يذكرني ابتساماته وزاد الغم واشقاني
أشوف الهم في دربي مشعشع نوره وهيمان = وأشوف الدمع أنهارٍ على خدٍ لبنياني
أحبه كلمةٍ والله قليلة بكفة الميزان = متيم بالتراب اللي عليه امشى وولهاني
إلى منّه طرى في خاطري وفجئه ظهر لي وبان = أقوم اممجدٍ قدره وأضمه بين أحضاني
أموت بنظرةٍ منك وأحيا يا عظيم الشان = ملكت النبض في قلبي دَمَك يجري بشرياني
أحبك أعشقك أهواك يشهد ربيَ الرحمن = وعمري من بدايا العمر فدوه وكل أزماني
ولكن الزمن عيّا تطول آخوة الخلان = خذوه أهله من أحياتي وأنا للموت لهفاني
أونّ بونتة الممسوس مسّه ماردٍ شيطان = أشاطر ليلي في سهْره وأنا مقوي وعطشاني
هجرت النوم الين النوم هجرني وغفوة النعسان = أدور للخليل اللي عطاني حب ورواني
ترى في هالزمن قله تلاقي من علا انسان= وكلٍ يدعي وصلٍ بليله دون حرماني
عجزت القى مكانه حدْ يبدّد ماضيّ الأحزان = يهلّ أهلاليَ اليأس يشبّ الروح من ثاني
ألا يا كيف أوصله بلا درب وبلا عنوان = وأصعب حب في الدنيا تجلى بدون عنواني
::
تحياتي
ماجد المهدي